पाटबंधारे विभागाच्या कार्यालयात वृक्षतोड; कार्यकारी अभियंता पवार यांच्यावर कारवाईची मागणी   जिल्हाधिकाऱ्यांकडे तक्रार; शासकीय कार्यालयातील वृक्षतोडीची सखोल चौकशी करण्याची डॉ. गणेश ढवळे यांची मागणी बीड : (दि. ९)प र्यावरणाचे संतुलन राखण्यासाठी राज्यात मोठ्या प्रमाणात वृक्षलागवड करण्यावर भर दिला जात असताना बीड जिल्ह्यात वनक्षेत्राचे प्रमाण अत्यल्प असल्याचा दावा केला जात आहे. त्यातच अवैध लाकूडतोड व वृक्षतोडीच्या घटना सुरू असताना शासकीय कार्यालयांच्या आवारातील वृक्षांचीही तोड होत असल्यास ही गंभीर बाब असल्याचा आरोप सामाजिक कार्यकर्ते तथा बीड जिल्हा माहिती अधिकार कार्यकर्ता महासंघ, महाराष्ट्र राज्याचे मुख्य प्रचारप्रमुख डॉ. गणेश ढवळे लिंबागणेशकर यांनी केला आहे. बीड शहरातील जिल्हा रुग्णालयासमोर असलेल्या पाटबंधारे विभागाच्या कार्यालयाच्या आवारातील लिंबाच्या झाडांची मोठ्या प्रमाणावर तोड करण्यात आल्याचे डॉ. गणेश ढवळे लिंबागणेशकर यांनी आपल्या तक्रारीत नमूद केले आहे. विशेष म्हणजे कार्यालयाच्या आवारातील झाडे रस्त्यालगतच्या कामात अडथळा निर्माण करत नसतानाही त्यांची तोड का करण्यात ...

लिंबागणेश येथे गणेशोत्सवाच्या पार्श्वभूमीवर शांतता कमिटीची बैठक संपन्न   शिस्त व सौहार्द राखत शांततेत सण साजरे करा : सपोनि मंगेश साळवे लिंबागणेश : (दि. ०९ ) आगामी गणेशोत्सव सण आनंदात, उत्साहात आणि शांततेत साजरे व्हावेत, यासाठी ग्रामस्थांनी कायदा व सुव्यवस्था तसेच सामाजिक सलोखा अबाधित ठेवावा, असे आवाहन नेकनूर पोलिस ठाण्याचे प्रभारी सहाय्यक पोलिस निरीक्षक मंगेश साळवे यांनी केले. बीड तालुक्यातील लिंबागणेश येथील ग्रामपंचायत कार्यालयात आज दि.०८ रोजी गणेशोत्सवाच्या पार्श्वभूमीवर शांतता कमिटीची बैठक आयोजित करण्यात आली होती. या बैठकीच्या अध्यक्षस्थानावरून सपोनि मंगेश साळवे बोलत होते. बैठकीचे प्रास्ताविक डॉ. गणेश ढवळे यांनी केले. यावेळी लिंबागणेश पोलिस चौकीचे सहाय्यक फौजदार राठोड,पोलीस हवालदार मंसुर शेख, पोलिस हवालदार मुंडे उपस्थित होते. यावेळी बोलताना सपोनि मंगेश साळवे म्हणाले की, “गणेशोत्सव हा श्रद्धा, भक्ती आणि सामाजिक एकोप्याचा सण आहे. प्रशासन व गणेश मंडळांनी परस्पर समन्वयाने उत्सव सुरळीत पार पाडावा. यावर्षी राज्य पातळीवर गणेशोत्सव महोत्सव म्हणून साजरा होत असल्याने पर...

