पवनचक्की कंपन्यांची पोलिस व महसूल प्रशासनाच्या पाठबळावर शेतकऱ्यांवर दडपशाही सुरूच!  लोकप्रतिनिधींचे दुर्लक्ष, शेतकरी हतबल! मावेजा मागणाऱ्या शेतकऱ्यांना गुन्हे दाखल करण्याच्या धमक्या; कंपन्यांच्या अधिकारी-कर्मचाऱ्यांवर कारवाईची मागणी :- डॉ. गणेश ढवळे बीड : (दि.०६ ) बीड जिल्ह्यात पवनचक्की कंपन्यांकडून शेतकऱ्यांवर दडपशाही सुरूच असून, पोलिस आणि महसूल प्रशासनाच्या भूमिकेमुळे शेतकरी हतबल झाले आहेत. शेतजमिनीतून अवजड साहित्याची वाहतूक करताना शेतकऱ्यांची परवानगी न घेणे, मोबदला न देणे आणि मावेजाची मागणी करणाऱ्या शेतकऱ्यांना धमकावणे असे प्रकार घडत असल्याचे समोर येत आहे. सामाजिक कार्यकर्त्यांनी वारंवार निवेदने देऊन आणि आंदोलनाच्या माध्यमातून पाठपुरावा करूनही जिल्हा प्रशासनाकडून ठोस कारवाई होत नसल्याने पवनचक्की कंपन्यांची पाठराखण केली जात असल्याचा आरोप शेतकऱ्यांनी केला आहे. मावेजाची मागणी करणाऱ्या शेतकऱ्यांवर खोटे गुन्हे दाखल करण्याच्या धमक्या देऊन दहशत निर्माण केली जात असल्याचा आरोपही करण्यात येत आहे. त्यामुळे पोलिस आणि महसूल प्रशासनाने कंपन्यांच्या दबावाखाली काम न करता शेतकऱ्यांन...

लिंबागणेश प्राथमिक आरोग्य केंद्रात जन आरोग्य समितीची बैठक संपन्न! रुग्णांना दर्जेदार आरोग्य सुविधा, औषधसाठा, स्वच्छता व आरोग्य उपक्रमांचा घेतला आढावा लिंबागणेश : (दि.०५) महाराष्ट्रातील प्रत्येक प्राथमिक आरोग्य केंद्रात रुग्णांना दर्जेदार आरोग्य सुविधा मिळाव्यात, आरोग्य केंद्राच्या कामकाजात लोकसहभाग वाढावा तसेच आरोग्य सेवांमध्ये पारदर्शकता व उत्तरदायित्व निर्माण व्हावे, या उद्देशाने महाराष्ट्र शासनाच्या सार्वजनिक आरोग्य विभागाने दि.२३ नोव्हेंबर २०२२ रोजी शासन निर्णय निर्गमित करून जन आरोग्य समितीची स्थापना केली आहे. याच अनुषंगाने लिंबागणेश येथील प्राथमिक आरोग्य केंद्रात जन आरोग्य समितीची बैठक संपन्न झाली. जन आरोग्य समितीमध्ये स्थानिक स्वराज्य संस्थांचे प्रतिनिधी, आरोग्य विभागाचे अधिकारी, सामाजिक क्षेत्रातील प्रतिनिधी आणि समुदाय प्रतिनिधींचा समावेश असतो. प्राथमिक आरोग्य केंद्राचा दर्जा सुधारणे आणि रुग्णांना चांगल्या आरोग्य सुविधा उपलब्ध करून देणे ही समितीची प्रमुख जबाबदारी आहे. रुग्णांना वेळेवर व दर्जेदार आरोग्य सेवा मिळतात की नाही, आवश्यक औषधांचा पुरेसा साठा उपलब्ध आहे का, र...

