ऊसतोड मजूर कुटुंबाच्या दुःखात इंटकचा आधार! टोकवाडी येथे जाऊन शोकाकुल कुटुंबीयांची भेट; गोपीनाथ मुंडे महामंडळाच्या माध्यमातून ५ लाखांच्या आर्थिक मदतीच्या योजनेची दिली सविस्तर माहिती!  संकटाच्या काळात ऊसतोड कामगारांच्या कुटुंबीयांना न्याय मिळवून देण्यासाठी इंटक कटिबद्ध ! बीड जिल्ह्यातील ऊसतोड कामगारांच्या आयुष्यातील दुःख, वेदना आणि संघर्ष पुन्हा एकदा समोर आणणारी अत्यंत दुर्दैवी घटना वडवणी तालुक्यातील टोकवाडी येथे घडली आहे. कुटुंबाच्या उदरनिर्वाहासाठी ऊसाच्या फडात अहोरात्र कष्ट करणाऱ्या ऊसतोड मजूर महिला सौ. सोनाली श्रीराम फड यांचा दुर्दैवी मृत्यू झाल्याने संपूर्ण कुटुंबावर दुःखाचा डोंगर कोसळला आहे. एका कष्टकरी महिलेचा असा दुर्दैवी अंत होणे ही मन हेलावून टाकणारी घटना आहे. या दुःखद घटनेची माहिती मिळताच आज राष्ट्रीय मजदूर काँग्रेस (इंटक), बीड जिल्ह्याच्या वतीने टोकवाडी येथे प्रत्यक्ष भेट देऊन शोकाकुल कुटुंबीयांचे सांत्वन केले. मयत सौ. सोनाली श्रीराम फड यांचे पती श्री. श्रीराम विष्णू फड, तसेच श्री. अरुण किसन केकान, श्री. भगवान विठ्ठल केकान आणि इतर नातेवाईकांशी सविस्तर चर...

फटाके विरहित, प्रदूषणमुक्त दिवाळी साजरी करा, विद्यार्थ्यांना प्राचार्य डी. जी. तांदळे यांचे आवाहन; प्रगती विद्यालयात पर्यावरणपूरक दिवाळीचा संदेश बीड प्रतिनिधी :-  दिवाळी हा आनंद, उत्साह आणि प्रकाशाचा सण आहे. मात्र, फटाक्यांच्या अतिवापरामुळे होणारे वायुप्रदूषण, ध्वनिप्रदूषण तसेच लहान मुले, ज्येष्ठ नागरिक, रुग्ण आणि पशुपक्ष्यांना होणारा त्रास लक्षात घेता विद्यार्थ्यांनी यंदाची दिवाळी फटाकेमुक्त आणि प्रदूषणमुक्त साजरी करावी, असे आवाहन महाराष्ट्र अंधश्रद्धा निर्मूलन समितीचे बीड जिल्हा उपाध्यक्ष प्राचार्य डी. जी. तांदळे यांनी केले. शनिवार, दि. ३१ ऑक्टोबर २०२६ रोजी सकाळी ८ वाजता नगर रोडवरील प्रगती विद्यालयात विद्यार्थ्यांना पर्यावरणपूरक दिवाळीचा संदेश देण्यात आला. यावेळी प्रगती विद्यालयाचे मुख्याध्यापक दिलीप कंठाळे आणि सामाजिक कार्यकर्ते तथा लेक लाडकी अभियानाचे बीड जिल्हा समन्वयक बाजीराव ढाकणे उपस्थित होते. यावेळी बोलताना प्राचार्य तांदळे म्हणाले की, दिवाळीचा खरा आनंद हा फटाके फोडण्यात नसून कुटुंबीयांसोबत आनंद वाटण्यात, गरजूंच्या चेहऱ्यावर हास्य फुलविण्यात आणि परिसर स्वच्छ ठे...

