आष्टी( प्रतिनिधी : गोरख मोरे )    मुख्यमंत्री सहाय्यता निधी व धर्मादाय रुग्णालय मदत कक्ष व जिल्हा प्रशासन बीड यांच्या समन्वयाने महाराष्ट्र राज्याचे मुख्यमंत्री मा.ना.श्री. देवेंद्रजी फडवणीस साहेब यांच्या वाढदिवसा निमित्त आष्टी/ पाटोदा/ शिरूर मतदार संघातील नागरिकांसाठी मुख्यमंत्री मोफत महाआरोग्य शिबिराचे दिनांक ६ ते ७ ऑगस्ट २०२६ रोजी अनिषा ग्लोबल स्कूल ग्राउंड, जामगाव रोड, आष्टी. जिल्हा बीड येथे सकाळी १० ते सायंकाळी ५ या कालावधीत आयोजन केले आहे.    तत्पूर्वी रुग्णांची नाव नोंदणी करणे आवश्यक असल्याने आष्टी तालुक्यातील मौजे धानोरा येथे आज शुक्रवार ३१ जुलै २०२६ रोजी सकाळी १० ते ५ या वेळात धानोरा सह परिसरातील गरजू रुग्णांची धानोरा येथील मारुती मंदिरात नाव नोंदणी करण्यात आली असून या प्रसंगी डॉ. मयूर कदम , सिस्टर संजीवनी गोरे, पल्लवी सिस्टर, आशा सविता मोरे ,सर्व लॅब टीम या प्रसंगी उपस्थित होते.   धानोरा सह परिसरातील गरजू रुग्णांना मुख्यमंत्री मोफत महाआरोग्य शिबिराचा लाभ मिळवून देण्याकरिता आष्टी पंचायत समिती सदस्य परमेश्वर (काका ) शेळके , आष्...

बीडच्या विविध प्रलंबित प्रश्नांसाठी डॉ. ज्योतीताई मेटे यांचे उपमुख्यमंत्री सुनेत्राताई पवार यांना निवेदन बीड ( प्रतिनिधी ) शिवसंग्राम पक्षाच्या अध्यक्षा डॉ. ज्योतीताई विनायकराव मेटे यांनी महाराष्ट्राच्या उपमुख्यमंत्री तथा बीड जिल्ह्याच्या पालकमंत्री मा. सुनेत्राताई पवार यांची भेट घेऊन बीड शहर व तालुक्यातील विविध प्रलंबित प्रश्नांबाबत सविस्तर निवेदन सादर केले. या निवेदनामध्ये नागरिकांच्या मूलभूत सुविधा, महिला सक्षमीकरण, आरोग्य, पशुसंवर्धन तसेच पुनर्वसनाशी संबंधित सहा महत्त्वाच्या मागण्यांकडे लक्ष वेधत त्यावर तातडीने कार्यवाही करण्याची मागणी करण्यात आली. निवेदनामध्ये बीड शहरातील बसस्थानक, छत्रपती शिवाजी महाराज चौक, सुभाष चौक आदी प्रमुख ठिकाणी महिलांसाठी आधुनिक व सुसज्ज सार्वजनिक स्वच्छतागृहे उभारण्याची मागणी करण्यात आली. तसेच महिला बचत गटांना त्यांच्या उत्पादनांसाठी कायमस्वरूपी विक्रीची सुविधा उपलब्ध व्हावी, यासाठी बीड पंचायत समितीच्या जुन्या आवारात अथवा 'उमेद' अभियानांतर्गत महिला बचत गटांसाठी कायमस्वरूपी बाजारपेठ किंवा मॉल उभारण्याची मागणी करण्यात आली. याशिवाय मौजे क...

बीड | प्रतिनिधी आषाढ पौर्णिमा तथा गुरुपौर्णिमेनिमित्त धानोरा रोड येथील नागसेन बुद्धविहारात वर्षावासाचा शुभारंभ अत्यंत धम्ममय वातावरणात करण्यात आला. यानिमित्त आयोजित बुद्धवंदना कार्यक्रमाला पंचशील नगर परिसरासह शहरातील विविध भागांतील बौद्ध उपासक-उपासिकांनी मोठ्या संख्येने उपस्थित राहून धम्मश्रद्धा व्यक्त केली. कार्यक्रमास भारतीय बौद्ध महासभेचे महासचिव पूज्य भिक्खू डॉ. सुमेधबोधी (ए)चैत्यभूमी मुंबई यांची प्रमुख उपस्थिती लाभली. प्रारंभी त्यांच्या हस्ते भगवान तथागत गौतम बुद्ध आणि भारतरत्न डॉ. बाबासाहेब आंबेडकर यांच्या प्रतिमेस पुष्पहार अर्पण करून बुद्धवंदनेने कार्यक्रमाची सुरुवात झाली. कार्यक्रमाचे प्रास्ताविक आयु. व्ही. एन. निसर्गंध (भारतीय बौद्ध महासभा) यांनी केले. तर प्रा. व्ही. आर. गाडे यांनी आषाढ पौर्णिमा आणि वर्षावासाचे धार्मिक व ऐतिहासिक महत्त्व उपस्थितांसमोर उलगडून सांगितले. धम्मदेशनेत पूज्य भिक्खू डॉ. सुमेधबोधी यांनी भगवान गौतम बुद्धांच्या जीवनातील आषाढ पौर्णिमेचे विशेष महत्त्व स्पष्ट केले. त्यांनी सांगितले की, इ.स.पूर्व ५२८ मध्ये सिद्धार्थ गौतम यांना ज्ञानप्राप्ती झाल्य...

ग्रामीण भागातील मुलींसाठी केंद्रस्तरावर शासकीय निवासी शाळा सुरू करा : - बाजीराव ढाकणे उपमुख्यमंत्री सुनेत्राताई पवार यांच्याकडे निवेदन; बीड जिल्ह्यासाठी विशेष शिक्षण आराखड्याची मागणी बीड प्रतिनिधी : - बीड जिल्ह्यातील ग्रामीण, डोंगराळ व दुर्गम भागातील मुलींना सुरक्षित, गुणवत्तापूर्ण आणि सातत्यपूर्ण शिक्षणाची संधी उपलब्ध करून देण्यासाठी प्रत्येक केंद्र (क्लस्टर) स्तरावर मुलींसाठी शासकीय निवासी शाळा सुरू करण्यात याव्यात, अशी मागणी लेक लाडकी अभियान, महाराष्ट्र राज्यचे बीड जिल्हा समन्वयक बाजीराव नवनाथ ढाकणे यांनी राज्याच्या उपमुख्यमंत्री सुनेत्राताई पवार यांच्याकडे निवेदनाद्वारे केली आहे. या निवेदनावर महा एनजिओ फेडरेशनचे मार्गदर्शक प्राचार्य डी. जी. तांदळे यांच्यासह अनेकांच्या स्वाक्षऱ्या आहेत. निवेदनात म्हटले आहे की, शिक्षण हा प्रत्येक मुलीचा घटनात्मक अधिकार असून ग्रामीण भागातील मुलींना माध्यमिक व उच्च माध्यमिक शिक्षणासाठी आवश्यक सुविधा आजही अपुऱ्या आहेत. अनेक गावांमध्ये इयत्ता ५ वी किंवा ८ वीनंतर पुढील शिक्षणासाठी मुलींना ५ ते १० किलोमीटर किंवा त्याहून अधिक अंतर प्रवास करावा...