मंजूर झालेले ऊसतोड कामगारांचे सानुग्रह अनुदान तात्काळ द्या; अन्यथा इंटकचा तीव्र आंदोलनाचा इशारा १४ ऑगस्टच्या निवेदनानंतरही कार्यवाही नाही; रामधन जमाले यांचा शासन-प्रशासनाला इशारा बीड : लोकनेते गोपीनाथ मुंडे ऊसतोड कामगार कल्याण महामंडळाच्या सानुग्रह अनुदान योजनेंतर्गत अपघाती मृत्यू झालेल्या ऊसतोड कामगारांच्या वारसांना मंजूर झालेले अनुदान तात्काळ वितरित करावे, अशी मागणी राष्ट्रीय मजदूर काँग्रेस (इंटक), बीड जिल्ह्याच्या वतीने करण्यात आली आहे. याबाबत इंटकचे बीड जिल्हाध्यक्ष रामधन रानबा जमाले यांनी यापूर्वी १४ ऑगस्ट २०२६ रोजी शासनाकडे निवेदन दिले होते. मात्र, निवेदन देऊन तसेच वेळोवेळी संबंधित प्रशासनाकडे पाठपुरावा करूनही अद्याप अनेक पात्र वारसांना त्यांच्या हक्काची आर्थिक मदत मिळालेली नसल्याने इंटकने आता आंदोलनाचा इशारा दिला आहे. ऊसतोड कामगार हा महाराष्ट्राच्या ग्रामीण अर्थव्यवस्थेतील अत्यंत महत्त्वाचा घटक आहे. बीड जिल्ह्यासह मराठवाड्यातील हजारो कुटुंबांचा उदरनिर्वाह ऊसतोडणीच्या कामावर अवलंबून आहे. ऊन, वारा, पाऊस यांची पर्वा न करता कुटुंबाच्या उदरनिर्वाहासाठी हे कामगार रात्रंदि...

बीड कारागृहातून गुन्हेगारी कारवायांचे सूत्र हलवले जात असल्याचा आरोप; बलात्कार प्रकरणातील पीडित कुटुंबाला धमक्या! खटला मागे घेण्यासाठी पैशांचे आमिष आणि जीवे मारण्याची धमकी; पोलीस कर्मचारी रमेश खाडे यांच्यावर गंभीर आरोप पोलीस अधीक्षक नवनीत कावत यांची पीडित कुटुंबाने घेतली भेट; कारवाईसह २४ तास सशस्त्र पोलीस संरक्षणाची मागणी, अन्यथा आमरण उपोषणाचा इशारा बीड (प्रतिनिधी ) : धारूर तालुक्यातील बलात्कार प्रकरणातील मुख्य आरोपी कारागृहात असतानाही त्याच्याकडून पीडित कुटुंबावर खटला मागे घेण्यासाठी दबाव आणला जात असल्याचा गंभीर आरोप समोर आला आहे. पैसे देण्याचे आमिष दाखवून खटला मागे घेण्यास सांगितले जात असून, तसे न केल्यास जीवे मारण्याच्या धमक्या दिल्या जात असल्याचा दावा पीडित कुटुंबाने केला आहे. या प्रकरणात पोलीस कर्मचारी रमेश खाडे यांचा सहभाग असल्याचा आरोपही कुटुंबाने केला आहे. या संदर्भात पीडित कुटुंबाने बीडचे पोलीस अधीक्षक नवनीत कावत यांची भेट घेऊन सविस्तर तक्रार मांडली. संबंधितांवर तातडीने कायदेशीर कारवाई करावी आणि कुटुंबाला २४ तास सशस्त्र पोलीस संरक्षण द्यावे, अशी मागणी करण्यात आली आह...

दुष्काळग्रस्त शेतकरी, शेतमजूर, ऊसतोड व बांधकाम कामगारांना प्रतिकुटुंब २५ हजार रुपये सानुग्रह अनुदान द्या! इंटक जिल्हाध्यक्ष रामधन जमाले यांचे जिल्हाधिकाऱ्यांमार्फत केंद्र व राज्य सरकारला निवेदन; मागण्या मान्य न झाल्यास शेतकरी व कामगारांना सोबत घेऊन आंदोलनाचा इशारा बीड, प्रतिनिधी : महाराष्ट्रातील मराठवाड्यासह बीड जिल्ह्यात निर्माण झालेल्या कोरड्या दुष्काळामुळे शेतकरी, शेतमजूर, ऊसतोड कामगार, बांधकाम कामगार व असंघटित क्षेत्रातील कामगार आर्थिक संकटात सापडले आहेत. या सर्व कष्टकरी कुटुंबांना प्रतिकुटुंब किमान २५ हजार रुपये सानुग्रह अनुदान तातडीने देण्यात यावे, या प्रमुख मागणीसह राष्ट्रीय मजदूर काँग्रेस (इंटक), बीड जिल्ह्याचे जिल्हाध्यक्ष रामधन जमाले यांनी आज जिल्हाधिकारी, बीड यांच्यामार्फत पंतप्रधान नरेंद्र मोदी, मुख्यमंत्री देवेंद्र फडणवीस, उपमुख्यमंत्री एकनाथ शिंदे व संबंधित मंत्र्यांना सविस्तर निवेदन सादर केले. दुष्काळामुळे शेतकऱ्यांच्या पिकांचे मोठ्या प्रमाणावर नुकसान झाले असून, शेतमजुरांच्या हाताला काम मिळत नाही. ऊसतोड कामगारांना कुटुंबासह स्थलांतर करावे लागत आहे, तर बांधका...