बीड शहरात भूमीगत गटार योजनेचा बोजवारा,कोट्यवधींचा निधी खर्चूनही योजना कागदावरच आपचे शहर अध्यक्ष सय्यद सादेक यांचा गंभीर आरोप ​बीड प्रतिनिधी :बीड शहरातील तेलगाव नाका व लगतच्या परिसरातील भूमीगत गटार योजनेच्या अनागोंदी कारभाराविरोधात आम आदमी पार्टीचे बीड शहर अध्यक्ष सय्यद सादेक यांनी प्रशासनाधिखारी व कंत्राटदारांच्या भूमिकेवर गंभीर प्रश्नचिन्ह उपस्थित केले आहेत. २०१७-१८ मध्ये सुरू झालेली ही योजना तांत्रिक मान्यता व कार्यारंभ आदेश मिळूनही प्रत्यक्षात अपूर्ण असल्याचा आरोप त्यांनी केला आहे.   ​ प्रत्यक्षात कोणतेही भरीव काम झाले नसून केवळ काही ठिकाणी चेंबर (Manholes) बनवून दिशाभूल करण्यात आली आहे. असे असतानाही कार्यकारी अभियंत्यांनी कंत्राटदाराला तब्बल ४१ लाख ६८ हजार ६७३ रुपयांचे अतिरिक्त बिल कसे अदा केले, असा सवाल सय्यद सादेक यांनी केला आहे.   नगर परिषदेने या योजनेसाठी कोणतीही जागा उपलब्ध करून दिली नसताना तातडीने कार्यारंभ आदेश आणि तांत्रिक मान्यता कशी घेण्यात आली, असा सवाल त्यांनी उपस्थित केला आहे. जनतेचा पैसा खिशात घालण्यासाठीच हा सर्व प्रकार सुरू असल्याचा स...

चारा छावण्या नकोत, थेट शेतकऱ्यांच्या दारात चारा-पाणी द्या--  शिरूर कासार तहसीलदारांना निवेदन-- शिवसेना (उद्धव बाळासाहेब ठाकरे) पक्षाचा प्रशासनाला थेट इशारा आष्टी प्रतिनिधी(प्रतिनिधी-- गोरख मोरे ) :  ​शिरूर कासार तालुक्यात दुष्काळाची भीषण परिस्थिती निर्माण झाली असून शासन स्तरावर चारा छावण्या सुरू करण्याच्या हालचाली सुरू झाल्या , परंतु भूतकाळातील कटू अनुभव पाहता, चारा छावण्यांमध्ये छावणी चालकांकडून बोगस जनावरे दाखवून कोट्यवधी रुपयांचा भ्रष्टाचार केल्याचे निदर्शनास आले . तर मूळ गरजू पशुपालक शेतकरी मात्र चाऱ्यापासून वंचित राहतात. चाऱ्याच्या वाटपावरून शेतकऱ्यांची हेळसांड होते व आपापसात वाद-विवाद होतात. ​या भ्रष्टाचाराला आळा घालण्यासाठी आणि प्रत्येक मुक्या जनावराला हक्काचा चारा मिळण्यासाठी प्रशासनाने खालीलप्रमाणे तत्काळ पावले उचलावीत. ​तलाठी (ग्राम महसूल अधिकारी), मंडळ अधिकारी, ग्रामसेवक व पशुधन विकास अधिकारी यांच्यामार्फत स्थानिक पातळीवर प्रत्यक्ष जागेवर जाऊन खरी पशुधन गणना करावी. ​चारा छावण्यांचे ठेके देऊन दलालांचे खिसे भरण्याऐवजी, थेट शेतकऱ्यांच्या गोठ्यापर्यंत/दाराप...

११५ कोटींची भूमिगत गटार योजना वादात; प्रबुद्धनगर, भीमनगरमध्ये उघड्या चेंबरचा मृत्यूचा सापळा दुचाकीस्वार पडून जखमी; प्रशासनाच्या दुर्लक्षामुळे संतप्त नागरिकांनी स्वतःच बुजवले जीवघेणे खड्डे परळी वैजनाथ (प्रतिनिधी) :परळी वैजनाथ शहरात तब्बल ११५ कोटी रुपये खर्चून उभारण्यात आलेल्या भूमिगत गटार योजनेच्या कामावरून आता गंभीर प्रश्न उपस्थित होत आहेत. शहरातील प्रबुद्धनगर आणि भीमनगर परिसरात गटार योजनेचे चेंबर उघडेच राहिल्याने नागरिकांच्या जीविताला धोका निर्माण झाला आहे. प्रशासनाकडून वारंवार दुर्लक्ष होत असल्याने अखेर संतप्त नागरिकांनी स्वतः पुढाकार घेत दगड, माती आणि सिमेंटचे तुकडे टाकून हे जीवघेणे खड्डे बुजवले. स्थानिक नागरिकांनी दिलेल्या माहितीनुसार, उघड्या चेंबरमुळे आतापर्यंत दोन ते तीन नागरिक दुचाकीसह खड्ड्यात पडून जखमी झाले आहेत. विशेष म्हणजे, लहान मुले, ज्येष्ठ नागरिक आणि दुचाकीस्वारांसाठी हे उघडे चेंबर मोठा धोका ठरत आहेत. रात्रीच्या अंधारात खड्डे दिसत नसल्याने गंभीर अपघात होण्याची भीती व्यक्त केली जात आहे. भूमिगत गटार योजनेचे काम पूर्ण झाल्याचा दावा केला जात असताना प्रत्यक्षात अ...