जीवाची वाडी जिल्हा परीषद शाळेत ना.पंकजाताई मुंडे यांच्या वाढ दिवसा निमित शैक्षणिक साहित्य वाटप-विजयकांत मुडे. येवता:प्रतिनिधी:आप्पाराव सारूक दि.३० रोजी केज तालुक्यातील जीवाची वाडी येथे जिल्हा परीषद उच्च प्राथमिक शाळेत इयत्ता १-ली ते-७वी वर्गातील मुली-१०५,मुले-७०एकुण-१७५ विधार्थ्यांना ना. पंकाजाताई गोपीनाथराव मुंडे,पशुसंवर्ध व पर्यावरण आणि वातावरण बदल,मंत्री यांच्या वाढ दिवसा निमीत कंपास पेटी,वही व पेनचे तसेच वृक्ष रोपांचे माजी विडा जिल्हा परीषद सदस्य,विजयकांत विक्रमराव मुंडे यांनी स्वतःस्वखर्चातुन वाटप करण्यात आले.कार्यक्रमास संबोधीत करताना विजयकांत(भेया)मुंडे म्हणालेकी पंकजाताईं मुंडे यांच्या वाढ दिवस साजरा करताना वीडा सर्कल मधील सर्व जिल्हा परीषद शाळांची निवड केली कारण या शाळेत फक्त शेतकऱ्यांची व गरीबांची मुल शिकतात म्हणुन या शाळांची निवड केली.वीडा परिसर स्वर्गीय गोपीनाथरावजी मुंडे साहेब यांना मानणार आहे त्यांचे काही प्रमाणात ऋणातुन मुक्ती मिळावी करिता या कार्यक्रमाचे आयोजन केले कार्यक्रमास भाजपा ज्येष्ठ नेते तुळशीराम तोंडे, बंडूशेठ पाटील,मुख्याध्यापक रमेश चौरे,भीमराव चौ...

मुस्कान शेख मृत्यू प्रकरणाची धाराशिवच्या त्रिसदस्यीय समितीकडून चौकशी; उद्या बीडमध्ये जबाब नोंदविणार स्थानिक चौकशी समितीवर नातेवाईकांचा आक्षेप; वरिष्ठ स्तरावर स्वतंत्र समितीची नियुक्ती : डॉ. गणेश ढवळे बीड:-(दि.३० ) : बीड जिल्हा रुग्णालयातील माता व बाल रुग्णालयात उपचारादरम्यान झालेल्या मुस्कान शेख (वय २४, रा. इस्लामपुरा, बीड) यांच्या मृत्यू प्रकरणाची चौकशी आता धाराशिव येथील त्रिसदस्यीय समितीकडून करण्यात येणार आहे. स्थानिक चौकशी समितीवर नातेवाईकांनी निष्पक्षतेबाबत आक्षेप घेतल्यानंतर वरिष्ठ स्तरावर ही समिती नियुक्त करण्यात आली असून, उद्या शुक्रवार (दि. ३१ जुलै) रोजी सकाळी ११ वाजता बीड जिल्हा रुग्णालयातील व्हीसी हॉलमध्ये संबंधितांचे जबाब नोंदविले जाणार असल्याची माहिती सामाजिक कार्यकर्ते तथा बीड जिल्हा माहिती अधिकार कार्यकर्ता महासंघाचे मुख्य प्रचार प्रमुख डॉ. गणेश ढवळे यांनी दिली. मुस्कान शेख यांच्यावर १० जुलै रोजी नव्या माता व बाल रुग्णालयात सिझेरियन शस्त्रक्रिया करण्यात आली होती. शस्त्रक्रियेपूर्वी जिल्हाधिकारी विवेक जॉनसन, जिल्हा शल्यचिकित्सक डॉ. सतीशकुमार सोळंके आणि अतिरिक्त...

जागतिक मानव तस्करी विरोधी दिन : मानवी प्रतिष्ठेच्या रक्षणासाठी सामूहिक लढा -- लेखन आणि संकलन --  सौ. आशाताई बाजीराव ढाकणे सामाजिक कार्यकर्त्या तथा सचिव, श्री तुळजाभवानी महिला बहुउद्देशीय सेवाभावी संस्था, जोला, पो. देवगाव, ता. केज, जि. बीड दरवर्षी ३० जुलै रोजी जगभरात "जागतिक मानव तस्करी विरोधी दिन" (World Day Against Trafficking in Persons) साजरा केला जातो. संयुक्त राष्ट्रसंघाने (United Nations) २०१३ मध्ये या दिवसाची घोषणा केली. या दिवसाचा उद्देश मानव तस्करीसारख्या अमानुष गुन्ह्याविषयी जनजागृती करणे, पीडित व्यक्तींचे संरक्षण करणे आणि मानव तस्करी रोखण्यासाठी समाज, शासन व कायदा अंमलबजावणी यंत्रणांमध्ये समन्वय निर्माण करणे हा आहे. मानव तस्करी हा जगातील सर्वात गंभीर आणि संघटित गुन्ह्यांपैकी एक मानला जातो. आर्थिक लाभ मिळविण्यासाठी महिलांना, मुलींना, बालकांना तसेच पुरुषांनाही फसवून किंवा जबरदस्तीने एका ठिकाणाहून दुसऱ्या ठिकाणी नेऊन त्यांचे लैंगिक शोषण, सक्तीची मजुरी, बालमजुरी, भीक मागण्यास भाग पाडणे, बेकायदेशीर अवयव व्यापार किंवा इतर अमानवी कृत्यांसाठी वापर केला जातो. हा...

   परळी दि.२९ ( प्रतिनिधी ) रोजंदारी मजदुर सेनेच्या दणक्याने परळी औष्णिक विद्युत केंद्रातील सर्व विभागप्रमुखांच्या अधीनस्थ कंत्राटदारावर विविध कामगार कायद्यांतर्गत मा. प्रथम न्यायदंडाधिकारी परळी वैजनाथ तालुका परळी वैजनाथ जिल्हा बीड यांच्या न्यायालयात खटले दाखल करण्यात आले, अशी माहिती संघटनेचे केंद्रीय महासचिव भाई गौतम आगळे सर यांनी दिली.      याबाबत सविस्तर माहिती अशी की परळी औष्णिक विद्युत केंद्रातील वीज कंत्राटी कामगारांचे बेकायदेशीर पिळवणूक करणाऱ्या मुख्य अभियंता यांच्या आस्थापनेतील सर्व विभाग प्रमुखांच्या अधीनस्थ कंत्राटदार व संबंधित विभाग प्रमुख मागील 35 वर्षापासून किमान वेतन व अनुषंगित लाभ न देता कंत्राटी कामगारांचे शोषण करत आहेत याकरिता सरकारी कामगार अधिकारी बीड यांच्यामार्फत निरीक्षण करावे याकरिता संघटनेच्या वतीने जिल्हाधिकारी कार्यालय बीड समोर तब्बल 11 दिवस उपोषण केले होते त्या अनुषंगाने सरकारी कामगार अधिकारी बीड सुधाकर कोनाळे यांनी दिनांक २०/ ०८/ २०२५ रोजी औष्णिक विद्युत केंद्रातील आस्थापनेत युनिट नं. ६/७/ ८ येथे निरीक्षण केले होते. परंतु ...

​बीड  प्रतिनिधी :- बीड शहरातील अहिल्यानगर-बीड राष्ट्रीय महामार्ग क्रमांक ५६१ वरील बालेपीर परिसरातील दर्गाजवळ गेल्या अनेक दिवसांपासून रखडलेला रस्ता अखेर वाहतुकीसाठी मोकळा झाला आहे. ​भाजपा युवा नेते डॉ. योगेश क्षीरसागर यांनी केलेल्या सातत्यपूर्ण पाठपुराव्यामुळे रस्त्याचे काम पूर्ण झाले. बुधवारी (दि. २९) डॉ. क्षीरसागर यांनी स्वतः रस्त्यावरील बॅरीकेट्स हटवून हा मार्ग नागरिकांच्या सेवेत खुला केला. ​या महामार्गावरील रस्ता बंद असल्याने वाहनधारकांना व स्थानिक नागरिकांना मोठा मनस्ताप सहन करावा लागत होता. रस्ता सुरू झाल्याने वाहतूक कोंडीतून दिलासा मिळाला असून, परिसरातील नागरिक व प्रवाशांकडून समाधान व्यक्त केले जात आहे.