बीड (प्रतिनिधी ) दिनांक : 14 नोव्हेंबर शनिवार रोजी डॉक्टर बाबासाहेब आंबेडकरांनी स्थापन केलेल्या समता सैनिक दलाचे नागसेन बुद्ध, विहार पालवन चौक बीड येथे एक दिवसीय समता सैनिक दल शिबिराचे आयोजन करण्यात आले.     डॉक्टर बाबासाहेब आंबेडकरांनी 20 मार्च 1927 रोजी महाड चवदार तळे सत्याग्रहाच्या वेळी समता सैनिक दलाची स्थापना करण्यात आली. 20 मार्च 2027 मध्ये समता सैनिक दलाच्या स्थापनेला शंभर वर्ष पूर्ण होत आहेत. वर्ष शताब्दीच्या अनुषंगाने भारतीय बौद्ध महासभेचे कार्याध्यक्ष तथा समता सैनिकाचे राष्ट्रीय अध्यक्ष आदरणीय डॉक्टर भीमराव यशवंतराव आंबेडकर साहेब यांनी शताब्दी वर्ष पूर्तीच्या अनुषंगाने भारतामध्ये (1,00,000) एक लाख समता सैनिक तयार करण्याचा संकल्प केलेला आहे. त्या संकल्प पूर्तीच्या अनुषंगाने प्रत्येक जिल्ह्यामध्ये दोन हजार समता सैनिक तयार करण्याचा जोरदार प्रयत्न होत आहे. भारतीय बौद्ध महासभा संरक्षण सचिव महाराष्ट्र राज्य आद. अमरसिंह ढाका व कॅप्टन राजाभाऊ आठवले, मेजर जनरल समता सैनिक दल तथा संरक्षण उपाध्यक्ष बीड यांच्या प्रयत्नातून बीड जिल्ह्यामध्ये जवळपास एक हजार (1000) ...

सेवानिवृत्त कर्मचाऱ्यांचे पेन्शन ऑनलाइन पद्धतीने सुरू महाराष्ट्र राज्य जिल्हा परिषद सेवानिवृत्त कर्मचारी संघटनेच्या मागणीला यश; मुख्य कार्यकारी अधिकाऱ्यांसह संबंधित अधिकाऱ्यांचे मानले आभार बीड : महाराष्ट्र राज्य जिल्हा परिषद सेवानिवृत्त कर्मचारी संघटनेच्या वतीने करण्यात आलेल्या विनंतीची दखल घेऊन बीड जिल्हा परिषदेचे मुख्य कार्यकारी अधिकारी श्री. जितीन रहेमान यांनी सेवानिवृत्त कर्मचाऱ्यांचे सेवानिवृत्ती वेतन ऑनलाइन पद्धतीने अदा करण्याबाबत तातडीने कार्यवाही केल्याने संघटनेच्या पदाधिकाऱ्यांनी समाधान व्यक्त करून त्यांचे आभार मानले. संघटनेचे राज्याध्यक्ष शेख वजीर यांच्या मार्गदर्शनाखाली बीड जिल्हाध्यक्ष हनीफ खान पठाण, जिल्हा उपाध्यक्ष ध्रुपद यादव, जिल्हा सचिव नजीउल्ला खान, कोषाध्यक्ष सुग्रीव नेटके, सहसचिव अशोक कुलकर्णी व जिल्हा सदस्य दिलीप वखरे यांनी बीड जिल्हा परिषदेचे मुख्य कार्यकारी अधिकारी श्री. जितीन रहेमान यांची भेट घेऊन सेवानिवृत्त कर्मचाऱ्यांचे सेवानिवृत्ती वेतन ऑनलाइन पद्धतीने अदा करण्याबाबत निवेदन सादर केले होते. या निवेदनाची तातडीने दखल घेत मुख्य कार्यकारी अधिकारी यां...