तिर्थपुरी-जालना येथील आंतरजिल्हा चोरट्यांची टोळी जेरबंद; बीड स्थानिक गुन्हे शाखेची मोठी कारवाई ​बीड प्रतिनिधी :तिर्थपुरी-जालना परिसरातील घरफोडी व वाहन चोरी करणाऱ्या एका अट्टल आंतरजिल्हा टोळीचा बीडच्या स्थानिक गुन्हे शाखेने पर्दाफाश केला आहे. या कारवाईत पोलीस पथकाने टोळीतील ४ आरोपींना अटक केली असून, त्यांच्याकडून एकूण १ लाख रुपयांचा मुद्देमाल जप्त केला आहे. या कारवाईमुळे घरफोडी आणि वाहन चोरीचे एकूण ४ गुन्हे उघडकीस आले आहेत.   ​ पोलीस ठाणे नेकनूर येथील गु.रं.नं. ४४१/२०२६ (कलम ३०५, ३३१(४) भारतीय न्याय संहिता) या गुन्ह्याचा समांतर तपास स्थानिक गुन्हे शाखेचे पथक करत होते. तपासादरम्यान घटनास्थळाची पाहणी करून आणि परिसरातील CCTV फुटेज तपासून तांत्रिक विश्लेषणाद्वारे व गोपनीय बातमीदारांकडून माहिती घेण्यात आली.   ​तपासात मिळालेल्या माहितीनुसार, सदर गुन्ह्यातील आरोपी हे लाल-काळ्या रंगाच्या टीव्हीएस गाडीने जालन्याहून गेवराईमार्गे बीडकडे येणार असल्याची खात्रीशीर माहिती पथकाला मिळाली. त्यानुसार दिनांक ३०.१०.२०२६ रोजी गेवराई बायपास येथे सापळा रचून संशयित गाडी अडवण्यात ...

पोलिसांवरील हल्ला प्रकरणातील हल्लेखोरांना न्यायालयाचा दणका; दोन्ही आरोपींचे जामीन अर्ज फेटाळले!          ॲड. तेजस नेहरकर यांचा भक्कम युक्तिवाद ठरला निर्णायक! बीड दि.३० (प्रतिनिधी )-रात्री जेवण करून घरी जाणाऱ्या पोलीस कॉन्स्टेबलवर मोटर सायकलला साईड देण्यावरून आणि हॉर्न वाजवण्याच्या कारणावरून प्राणघातक हल्ला करणाऱ्या आरोपींचा जामीन अर्ज न्यायालयाने फेटाळून लावला. पोलिसावर झालेला हा हल्ला अत्यंत निंदनीय असून आरोपींविरुद्ध ठोस पुरावे असल्याचा भक्कम युक्तिवाद प्रसिद्ध विधिज्ञ ॲड. तेजस नेहरकर यांनी न्यायालयात मांडला, ज्याची दखल घेत न्यायालयाने हा महत्त्वाचा निर्णय दिला.  याबाबत अधिक माहिती अशी की, दिनांक २० सप्टेंबर २०२६ रोजी धीरज कल्याण खांडेकर हे त्यांच्या मित्रासोबत रात्री जेवण करून घरी जात होते. यावेळी 'हॉर्न का वाजवतोस?' अशी विचारणा करत ४ ते ५ जणांनी मिळून खांडेकर यांना गंभीर मारहाण केली. त्या नंतर धीरज खांडेकर यांच्या फिर्यादीवरून शिवाजीनगर पोलीस ठाण्यात संबंधित आरोपींविरुद्ध भा.न्या.सं. कलम १०९, ११८(२), १८९, १९१, १९०(१२२) अन्वये गुन्हा नंबर ...