तलाव भूसंपादन घोटाळा प्रकरणी तत्कालीन उपजिल्हाधिकारी चंद्रकांत सुर्यवंशी, अव्वल कारकून श्रीनिवास मुळे, यांच्यावर कारवाईची टांगती तलवार! उच्च न्यायालयाचा दणका; चौकशी अहवाल जिल्हाधिकाऱ्यांकडे सादर – भूसंपादन घोटाळ्यातील संपूर्ण रॅकेट उद्ध्वस्त करा : डॉ. गणेश ढवळे बीड:- (दि.२९) : बीड जिल्ह्यातील मेंगडेवाडी (ता. पाटोदा) येथील तलाव भूसंपादन प्रकरणातील आर्थिक गैरव्यवहारामुळे तत्कालीन उपजिल्हाधिकारी चंद्रकांत सुर्यवंशी, अव्वल कारकून श्रीनिवास मुळे तसेच संबंधित अधिकारी, कर्मचारी आणि वकील यांच्या अडचणीत वाढ झाली आहे. बनावट कागदपत्रे, खोटे अहवाल व बनावट सही-शिक्क्यांच्या आधारे शासनाची दिशाभूल करून १ कोटी ४६ लाख ३५ हजार ७७७ इतक्या4 रकमेचा अपहार करण्यात आला असून, संबंधितांवर फौजदारी गुन्हे दाखल करण्याची मागणी सामाजिक कार्यकर्ते तथा मुख्य प्रचार प्रमुख बीड जिल्हा माहिती अधिकार कार्यकर्ता महासंघ महाराष्ट्र राज्य डॉ. गणेश ढवळे लिंबागणेशकर यांनी केली आहे. या प्रकरणी प्रशासनाने कारवाई टाळल्याने शेतकरी बाबासाहेब रावसाहेब मेंगडे यांनी मुंबई उच्च न्यायालयाच्या छत्रपती संभाजीनगर खंडपीठात रिट ...

        गेवऱाई ( प्रतिनिधी ) दि. 28 — महाराष्ट्रातील अनुसूचित जातींचे उप-वर्गीकरण करून अत्यंत वंचित घटकांना प्राधान्य देण्याबाबत गेवराईचे तहसीलदार संजय सोनवणे यांच्यामार्फत महाराष्ट्र सामाजिक सुरक्षा समितीचे अध्यक्ष कडूदास कांबळे आणि पांडुरंग तुकाराम खरात यांनी महाराष्ट्र राज्याचे मुख्यमंत्री यांना निवेदन दिले आहे.        निवेदनात राज्यघटना कलम १४, १५(४), १६(४), १७ व ४६ आणि सर्वोच्च न्यायालयाच्या दिनांक १ ऑगस्ट २०२४ च्या निर्णयाचा संदर्भ देत राज्याने अनुसूचित जातींचे उप-वर्गीकरण करून अत्यंत वंचित गटांना प्राधान्य देण्याचा अधिकार असल्याचे सांगितले आहे. सामाजिक असमानता दूर करण्यासाठी आणि आरक्षणाचा लाभ खरी गरज असलेल्या कुटुंबांपर्यंत नेण्यासाठी खालील प्रमुख मागणी करण्यात आल्या आहेत. १) महाराष्ट्रात “अनुसूचित जाती सामाजिक न्याय आयोग” किंवा तत्सम उच्चस्तरीय आयोग स्थापन करून अनुसूचित जातींचे सर्वंकष सर्वेक्षण करावे. आयोगाला उप-वर्गीकरण आणि क्रीमी लेयर संबंधी शिफारसी देण्याचे अधिकार द्यावेत. २) उप-वर्गीकरणाच्या माध्यमातून अस्पृश्यता, भूमी-ही...

परळी नगरपालिकेचा कोंडवाडा नेमका कुठे? मोकाट जनावरांचा शहरात हैदोस; दीपक देशमुख यांचा सवाल परळी वैजनाथ | प्रतिनिधी परळी शहरातील राणी लक्ष्मीबाई टॉवर चौक परिसरासह प्रमुख रस्त्यांवर मोकाट जनावरे बिनधास्तपणे वावरत असल्याने नागरिक, पदचारी आणि वाहनचालकांना मोठ्या त्रासाला सामोरे जावे लागत आहे. या पार्श्वभूमीवर परळी नगरपालिकेच्या मोकाट जनावरांसाठीच्या कोंडवाड्याच्या कार्यक्षमतेवर माजी नगराध्यक्ष दीपक देशमुख यांनी प्रश्नचिन्ह उपस्थित केले आहे. देशमुख यांनी प्रसिद्धीस दिलेल्या निवेदनात म्हटले आहे की, मोकाट कुत्रे पकडण्याची मोहीम काही दिवस चालविण्यात आली; मात्र त्यातून अपेक्षित परिणाम दिसून आले नाहीत. त्यानंतर शहरात मोकाट गायी, बैल व इतर जनावरांचा वावर वाढला असून राणी लक्ष्मीबाई टॉवर चौकासह मुख्य मार्गांवर वाहतुकीला अडथळा निर्माण होत आहे. त्यामुळे महिला, ज्येष्ठ नागरिक, विद्यार्थी आणि इतर पदचाऱ्यांच्या सुरक्षिततेचाही प्रश्न निर्माण झाला आहे. नगरपालिकेने मोकाट जनावरांसाठी कोंडवाडा सुरू केला आहे का, की तो केवळ कागदोपत्रीच आहे, असा सवाल करत देशमुख यांनी या कामावर झालेल्या खर्चाची आणि प्...

शहादा प्रतिनिधी : MPSC औषध निरीक्षक पदाच्या परीक्षेतील कथित पेपरफुटी प्रकरणाची चौकशी करून दोषींवर कठोर कारवाई करण्यात यावी अशी मागणी बिरसा फायटर्स संघटनेकडून महाराष्ट्र लोकसेवा आयोग महाराष्ट्र राज्य अध्यक्ष यांच्या कडे एका निवेदनाद्वारे करण्यात आली आहे.मागणीचे निवेदन तहसीलदार शहादा यांना देण्यात आले आहे.निवेदनावर बिरसा फायटर्सचे राष्ट्रीय अध्यक्ष सुशिलकुमार पावरा, राज्याध्यक्ष गोपाल भंडारी, राज्य उपाध्यक्ष गणेश खर्डे, जिल्हा उपाध्यक्ष करन सुळे व जिल्हा प्रसिद्धी प्रमुख जालिंदर पावरा यांच्या स्वाक्षऱ्या आहेत.                महाराष्ट्र लोकसेवा आयोगामार्फत घेण्यात आलेल्या औषध निरीक्षक पदाच्या परीक्षेतील कथित पेपरफुटी प्रकरणाबाबत विद्यार्थ्यामध्ये व स्पर्धा परीक्षेची तयारी करणान्या उमेदवारांमध्ये मोठ्या प्रमाणात नाराजी व असंतोष निर्माण झाला आहे. सदर प्रकरणामुळे परीक्षेच्या पारदर्शकतेवर तसेच महाराष्ट्र लोकसेवा आयोगाच्या परीक्षा प्रक्रियेच्या विश्वासार्हतेवर प्रश्नचिन्ह निर्माण झाले आहे.राज्यातील हजारो विद्यार्थी अनेक वर्षापासून मेहनत, वेळ आ...

शहादा प्रतिनिधी : E20 इथेनॉल पेट्रोल बंद करा, अशी मागणी बिरसा फायटर्स नंदुरबार संघटनेकडून केंद्रीय पेट्रोलियम मंत्री नवी दिल्ली यांच्या कडे एका निवेदनाद्वारे करण्यात आली आहे.मागणीचे निवेदन तहसीलदार शहादा यांना देण्यात आले आहे.निवेदनावर बिरसा फायटर्सचे राष्ट्रीय अध्यक्ष सुशिलकुमार पावरा, राज्याध्यक्ष गोपाल भंडारी, राज्य उपाध्यक्ष गणेश खर्डे, जिल्हा उपाध्यक्ष करन सुळे व जिल्हा प्रसिद्धी प्रमुख जालिंदर पावरा यांच्या स्वाक्षऱ्या आहेत.                  भारत सरकारकडून इंधनात २० टक्के इथेनॉल मिश्रण (E20) करण्याचा निर्णय घेतला आहे. मात्र, E20 इंधन सर्व वाहनांसाठी योग्य नाही. विशेषतः जुनी वाहने, दोन चाकी, तीन चाकी, लहान वाहने व ग्रामीण भागातील सर्वसामान्य नागरिकांची वाहने E20 साठी अनुकूल नसल्याने त्याचा इंजिनवर विपरीत परिणाम होत आहे. त्यामुळे मायलेज कमी होणे, पिकअप कमी होणे, इंजिनमध्ये बिघाड होणे व देखभाल खर्च वाढणे अशा समस्या निर्माण होत आहेत.ग्रामीण व आदिवासी भागातील नागरिकांवर याचा आर्थिक भार मोठ्या प्रमाणात पडत आहे. त्यामुळे E20 इथेनॉ...