चेतना सेवा संस्थेचा शिक्षक सन्मान सोहळा उत्साहात संपन्न शिक्षकांच्या कार्याचा गौरव; विद्यार्थ्यांना प्रेरणादायी मार्गदर्शन पाटोदा (प्रतिनिधी ) चेतना सेवा संस्था, लातूर यांच्या वतीने भारताचे माजी राष्ट्रपती व महान शिक्षणतज्ज्ञ डॉ. सर्वपल्ली राधाकृष्णन यांच्या जयंतीनिमित्त शिक्षक दिन व शिक्षक सन्मान सोहळ्याचे आयोजन उत्साहपूर्ण वातावरणात करण्यात आले. या सोहळ्यात शिक्षकांच्या शैक्षणिक व सामाजिक योगदानाचा गौरव करून त्यांच्याप्रती कृतज्ञता व्यक्त करण्यात आली. चेतना सेवा संस्थेचे संस्थापक-सचिव डॉ. सुहास सूर्यवंशी यांच्या मार्गदर्शनाखाली हा कार्यक्रम आयोजित करण्यात आला. यावेळी इंदिरा पॉलिटेक्निक कॉलेजचे प्राचार्य प्रा. तांबे सर, इंदिरा इन्स्टिट्यूट कॉलेज ऑफ फार्मसीचे प्राचार्य प्रा. आडे सर, डॉ. पल्लवी सूर्यवंशी कॉलेज ऑफ जीएनएमचे प्राचार्य डॉ. चव्हाण सर तसेच बी.एस्सी. नर्सिंगच्या प्राचार्य डॉ. कमल मॅडम यांची प्रमुख उपस्थिती होती. तसेच पाटोदा, शिरूर, जामखेड व आष्टी या चारही तालुक्यांतील विविध शाळांचे मुख्याध्यापक व शिक्षक प्रमुख अतिथी म्हणून उपस्थित होते. मान्यवरांनी विद्यार्थ्यांशी ...

पत्रकार गृहनिर्माण सोसायटी की नगरपालिकेचा दुसराच प्रकल्प? युद्धपातळीवर सुरू असलेल्या बांधकामामुळे परळीत चर्चेला उधाण; पत्रकारांची फसवणूक तर होत नाही ना? परळी वैजनाथ : परळी शहरात सध्या एका बांधकामाची जोरदार चर्चा सुरू असून, हे बांधकाम नेमके पत्रकार गृहनिर्माण सोसायटीसाठी आहे की नगर परिषदेचा दुसराच कोणता प्रकल्प आहे? असा सवाल नागरिकांसह पत्रकारांमध्ये उपस्थित केला जात आहे. परळी नगर परिषदेकडून सदर ठिकाणी युद्धपातळीवर काम सुरू असल्याचे दिसून येत आहे. कामाचा वेग पाहता, परळी शहरातील प्रत्येक पत्रकाराला दिवाळीपर्यंत एक रो-हाऊस मिळणार असल्याच्या तयारीनेच हे काम सुरू आहे की काय? अशी उपरोधिक चर्चा शहरात रंगली आहे. मात्र, या बांधकामाचा नेमका उद्देश काय? त्यासाठी मंजूर झालेला प्रकल्प कोणता? जागा कोणत्या योजनेसाठी देण्यात आली आहे? तसेच या ठिकाणी उभारण्यात येणाऱ्या बांधकामाचा पत्रकार गृहनिर्माण सोसायटीशी नेमका काय संबंध आहे? याबाबत अधिकृत माहिती अद्याप स्पष्टपणे समोर आलेली नसल्याने अनेक प्रश्न निर्माण झाले आहेत. पत्रकारांची फसवणूक तर होत नाही ना? पत्रकार गृहनिर्माण सोसायटीच्या नावावर का...

बीड प्रतिनिधी  : बीड जिल्ह्यासह संपूर्ण मराठवाड्यात यंदा ऑगस्ट महिना संपला तरी मागील वर्षाच्या तुलनेत पुरेसा पाऊस झालेला नाही. यामुळे पिकांचे मोठे नुकसान झाले असून शेतकरी संकटात सापडला आहे. या पार्श्वभूमीवर बीड जिल्ह्यासह मराठवाड्यात तात्काळ 'कोरडा दुष्काळ' जाहीर करून पिकांचे पंचनामे करावेत व आर्थिक मदत द्यावी, अशी मागणी जनप्रहार सामाजिक संघटना (महाराष्ट्र राज्य) च्या वतीने करण्यात आली आहे. याबाबत संघटनेचे संस्थापक अध्यक्ष विजय गायकवाड आणि सचिव ॲड. सदानंद वाघमारे यांच्या स्वाक्षरीचे निवेदन बीडच्या जिल्हाधिकाऱ्यांमार्फत राज्याचे मुख्यमंत्री यांना सादर करण्यात आले.या वेळी मोठ्या संख्येने संघटनेचे पदाधिकारी उपस्थितीत होते.