बीड जिल्हा दुष्काळ ग्रस्त असल्यामुळे बचत गट मार्फत जमा करण्यात येणारे व्याजाचे हप्ते 6 ते 8 महिन्यासाठी बिनव्याजी स्थगित करण्यात यावे ही राष्ट्रीय काँग्रेसची मागणी . यासाठी जिल्हाधिकाऱ्यांना निवेदन.            बीड प्रतिनिधी . सध्या महाराष्ट्र राज्यात दुष्काळ जाहीर झालेला आहे सध्या बीड जिल्ह्यात पावसाचे प्रमाण अतिशय कमी असल्यामुळे बीड जिल्ह्यात जवळपास दुष्काळ पडलेला आहे त्यामुळे या भागातील लोकांना जनजीवन विस्कळीत झालेले आहे.  सदरील भागातील बहुतांश लोक हे ऊसतोड, बांधकाम मजुरी व बांधकामासाठी आवश्यक असणाऱ्या कामावर अवलंबित आहेत सध्या दुष्काळ असल्यामुळे व पाणी उपलब्ध नसल्यामुळे शासनाने जवळपास सर्वच बांधकामाच्या कामावर निर्बंध घातलेले आहे त्यामुळे सर्वसामान्य लोकांना हाताला काम मिळेल असे झालेले असून त्यांच्या कुटुंबावर उपासमारीची वेळ आलेली आहे सदरील बाबीमुळे ज्या लोकांनी बचत गटामार्फत कर्ज घेतलेले आहे ते कर्ज सदरील मजूर वर्गास फेळणे शक्य होत नाही तसेच कर्ज वेळेवर भरले नाही तर त्यावरील व्याज वाढतच चाललेला आहे तरी जिल्हाधिकारी साहेबांना बीड जिल्ह्...

मोटार न लावताच बोअरवेलमधून पाणी वाहू लागले; भाविकांमध्ये कुतूहल श्रीक्षेत्र ईश्वरभारतीबाबा बेलेश्वर संस्थानच्या इनामी जमिनीत बोअरवेलला लागले पाणी; मोटारविनाच पाण्याची धार सुरू! सद्गुरू ईश्वरभारतींची कृपा असल्याची मठाधिपती महादेव महाराज भारती यांची भावना; चमत्कार पाहण्यासाठी भाविकांची गर्दी लिंबागणेश : (दि.३०) ऐन दुष्काळात सर्वत्र साठवण तलाव, विहिरी कोरड्या पडलेल्या असताना आणि अनेक बोअरवेल बंद पडलेल्या असताना बीड तालुक्यातील बालाघाटावरील बेलेश्वर संस्थानच्या इनामी जमिनीतील नव्याने घेतलेल्या बोअरवेलमधून मोटार न लावताच पाणी वाहू लागल्याची घटना समोर आली आहे. या घटनेमुळे परिसरात आश्चर्य आणि कुतूहल व्यक्त होत असून, सद्गुरू ईश्वरभारती बाबांची कृपा असल्याची भावना मठाधिपती महंत महादेव महाराज भारती यांनी व्यक्त केली आहे. बीड तालुक्यातील बालाघाटाच्या कुशीत असलेल्या सद्गुरू ईश्वर बाबा भारती यांच्या पावनभूमीत मुळुकवाडी शिवारातील चांभारशेती येथे बेलेश्वर संस्थानची सुमारे ६५ एकर इनामी जमीन आहे. या शेतात काल दि.२९ रोजी रात्री बोअरवेल घेण्यात आला. त्यावेळी बोअरमध्ये मुबलक पाणी आढळून आले नव्...