बीड | प्रतिनिधी तथागत गौतम बुद्ध यांच्या समता, करुणा आणि प्रज्ञेच्या धम्माचा प्रसार अधिक व्यापक व गतिमान करण्याच्या उद्देशाने पाटोदा येथील जावळे कुटुंबीयांनी आपल्या बुद्धघोष या मुलास धम्मकार्यासाठी भदंत डॉ. सुमेधबोधी (ए) यांच्या स्वाधीन करण्याचा प्रेरणादायी निर्णय घेतला. हा दत्तक सोहळा मंगळवार, दि. 28 जुलै 2026 रोजी भारतीय बौद्ध महासभेच्या बीड येथील मध्यवर्ती कार्यालयात संपन्न झाला. भदंत डॉ. सुमेधबोधी (ए) हे वर्षावासानिमित्त बीड येथील त्रिरत्न बुद्ध विहार येथे वास्तव्यास असून, धम्मप्रसारासाठीचा धम्मरथ देखील त्यांच्या सोबत आहे. त्यांच्या मार्गदर्शनाखाली धम्मकार्य अधिक प्रभावीपणे पुढे नेण्यासाठी जावळे कुटुंबीयांनी हा निर्णय घेतल्याने उपस्थितांनी त्याचे स्वागत केले. यावेळी भारतीय बौद्ध महासभेचे बीड तालुकाध्यक्ष राजेंद्र ससाने बीड तालुका कोषाध्यक्ष गोपीनाथ बनसोडे, सुनील जावळे तसेच बौद्ध उपासक-उपासिका मोठ्या संख्येने उपस्थित होते. उपस्थितांनी बुद्धघोष याला शुभेच्छा देत त्याच्या उज्ज्वल धम्मप्रवासासाठी मंगलकामना व्यक्त केल्या. या प्रसंगी भदंत डॉ. सुमेधबोधी (ए) यांनी धम्माचा प्र...

भालचंद्र विद्यालयात शिष्यवृत्तीधारक गुणवंत विद्यार्थ्यांचा उत्साहात सत्कार  शिष्यवृत्ती परीक्षेतील यशाची परंपरा कायम :- – डॉ. गणेश ढवळे  लिंबागणेश :- (दि. २८ ) :महाराष्ट्र राज्य परीक्षा परिषदेतर्फे इयत्ता सातवीच्या उच्च प्राथमिक शिष्यवृत्ती परीक्षेचा अंतिम निकाल २५ जुलै रोजी जाहीर झाला. या परीक्षेत यश संपादन करणाऱ्या बीड तालुक्यातील लिंबागणेश येथील भालचंद्र विद्यालयाच्या गुणवंत विद्यार्थ्यांचा सत्कार समारंभ आज मंगळवारी (दि. २८) उत्साहात संपन्न झाला. कार्यक्रमाच्या अध्यक्षस्थानी विद्यालयाचे पर्यवेक्षक श्री. मुकुंद मोटे होते. प्रमुख पाहुणे म्हणून सामाजिक कार्यकर्ते डॉ. गणेश ढवळे लिंबागणेशकर, पत्रकार हरिओम क्षीरसागर,प्राचार्य दत्तात्रय कवडे आणि वरिष्ठ लिपिक शिवाजी जाधव उपस्थित होते. यावेळी इयत्ता सातवी शिष्यवृत्ती परीक्षेतील गुणवंत विद्यार्थी कु. अंकिता कुंडलिक मांडवे, चि. श्रेयस लक्ष्मण कदम, सय्यद अल्मिन अजीम, कु. श्रुती मल्हारी ढास, कु. अनुजा दिनकर हिंदोळे,कु. स्नेहल बन्सी निर्मळ, श्री आनंद बारगजे तसेच इयत्ता चौथी शिष्यवृत्ती परीक्षेतील कु. सय्यद अलविना अजीम यांचा...

आश्रमशाळांतील संस्थाचालकांच्या मनमानी व भ्रष्ट कारभाराविरोधात सामाजिक न्याय भवनासमोर निदर्शने कर्मचाऱ्यांची शारीरिक, मानसिक व आर्थिक पिळवणूक होत असल्याचा आरोप; उच्चस्तरीय ऑडिट, ऑनलाइन हजेरी व दोषींवर कारवाईची मागणी – डॉ. गणेश ढवळे बीड:-( दि.२७ ): बीड जिल्ह्यातील इतर मागास बहुजन कल्याण विभागांतर्गत चालणाऱ्या आश्रमशाळांमधील अनागोंदी कारभार, आर्थिक गैरव्यवहार आणि शिक्षक-कर्मचाऱ्यांच्या शारीरिक आणि मानसिक छळाविरोधात सामाजिक कार्यकर्ते तथा बीड जिल्हा माहिती अधिकार कार्यकर्ता महासंघाचे मुख्य प्रचार प्रमुख डॉ. गणेश ढवळे (लिंबागणेशकर) यांच्या नेतृत्वाखाली आज दि.२७ सोमवारी रोजी डॉ. बाबासाहेब आंबेडकर सामाजिक न्याय भवन येथे निदर्शने करण्यात आली. यावेळी जिल्हाधिकाऱ्यांमार्फत मुख्यमंत्री देवेंद्र फडणवीस, पालकमंत्री सुनेत्रा पवार आणि इतर मागास व बहुजन कल्याण मंत्री अतुल सावे यांना निवेदन सादर करण्यात आले.  जिल्ह्यातील ४५ आश्रमशाळांमध्ये सुमारे ७५० शिक्षक व कर्मचारी कार्यरत असून अनेक संस्थांमध्ये संस्थाचालक व त्यांच्या कुटुंबीयांचे वर्चस्व आहे. काही ठिकाणी अध्यक्ष, मुख्याध्यापक, शिक्...

बीडमध्ये पंकजाताई मुंडे यांच्या वाढदिवसानिमित्त आयोजित नादवेध संगीत महोत्सव उत्साहात संपन्न  वरुणराजाच्या हजेरीने सुरांमध्ये भरला अधिकच रंग ​बीड प्रतिनिधी :महाराष्ट्राच्या पर्यावरण व पशुसंवर्धन मंत्री मा.ना. पंकजाताई मुंडे यांच्या वाढदिवसाचे औचित्य साधून बीड येथील सौ. के.एस.के. महाविद्यालयात आयोजित करण्यात आलेला ‘नादवेध संगीत महोत्सव’ २६ तारखेला मोठ्या उत्साहात आणि दिमाखात संपन्न झाला. ​सौ. के.एस.के. महाविद्यालय आणि ताल साधना म्युझिक सर्कल, बीड यांच्या संयुक्त विद्यमाने या सुरेल महोत्सवाचे आयोजन करण्यात आले होते. कार्यक्रमादरम्यान काही काळ पावसानेही हजेरी लावली. या रिमझिम पावसामुळे संगीताच्या सुरांमध्ये अधिकच आल्हाददायक रंग भरला गेला आणि रसिकांचा उत्साह द्विगुणित झाला. ​या कार्यक्रमात नामवंत आणि स्थानिक कलाकारांनी आपल्या गायन व वादनाने उपस्थितांना मंत्रमुग्ध केले. शास्त्रीय व सुगम संगीताच्या सुरांनी संपूर्ण परिसर दुमदुमून गेला होता. ​पावसाच्या शिडकाव्यातही बीडमधील संगीतप्रेमी, नागरिक आणि विद्यार्थ्यांनी उपस्थिती लावून कार्यक्रमाचा आनंद लुटला. आयोजकांच्या उत्कृष्ट नियोज...