लोकशाही पत्रकार संघाची मराठवाडा विभागीय बैठक उत्साहात संपन्न पत्रकारांच्या न्याय-हक्कांसाठी संघटना अधिक बळकट करण्याचा निर्धार; संघटनात्मक विस्तारासह विविध प्रश्नांवर सखोल चर्चा राष्ट्रीय उपाध्यक्ष संदिप जाधव, युवा आघाडी अध्यक्ष किशोर पवार, धाराशिव जिल्हा परिषदेचे उपाध्यक्ष बाबा पाटील, मराठवाडा अध्यक्षा पंचशीलाताई कांबळे व कार्याध्यक्ष धीरज बेलकुंडे यांची प्रमुख उपस्थिती उमरगा, धाराशिव | प्रतिनिधी लोकशाही पत्रकार संघाच्या मराठवाडा विभागातील प्रमुख पदाधिकाऱ्यांची महत्त्वपूर्ण विभागीय बैठक धाराशिव जिल्ह्यातील उमरगा येथील शासकीय विश्रामगृहात उत्साहपूर्ण वातावरणात संपन्न झाली. पत्रकारांच्या न्याय्य हक्कांसाठी संघटितपणे आवाज बुलंद करण्याबरोबरच मराठवाड्यात संघटनेचे जाळे अधिक मजबूत करण्याचा निर्धार या बैठकीत व्यक्त करण्यात आला. बैठकीमध्ये संघटनात्मक विस्तार, पत्रकारांना भेडसावणाऱ्या विविध समस्या, पत्रकारांच्या न्याय-हक्कांचे संरक्षण, जिल्हा व तालुका पातळीवरील संघटन मजबूत करणे तसेच आगामी काळातील संघटनेच्या कार्याची दिशा याबाबत सविस्तर विचारविनिमय करण्यात आला. मराठवाड्यातील प्रत्येक ...

मसेवाडी येथील शेतकऱ्यांचे सोलर पॅनल चोरीला   विद्युत मोटार व वायर चोरीनंतर सोलर पॅनल चोरट्यांचेही धाडस; शेतकऱ्यांत चिंतेचे वातावरण बीड : (दि.८) बीड तालुक्यातील बालाघाटावरील मसेवाडी येथील शेतकरी सिद्धार्थ बंकट मोरे यांच्या गट क्रमांक ८ मधील शेतातून सोलर पॅनल चोरीला गेल्याची घटना समोर आली आहे. याप्रकरणी लिंबागणेश पोलिस चौकीचे पोलीस हवालदार शेख मन्सूर यांच्याकडे तक्रार करण्यात आली असून, पोलिसांनी घटनास्थळी धाव घेत पाहणी केली आहे. मिळालेल्या माहितीनुसार, मंगळवारी दुपारी सिद्धार्थ मोरे यांचे शेजारी बाबुराव लक्ष्मण मोरे यांनी त्यांच्या शेतातील सोलर पॅनल गायब असल्याचे निदर्शनास आणून दिले. तसेच एक सोलर पॅनल शेतालगत आढळून आले. त्यानंतर सिद्धार्थ मोरे यांनी शेतात पाहणी केली असता सोलर पॅनल चोरीला गेल्याचे त्यांच्या लक्षात आले. लिंबागणेश परिसरात यापूर्वीही विद्युत मोटार व विद्युत वायर चोरीच्या घटना घडत असताना आता सोलर पॅनल चोरीची घटना घडल्याने शेतकऱ्यांमध्ये चिंतेचे वातावरण निर्माण झाले आहे. सोलर पॅनलच्या माध्यमातून शेतीसाठी वीज उपलब्ध करून घेणाऱ्या शेतकऱ्यांना अशा चोरीच्या घट...