बीडमध्ये पंकजाताई मुंडे यांच्या वाढदिवसानिमित्त आयोजित नादवेध संगीत महोत्सव उत्साहात संपन्न
बीडमध्ये पंकजाताई मुंडे यांच्या वाढदिवसानिमित्त आयोजित नादवेध संगीत महोत्सव उत्साहात संपन्न
वरुणराजाच्या हजेरीने सुरांमध्ये भरला अधिकच रंग
बीड प्रतिनिधी :महाराष्ट्राच्या पर्यावरण व पशुसंवर्धन मंत्री मा.ना. पंकजाताई मुंडे यांच्या वाढदिवसाचे औचित्य साधून बीड येथील सौ. के.एस.के. महाविद्यालयात आयोजित करण्यात आलेला ‘नादवेध संगीत महोत्सव’ २६ तारखेला मोठ्या उत्साहात आणि दिमाखात संपन्न झाला.
सौ. के.एस.के. महाविद्यालय आणि ताल साधना म्युझिक सर्कल, बीड यांच्या संयुक्त विद्यमाने या सुरेल महोत्सवाचे आयोजन करण्यात आले होते. कार्यक्रमादरम्यान काही काळ पावसानेही हजेरी लावली. या रिमझिम पावसामुळे संगीताच्या सुरांमध्ये अधिकच आल्हाददायक रंग भरला गेला आणि रसिकांचा उत्साह द्विगुणित झाला.
या कार्यक्रमात नामवंत आणि स्थानिक कलाकारांनी आपल्या गायन व वादनाने उपस्थितांना मंत्रमुग्ध केले. शास्त्रीय व सुगम संगीताच्या सुरांनी संपूर्ण परिसर दुमदुमून गेला होता.
पावसाच्या शिडकाव्यातही बीडमधील संगीतप्रेमी, नागरिक आणि विद्यार्थ्यांनी उपस्थिती लावून कार्यक्रमाचा आनंद लुटला. आयोजकांच्या उत्कृष्ट नियोजनामुळे आणि कलाकारांच्या बहारदार सादरीकरणामुळे हा संगीत महोत्सव रसिकांच्या मनात दीर्घकाळ आठवणीत राहील असाच ठरला.
यावेळी व्यासपीठावर ह.भ.प.अमृत महाराज जोशी,डॉ.दीपाताई क्षीरसागर, डॉ. योगेश भैया क्षीरसागर,पंडित अरविंद कुमार आझाद गुरुजी,संतोष मानुरकर,कृष्णा साळूंके,प्रकाश मानुरकर यांची व्यासपीठावर उपस्थिती होती यावेळी मोठयासंख्येने रसिकप्रेमी व कार्यकर्ते उपस्थित होते.
Comments
Post a Comment