बीड प्रतिनिधी. : - बीड शहरातील शिक्षणप्रेमी सामाजिक-राजकिय कार्यकर्त्यांनी दिल्ली येथील जंतर मंतर वरील आंदोलनाला समर्थन व तिथे आंदोलक मुलां-मुलींना झालेली अमानुषपणे मारहाण अन् भयंकर अत्याचारांचा निषेध करण्यासाठी दि २७ जुलै,सोमवार रोजी किल्ला मैदान ते जिल्हाधिकारी कार्यालय,बीड अशी नियोजित ' रॅली ' स्थगित करुन ; त्या ऐवजी जिल्हाधिकारी कार्यालयासमोर' निर्धार सभा घेवून, दर्जेदार शिक्षण, पारदर्शक परीक्षा, वेळेत रास्त निकाल,शिक्षण -धोरण २०२० रद्द करणे ,'एन.टी.ए.' बरखास्त करणे,एन.टी.ए.चे चेअरमन डॉ. प्रदीपकुमार जोशी यांचे कडून वर्तमान पेपर फुटी व निकालातील घोटाळ्यांचा 'तपास' काढून घेणे व सर्वौच्च न्यायालयाचे जेष्ठतम सेवानिवृत्त न्यायमुर्तीं च्या अध्यक्षतेखाली वर्तमान व अगोदरच्या पेपरफुटी,निकालातील घोटाळे इत्यादीचा तपास करवून घेणे, आंदोलक विद्यार्थी,विद्यार्थिनी,महिला यांना ज्या पोलीस अधिकारी, कर्मचारी, पोलिसांच्या वेषात असलेले गुंड, मवाली यांचेवर गुन्हे दाखल करणे; शेकडो गुंडांना पोलीसांच्या लाठया देवून ज्या अधिका-यांने बेकायदेशीर काम केले,त्यांना निलं...

अभिजित दिपके यांना महाराष्ट्र पोलीस सुरक्षा द्या-स्नेहा वंजारे/दीपके   जिल्हाधिकारी मार्फत राष्ट्रपतींना निवेदन, दिल्ली पोलिसांवर भरोसा नाही-डॉ जितीन वंजारे     बीड प्रतिनिधी :- दिनांक 24 रोजी अभिजित दिपके यांची बहीण स्नेहा वंजारे/दिपके आणि भाऊजी डॉ जितीन वंजारे यांनी बीड जिल्हाधिकारी यांच्या मार्फत अभिजित दिपके यांच्या सुरक्षेसाठी महाराष्ट्र पोलीस संरक्षण देण्याबाबत राष्ट्रपतीना निवेदन दिले. दिल्ली येथे जंतर-मंतरवर सुरू असलेल्या नीट पेपर फुटी प्रकरणामुळे बळी गेलेल्या विद्यार्थ्यांच्याविषयी संवेदना बाळगून अभिजीत दिपके यांनी अमेरिकेतून स्टॅन्ड घेतला आणि सोशल मीडिया प्लॅटफॉर्म वर कॉकरोच जनता पार्टी स्थापन केली याला भारतातील विद्यार्थ्यांनी भरघोस प्रतिसाद देत विद्यार्थ्यांसाठी एक नवी चळवळ निर्माण केली, लाखो विद्यार्थी जंतर-मंतरवर तसेच देशभरामध्ये विविध शहरांमध्ये एकवटले आहेत पोलीस प्रशासन त्यांना अमानुष हनुमान करत आहे, लाठी चार्ज करत आहे, विद्यार्थ्यांचा आवाज दाबण्याचा प्रयत्न होत आहे, सरकार दडपशाही करत आहे आणि म्हणून अभिजीत दिपके यांनाही हानमार, लाठीचार्ज, जीवा...

थेरला जिल्हा परिषद शाळेची वर्गखोलीची भिंत मध्यरात्री कोसळली; मोठा अनर्थ टळला प्रशासनाच्या दुर्लक्षामुळे विद्यार्थ्यांच्या जीवाशी खेळ; पालकमंत्री सुनेत्रा पवार यांच्याकडे निधीची मागणी : डॉ. गणेश ढवळे पाटोदा : (दि. २५ )पाटोदा तालुक्यातील तांबा राजुरी केंद्रांतर्गत थेरला येथील जिल्हा परिषद माध्यमिक शाळेच्या जीर्ण झालेल्या वर्गखोलीची भिंत व छत गुरुवारी (दि. २३) मध्यरात्री कोसळल्याने मोठा अनर्थ टळला. सुदैवाने त्यावेळी शाळेला सुटी असल्याने कोणतीही जीवितहानी झाली नाही. मात्र या घटनेमुळे जिल्हा परिषद शाळांच्या धोकादायक अवस्थेचा प्रश्न पुन्हा ऐरणीवर आला असून प्रशासनाच्या दुर्लक्षावर प्रश्नचिन्ह उपस्थित झाले आहे. या शाळेचे तातडीने स्ट्रक्चरल ऑडिट करून नवीन वर्गखोल्यांच्या बांधकामासाठी जिल्हा वार्षिक नियोजन समितीच्या निधीतून तरतूद करण्यात यावी, अशी मागणी सामाजिक कार्यकर्ते तथा मुख्य प्रचार प्रमुख, बीड जिल्हा माहिती अधिकार कार्यकर्ता महासंघ (महाराष्ट्र राज्य) डॉ. गणेश ढवळे (लिंबागणेशकर) यांनी पालकमंत्री सुनेत्रा पवार, जिल्हा परिषदेचे मुख्य कार्यकारी अधिकारी जितिन रेहमान आणि शिक्षणाधिका...

. बीड प्रतिनिधी दिनांक 24 जुलै :- नीट पेपर फुट प्रकरणात केंद्रातील सरकारचा गलथान कारभार जिम्मेदार असून गेली 24 दिवसापासून काक्रोच पार्टीचे अभिजीत दिपके व पर्यावरणवादी नेते सोनम वांगचूंग यांनी प्राणांतिक उपोषण केले आहे. या आंदोलनाला हजारो तरुणांनी पाठिंबा दिला आहे. आंदोलकाची दररोज वाढत असलेली संख्या ही सरकारच्या अपयशामुळेच वाढत आहे. त्यामुळे बिथरलेली पोलीस यंत्रणेने अश्रूधूर, पाण्याचे फवारे आणि लाठी चार्ज करून हिडीस प्रदर्शन केले त्यांच्या या कृतीचा जाहीर निषेध करण्यासाठी किसान संघर्ष समिती, जनहित अभियान, ओबीसी संघर्ष समिती, राष्ट्रीय समाज पक्ष, युवक क्रांती दल, हमाल मापाडी संघटनेसह कामगार संघटनांच्या शेकडो कार्यकर्त्यांनी जिल्हाधिकारी कार्यालयासमोर तीव्र निदर्शने केली आहेत. धर्मेंद्र प्रधान यांनी राजीनामा द्यावा, आंदोलकावरील गुन्हे परत घ्या अशा घोषणा यावेळी देण्यात आल्या. याप्रसंगी प्रा. सुशीलाताई मोराळे, अमर शेख, पंडित तुपे, संगमेश्वर आंधळकर, शेरजमा पठाण, प्रा. अण्णासाहेब मतकर, अंकुश खाडे, बबन आंधळे,काॅ. इक...

मराठवाडा चेंबर ऑफ ट्रेड अ‍ॅण्ड कॉमर्सच्या 'उद्योगरत्न' पुरस्कारासाठी वैजनाथअप्पा (बबन) कोल्हे यांची निवड संघर्ष, प्रामाणिकपणा आणि सेवाभावाचा गौरव संघर्ष हा यशाचा पाया असतो आणि सेवा ही यशाची खरी उंची असते, या उक्तीचा प्रत्यय श्री वैजनाथअप्पा उर्फ बबन लक्ष्मणअप्पा कोल्हे यांच्या जीवनप्रवासाकडे पाहिल्यावर प्रकर्षाने येतो. अत्यंत प्रतिकूल परिस्थितीतून, कोणताही आर्थिक वारसा किंवा मोठे भांडवल नसताना केवळ अथक परिश्रम, प्रामाणिकपणा, चिकाटी आणि ग्राहकांप्रती असलेल्या निष्ठेच्या बळावर त्यांनी उभे केलेले 'शिवम् सुपर मार्केट' हे आज परळी वैजनाथ शहरातील यशस्वी उद्योजकतेचे प्रेरणादायी उदाहरण ठरले आहे. त्यांचा जन्म अत्यंत सामान्य कुटुंबात झाला. आई-वडील मोलमजुरी करून संसाराचा गाडा ओढत होते. घरची आर्थिक परिस्थिती अत्यंत हलाखीची होती. त्यातच लहान भावाच्या अपघाती निधनाने कुटुंबावर दुःखाचा डोंगर कोसळला. या कठीण प्रसंगात अवघ्या १२ व्या वर्षी, शिक्षण घेत असतानाच कुटुंबाला आर्थिक हातभार लावण्यासाठी त्यांनी एका किराणा दुकानात नोकरी स्वीकारली. बालवयातच जबाबदारीचे ओझे खांद्यावर घेत त्...

बीड जिल्ह्यातील अनुदानित शिक्षकव शिक्षकेत्तर कर्मचारी यांचे थकीत वेतन देयके त्वरीत अदा करावेत- जिल्हाध्यक्ष शरदराव मगर  मुप्टा शिक्षक संघटनेची मागणी बीड | प्रतिनिधी बीड जिल्ह्यातील खाजगी माध्यमिक अनुदानित शाळांमधील शिक्षक व शिक्षकेत्तर कर्मचाऱ्यांची अनेक वर्षांपासून प्रलंबित असलेली थकीत वेतन देयके तातडीने निकाली काढावीत, या मागणीसाठी महाराष्ट्र अंडर प्रिव्हिलेज्ड् टिचर्स असोसिएशन (मुप्टा )बीड जिल्ह्याच्या वतीने वेतन व भविष्य निर्वाह निधी (भ.नि.नि.) पथक कार्यालयाचे अधीक्षक यांना निवेदन देण्यात आले. निवेदनात म्हटले आहे की, जिल्ह्यातील शिक्षक व शिक्षकेत्तर कर्मचाऱ्यांची वरिष्ठ वेतनश्रेणी फरक देयके, निवडश्रेणी फरक देयके, वैद्यकीय प्रतिपूर्ती देयके, रजा कालावधीतील देयके, सेवानिवृत्ती देयके तसेच इतर ऑनलाइन व ऑफलाइन स्वरूपातील अनेक देयके गेल्या अनेक वर्षांपासून प्रलंबित आहेत. त्यामुळे संबंधित कर्मचाऱ्यांना आर्थिक अडचणींचा सामना करावा लागत असून, ही सर्व थकीत देयके तातडीने मंजूर करून अदा करावीत, अशी मागणी संघटनेने केली आहे. यावेळी मुप्टा संघटनेचे जिल्हाध्यक्ष शरदराव मगर, जिल्हा ...

गेवराई (प्रतिनिधी ) दि. २३ निट पेपर फुटी झाल्याने लाखो विद्यार्थ्यांचे नुकसान झाले तर काही विद्यार्थ्यांनी अत्महत्या केल्यामुळे दिल्ली येथे अंदोलन सुरू होते या अंदोलकांवर दिल्ली पोलिसांनी अमानुष मारहान केल्याच्या निषेधार्थ व विद्यार्थ्यांना पाठींबा देण्यासाठी वंचीत बहुजन आघाडीच्यावतीने राष्ट्रीय अध्यक्ष मा. खा. प्रकाश आंबेडकर यांच्या अदेशावरुन महाराष्ट्र बंदच्या हाकेला साथ देत गेवराई शहरासह उमापुर व इतर गावा मध्ये व तालुकाभर बाजारपेठ बंद ठेवून कडकडीत बंद पाळण्यात आला त्याबद्दल वंचीतचे राज्य उपाध्यक्ष प्रा. विष्णु जाधव, अजयकुमार (पप्पु) गायकवाड, राजेंद्र पोकळे, ज्ञानेश्वर हवाले, किशोर भोले, किशोर चव्हाण डीपीआय चे कार्यअध्यक्ष अमोल सुतार देवेंद्र दुंरधरे राष्ट्रवादी शरद पवार पक्षाचे आण्णासाहेब राठोड तालुका अध्यक्ष, नेते राजेंद्र मोटे उमेश परदेशी अख्तर शेख, दलित पॅंथर चे युवा राज्य अध्यक्ष, छगन खरात व इतर यांनी व्यवसाईकांचे अभार मानले.   निटचा पेपर फुटल्यामुळे २० विद्यार्थ्यांनी अत्महत्या केली तसेच लाखो विद्यार्थ्यांचे स्वप्न धुळीस मिळाले. पुन्हा निटचा पेपर घेतला त्य...

बीडमध्ये २ ऑगस्टला महाराजस्व समाधान शिबीर; नियोजनासाठी प्रशासनाची बैठक शिबिराच्या नियोजनासाठी महसूल मंत्र्यांकडून निमंत्रित डॉ.योगेश क्षीरसागर यांची उपस्थिती बीड (प्रतिनिधी ) दि.२३ : राज्य शासनाच्या लोकाभिमुख प्रशासनाच्या संकल्पनेला चालना देण्यासाठी बीड विधानसभा मतदारसंघासाठी बीड शहरातील अंबिका लॉन्स येथे रविवार, दि.२ ऑगस्ट रोजी ‘छत्रपती शिवाजी महाराज महाराजस्व समाधान शिबीर’ आयोजित करण्यात येणार आहे. या शिबिराच्या प्रभावी नियोजनासाठी गुरुवारी (दि.२३) बीड तहसीलदार कार्यालयात महसूल विभागाच्या अधिकाऱ्यांची आढावा बैठक पार पडली. या शिबिराच्या नियोजनासाठी महसूल मंत्र्यांकडून निमंत्रण असलेले समन्वयक, बीड विधानसभा मतदारसंघाचे भाजपचे युवा नेते डॉ.योगेश क्षीरसागर यांनी आवश्यक नियोजनाबाबत बैठकीत सविस्तर चर्चा केली. मुख्यमंत्री ना.देवेंद्र फडणवीस यांच्या वाढदिवसानिमित्त तसेच दिवंगत उपमुख्यमंत्री अजितदादा पवार यांच्या जयंतीनिमित्त महाराष्ट्र राज्याचे महसूल मंत्री ना. चंद्रशेखर बावनकुळे यांच्या संकल्पनेतून, राज्याच्या उपमुख्यमंत्री तथा बीड जिल्ह्याच्या पालकमंत्री ना. सुनेत्राताई पवार आणि...

पाटोदा (प्रतिनिधी ) "निवेदनांवर निवेदने दिली, पण प्रशासन जागे झाले नाही... अखेर बँड वाजवतच पाटोदा पंचायत समितीला जागे करण्याची वेळ ग्रामस्थांवर आली," अशा संतप्त भावना व्यक्त करत चुंबळी येथील ग्रामस्थांनी गुरुवारी पाटोदा पंचायत समिती कार्यालयासमोर जोरदार आंदोलन छेडले. बँडच्या गजरात घोषणाबाजी करत ग्रामस्थांनी निकृष्ट कामांची तातडीने चौकशी करून दोषींवर कठोर कारवाई करण्याची मागणी केली.ग्रामस्थांच्या म्हणण्यानुसार,गावातील समाज मंदिराचे बांधकाम निकृष्ट दर्जाचे झाले असून इमारतीला तडे गेले आहेत. तसेच दलित वस्तीतील काही विकासकामे प्रत्यक्षात न करता बिले काढण्यात आली असून काही कामांची बिले दोनदा काढण्यात आल्याचाही आरोप करण्यात आला. या सर्व प्रकरणाची अनेकदा लेखी तक्रार करूनही प्रशासनाने ठोस कारवाई केली नसल्याने ग्रामस्थांचा संताप अनावर झाला.यामुळे ग्रामस्थांनी पंचायत समितीच्या मुख्य प्रवेशद्वारासमोर बँड वाजवत अनोख्या पद्धतीने निषेध नोंदविला. "निकृष्ट कामे करणाऱ्यांना पाठीशी घालणार की जनतेला न्याय देणार?" असा थेट सवालहीआंदोलनकर्त्यांनी प्रशासनाला केला. आंदोलनादरम्या...

केज प्रतिनिधी :- केज तालुक्यातील विडा परिसरातील मौजे काचरवाडी या अतिशय दुर्गम व डोंगराळ गावातील विद्यार्थी ज्ञानेश्वर दादाराव पडवळे याने वैद्यकीय प्रवेश प्रक्रियेसाठी घेण्यात आलेल्या NEET–2026 परीक्षेत 590 गुण मिळवत उल्लेखनीय यश संपादन केले आहे. अत्यंत प्रतिकूल परिस्थितीत मिळवलेल्या या यशामुळे काचरवाडी गावासह संपूर्ण विडा परिसरातून ज्ञानेश्वरवर अभिनंदनाचा वर्षाव होत आहे. या यशाबद्दल ईडा शिक्षण संस्था, विडा यांच्या वतीने ज्ञानेश्वरचा सत्कार करण्यात आला. यावेळी संस्थेचे सचिव धैर्यशील भाऊ देशमुख, लेक लाडकी अभियानाचे बीड जिल्हा समन्वयक बाजीराव ढाकणे, केंद्रप्रमुख सुभाष सारुक, सुनिता बांगर मुख्याध्यापिका, जिल्हा परिषद प्राथमिक शाळा गौरवाडी , तसेच दत्तात्रय वरपे यांच्या हस्ते ज्ञानेश्वरचा शाल, श्रीफळ आणि पुष्पगुच्छ देऊन सन्मान करण्यात आला व त्याला पुढील शैक्षणिक वाटचालीसाठी शुभेच्छा देण्यात आल्या. ज्ञानेश्वरचे वडील दादाराव तुळजीराम पडवळे आणि आई चंद्रकला दादाराव पडवळे हे ऊसतोडणीचे काम करून कुटुंबाचा उदरनिर्वाह करतात. आर्थिक अडचणी, डोंगराळ परिसरातील मर्यादित सुविधा आणि कठीण परिस...

जीवाची वाडी येथील जिल्हा परिषद शाळेत स्व. अजित पवार यांची जयंती साजरी.   येवता:प्रतिनिधी :सा.वा.दि.२२रोजी केज तालुक्यातील  जिल्हा परिषद उच्च प्राथमिक शाळा जीवाची वाडी केंद्र लव्हूरी येथे स्व.अजित पवार यांची जयंती साजरी करण्यात आली. प्रथमत:स्व.अजित पवार यांच्या प्रतिमेचे पूजन मान्यवरांच्या शुभ हस्ते पुष्पहार अर्पन करण्यात आले.यावेळी शाळेच्या मुख्याध्यापिका श्रीम.दरबारे/काळे धम्मादीपा मॅडम यांनी स्वर्गीय अजित दादा पवार यांच्या कार्यावर उजाळा देत मनोगत व्यक्त करून विद्यार्थ्यांना मोलाचे मार्गदर्शन केले. कार्यक्रमास मुख्याध्यापिका श्रीमती दरबारे/काळे धम्मादीपा,श्रीम.संगिता मुंडे,श्रीम.शोभा चौरे,राजाभाऊ घोळवे,राजाभाऊ मुळे,गोकुळ सारूक,बब्रुव्हान चौरे,विकास चौरे विद्यार्थी पालक इत्यादी उपस्थित होते.

जंतरमंतरवरील विद्यार्थ्यांवरील लाठीहल्ल्याच्या निषेधार्थ ' धर्मेंद्र प्रधान व सदाभाऊ खोत 'यांच्या प्रतिमेला लिंबागणेशमध्ये 'जोडे मारो' आंदोलन धर्मेंद्र प्रधान यांच्या राजीनाम्याची मागणी; सदाभाऊ खोत यांच्या वक्तव्याचाही निषेध :- डॉ.गणेश ढवळे  लिंबागणेश:- (दि.२३ ) दिल्लीतील जंतरमंतर येथे नीट परीक्षा पेपरफुटी प्रकरणी आंदोलन करणाऱ्या विद्यार्थ्यांवर झालेल्या लाठीहल्ल्याचा तसेच आंदोलनकर्त्यांबाबत सदाभाऊ खोत यांनी 'दहशतवादी ' संबोधुन करण्यात आलेल्या आक्षेपार्ह वक्तव्याच्या निषेधार्थ आज दि.२३ गुरुवारी लिंबागणेश ता.बीड येथील छत्रपती शिवाजी महाराज चौकात सामाजिक कार्यकर्ते तथा बीड जिल्हा माहिती अधिकार कार्यकर्ता महासंघाचे मुख्य प्रचार प्रमुख डॉ. गणेश ढवळे लिंबागणेशकर यांच्या नेतृत्वाखाली 'आंदोलन करण्यात आले. छत्रपती शिवाजी महाराज चौकात आयोजित या आंदोलनात केंद्रीय शिक्षणमंत्री धर्मेंद्र प्रधान व सदाभाऊ खोत यांच्या प्रतिमेला जोडे मारून निषेध व्यक्त करण्यात आला. यावेळी "धर्मेंद्र प्रधान राजीनामा द्या", "दिल्ली पोलिस मुर्दाबाद", "विद्य...

मुख्यमंत्री ना.देवेंद्र फडणवीस यांच्या वाढदिवसानिमित्त बीडमध्ये आज रक्तदान शिबीर  ‘रक्तदान महाअभियाना’त नागरिकांनी उत्स्फूर्त सहभाग नोंदवावा-डॉ.योगेश क्षीरसागर बीड (प्रतिनिधी ) दि.२१ : महाराष्ट्राचे मुख्यमंत्री ना.देवेंद्र फडणवीस यांच्या वाढदिवसानिमित्त सामाजिक बांधिलकी जपत भाजपच्या ‘रक्तदान महाअभियाना’त बीड येथील सौ.के.एस.के. महाविद्यालयात आज (दि.२२) सकाळी ११ वाजता रक्तदान शिबिराचे आयोजन करण्यात आले आहे. या उपक्रमात भाजपचे पदाधिकारी, कार्यकर्त्यांसह नागरिकांनी मोठ्या संख्येने सहभागी व्हावे, असे आवाहन बीड विधानसभा मतदारसंघाचे भाजपचे युवा नेते डॉ. योगेश क्षीरसागर यांनी केले आहे. मुख्यमंत्री ना.देवेंद्र फडणवीस यांचा वाढदिवस आज 'सेवा यज्ञाचा संकल्प' म्हणून साजरा केला जात आहे. भाजपच्यावतीने राज्यात 'रक्तदान महाअभियान' राबविण्याची घोषणा करण्यात आली आहे. गेल्यावर्षी प्रदेशाध्यक्ष आ.रविंद्र चव्हाण, पर्यावरण व पशुसंवर्धन मंत्री, भाजप नेत्या ना.पंकजाताई मुंडे यांच्या नेतृत्वात सेवा यज्ञाचा विक्रम केला असून जवळजवळ ७८ हजार रक्तदात्यांनी रक्तदान केले होते. यावर्षी हे उद...

लोकनेते गोपीनाथराव मुंडे मागासवर्गीय सुतगिरणी प्रकरणाची एसआयटीमार्फत चौकशी करण्याची मुख्यमंत्र्यांकडे मागणी- अनिल तुरूकमारे बीड | प्रतिनिधी केज येथील लोकनेते गोपीनाथराव मुंडे मागासवर्गीय सुतगिरणी प्रकरणातील कथित आर्थिक गैरव्यवहार व फसवणुकीच्या आरोपांची विशेष तपास पथक (एसआयटी) मार्फत सखोल चौकशी करण्यात यावी, अशी मागणी मुख्यमंत्री देवेंद्र फडणवीस यांच्याकडे निवेदनाद्वारे पीपल्स रिपब्लिकन पार्टीचे बीड जिल्हाध्यक्ष अनिल तुरूकमारे यांच्या कडुन करण्यात आली आहे. निवेदनानुसार, सुतगिरणीमध्ये ४६४ विद्यार्थी-विद्यार्थिनींची जातवैधता प्रमाणपत्रे परस्पर सभासद म्हणून वापरून शासनाची फसवणूक करण्यात आल्याचा आरोप करण्यात आला आहे. या प्रकरणी तत्कालीन चेअरमन विजय प्रकाश ठोंबरे यांच्या विरोधात केज पोलीस ठाण्यात भारतीय दंड संहितेच्या कलम ४२० अंतर्गत गुन्हा दाखल असल्याचा दावा निवेदनात करण्यात आला आहे. याशिवाय, सुतगिरणीने वस्त्रोद्योग विभागाचे सुमारे ३५ कोटी रुपये आणि समाजकल्याण विभागाचे १४ कोटी रुपये घेतल्याचा उल्लेख निवेदनात करण्यात आला असून, या निधीच्या वापराबाबत करण्यात आलेल्या तक्रारीबाबत स...

पाटोदा (प्रतिनिधी) मुगगाव येथील मनरेगा कामांमध्ये गंभीर अनियमितता झाल्याचा आरोप करत संजय खोटे यांनी संबंधित प्रकरणाची सखोल चौकशी करून दोषींवर कठोर कारवाई करण्याची मागणी केली आहे.खोटे यांनी दिलेल्या निवेदनानुसार, गाडेवस्ती शाळा ते अंतापूर शिवरस्ता या मनरेगा कामावरील मस्टरमध्ये नोंद असलेला एकच मजूर त्याच दिवशी आणि त्याच तारखेला पाटोदा तहसीलदार कार्यालयात निवेदन देताना दिसत असल्याचा दावा करण्यात आला आहे. त्याचप्रमाणे, तोच मजूर त्याच दिवशी दुय्यम निबंधक कार्यालयात खरेदीखतावर साक्षीदार म्हणूनही उपस्थित असल्याचे नमूद करण्यात आले आहे.याशिवाय, दुसरा एक मजूर एकाच तारखेला आणि एकाच वेळेत दोन वेगवेगळ्या कामांच्या मस्टरमध्ये नोंद असल्याचा आरोप करण्यात आला आहे. तसेच, आणखी एका मजुराचे नाव त्याच कामाच्या दोन स्वतंत्र मस्टरवर असल्याचेही निवेदनात म्हटले आहे.तिसरा मजूर संबंधित दिवशी विविध शासकीय कार्यालयांमध्ये, तसेच मुख्य कार्यकारी अधिकारी (सीओ), जिल्हाधिकारी आणि उपजिल्हाधिकारी यांच्याकडे उपस्थित असल्याचे पुरावे असल्याचा दावाही करण्यात आला आहे.या सर्व बाबी मनरेगा नियमांच्या विरोधात असून, स...

परळी वैजनाथ | प्रतिनिधी महाराष्ट्राचे उपमुख्यमंत्री तथा बीड जिल्ह्याचे पालकमंत्री मा. ना. अजितदादा पवार यांचा पूर्णाकृती पुतळा परळी शहरात लवकरच उभारण्यात येणार असल्याची माहिती परळी शहराचे माजी नगराध्यक्ष तथा राष्ट्रवादी काँग्रेसचे नेते दीपक देशमुख यांनी दिली. या संदर्भात बीडचे जिल्हाधिकारी विवेक जॉन्सन यांची भेट घेऊन पुतळा उभारणीच्या प्रस्तावाबाबत सविस्तर निवेदन सादर करण्यात आले. प्रस्तावासंदर्भातील माहिती देण्यात आली असून, आवश्यक प्रशासकीय प्रक्रिया पूर्ण होताच पुतळ्याचे भूमिपूजन व त्यानंतर अनावरणाचा कार्यक्रम आयोजित करण्यात येणार असल्याचे दीपक देशमुख यांनी सांगितले. सप्तशृंगी दुर्गा सेवाभावी संस्था आणि व्हीएमडी बी.एस्सी. नर्सिंग कॉलेज यांच्या संयुक्त विद्यमाने हा उपक्रम राबविण्यात येत आहे. अजितदादा पवार यांच्या विकासाभिमुख नेतृत्वाचा गौरव आणि त्यांच्या कार्याला अभिवादन म्हणून हा पूर्णाकृती पुतळा उभारण्यात येणार असल्याचेही त्यांनी स्पष्ट केले. जिल्हाधिकारी यांच्याशी झालेल्या चर्चेदरम्यान पुतळा उभारणीसंदर्भातील विविध बाबींवर सविस्तर चर्चा झाली. यावेळी कामगार नेते गौतम आगळे ...

नमो उद्यानाच्या कामात पारदर्शकतेवर प्रश्नचिन्ह; चौकशीसाठी बाळासाहेब जावळे यांची उपविभागीय अधिकाऱ्यांकडे तक्रार भीमनगर येथील सुरू असलेल्या कामावर माहिती फलक नसल्याचा आरोप; कामाची सखोल चौकशी करण्याची मागणी पाटोदा | प्रतिनिधी नगरपंचायत पाटोदा यांच्या मार्फत भीमनगर येथे सुरू असलेल्या नमो उद्यानाच्या कामाबाबत नागरिकांमध्ये प्रश्नचिन्ह निर्माण झाले आहे. या प्रकरणी सामाजिक कार्यकर्ते बाळासाहेब जावळे यांनी उपविभागीय अधिकारी यांच्याकडे लेखी तक्रार दाखल करून सदर कामाची निष्पक्ष चौकशी करण्याची मागणी केली आहे.तक्रारीनुसार, नमो उद्यानाचे काम सुरू असतानाही शासनाच्या नियमांनुसार कामाच्या ठिकाणी कामाचे नाव, मंजूर निधी, कामाची किंमत, ठेकेदाराचे नाव, कामाचा कालावधी व संबंधित विभागाची माहिती दर्शविणारा माहिती फलक (डिस्प्ले बोर्ड) लावण्यात आलेला नाही. त्यामुळे नागरिकांना कामाबाबत कोणतीही अधिकृत माहिती उपलब्ध होत नसल्याचा आरोप करण्यात आला आहे. यामुळे कामाच्या पारदर्शकतेबाबत संशय निर्माण झाल्याचे तक्रारीत नमूद करण्यात आले असून, मंजूर अंदाजपत्रक, प्रशासकीय व तांत्रिक मान्यता, मोजमाप पुस्तिका (एम....

पारधी समाजातील महिलेवर जिवे मारण्याच्या उद्देशाने हल्ला ; विनयभंग, मारहाण, लूट आणि बलात्काराच्या प्रयत्नचा फसला   गुन्हा नोंद होऊनही आरोपी मोकाटच तलवाडा पोलिसांच्या कार्यपद्धतीवर प्रश्नचिन्ह  बीड | प्रतिनिधी बीड जिल्ह्यात महिलांवरील अत्याचारांच्या घटनांमध्ये सातत्याने वाढ होत असल्याची चिंता व्यक्त होत असतानाच, पारधी समाजातील एका सुशिक्षित महिलेवर अमानुष जीवघेणा हल्ला करण्यात आला. त्यामध्ये एक हात फ्रॅक्चर व अंगावर पाठीवर पायावर मारहाणी वन मोठ्या प्रमाणावर आहेत.रीता प्रभाकर भोसले यांनी आपल्यावर बेदम मारहाण, अंगावरील ब्लाउज देखील फाडण्यात आला, विनयभंग, रोख रक्कम व सोन्याचे दागिने हिसकावून घेणे, तसेच जिवे मारण्याचा आणि बलात्काराचा प्रयत्न झाल्याचा गंभीर आरोप केला त्या लोकांची नावे  सदाशिव रतन काळे,नितीन सदाशिव काळे,गोरख सुरेश भोसले,गोरख सदाशिव काळे,बालाजी सखाराम काळे,संतोष सखाराम काळे,रोहित कालिदास भोसले,कालिदास रामदास भोसले,पद्माबाई सुरेश भोसले,रेखाबाई सखाराम काळे,लक्ष्मीबाई गोरख काळे केला आहे. या घटनेनंतर त्या बीड जिल्हा रुग्णालयात उपचार घेत असून, त्या...