बिंदूसरेचा काठ विस्तारणार - शेख निजाम  संत सावता महाराज मंदिर ते ब्र.गोविंदपंत समाधी रस्ता स्वच्छ  बीड प्रतिनिधी :- बीड नगर पालिकेच्या स्वच्छता विभागाने बिंदुसरा नदीच्या लगत रस्ता स्वच्छता केला असून सभापती शेख निजाम यांनी सदरील मार्गनिका विस्तार हा दूरगामी विषय असल्याचे सांगितले . नेते आ विजयसिंह पंडित नगर अध्यक्ष प्रेमलताताई पारवे, मुख्याधिकारी मांडुरके, स्वच्छता विभाग प्रमुख भागवत जाधव यांच्या मार्गदर्शनात सर्व सभापती नगरसेवक तथा विधानसभा समन्वयक शेख मुजीब यांच्या समवेत विविध स्वच्छता उपक्रम मार्गी लागत असल्याचे सांगितले यावेळी त्यांच्या समवेत जिल्हा राष्ट्रवादी कार्यालय प्रमुख भागवत तावरे होते .         सदरील मार्गनिका संत सावता महाराज मंदिर ते संत ज्ञानेश्वर महाराजांचे आजोबा ब्र .गोविंदपंत यांच्या समाधी पर्यंत चा दक्षिण उत्तर रस्ता विस्तारला जात आहे . यामुळे संत मुक्ताई मार्गाकडील रहदारीला पर्यायी रस्ता दिला जाईल . थेट मोंढा रोड ला जोडला जाणारा रस्ता विस्तारला गेल्याने जड वाहने इथून जाऊ शकतात यामुळे मोठा लाभ रहदारी समस्या सोडवण्यात ...

भीमराज नगर बुद्ध विहारात वर्षावास महिलांकडून तीन महिने डॉ. बाबासाहेब आंबेडकर लिखित ‘बुद्ध आणि त्यांचा धम्म’ ग्रंथाचे सामूहिक वाचन; भव्य धम्म रॅलीने राजुरवेस परिसर धम्ममय बीड (प्रतिनिधी ) :भगवान गौतम बुद्धांच्या विचारांचा प्रसार, धम्माचे आचरण आणि समाजात शील-सदाचाराची मूल्ये रुजविण्याच्या उद्देशाने भीमराज नगर बुद्ध विहार, राजुर वेस येथे आयोजित तीन महिन्यांच्या वर्षावासाचा समारोप गुरुवार, दि. २९ ऑक्टोबर २०२६ रोजी उत्साहपूर्ण आणि मंगलमय वातावरणात करण्यात आला. पूज्य भंते बुद्धघोष यांच्या सान्निध्यात पार पडलेल्या या वर्षावासाने परिसरात धम्मविचारांचा जागर घडवून आणला. आषाढ पौर्णिमेपासून अश्विन पौर्णिमेपर्यंत चाललेल्या या वर्षावासाचे विशेष वैशिष्ट्य म्हणजे डॉ. बाबासाहेब आंबेडकर लिखित *‘बुद्ध आणि त्यांचा धम्म’* या ग्रंथाचे भीमराज नगर येथील महिलांनी आळीपाळीने सलग तीन महिने दररोज केलेले वाचन होय. महिलांनी दाखविलेली ही धम्मनिष्ठा आणि सामूहिक सहभाग परिसरासाठी प्रेरणादायी ठरला. या ग्रंथवाचनाच्या माध्यमातून भगवान गौतम बुद्धांचे तत्त्वज्ञान, समता, स्वातंत्र्य, बंधुता, करुणा आणि प्रज्ञेचे वि...

शेतकरी आत्महत्याग्रस्तांविषयी आ. संजय गायकवाड यांच्या वक्तव्याचा निषेध! लिंबागणेशमध्ये प्रतिमेला जोडे मारून संताप व्यक्त; कठोर कारवाईची मागणी  शेतकरी आत्महत्या राष्ट्रीय आपत्ती; सत्ताधारी आमदारांचे असंवेदनशील वक्तव्य दुर्दैवी — डॉ. गणेश ढवळे लिंबागणेश (दि २९ ) : शेतकरी आत्महत्या ही गंभीर सामाजिक आणि कृषीविषयक समस्या असताना आत्महत्याग्रस्त शेतकऱ्यांच्या कुटुंबीयांविषयी कथित असंवेदनशील वक्तव्य केल्याच्या निषेधार्थ बुलढाण्याचे शिवसेना (शिंदे गट) आमदार संजय गायकवाड यांच्या प्रतिमेला लिंबागणेश येथील छत्रपती शिवाजी महाराज चौकात जोडे मारून निषेध व्यक्त करण्यात आला. सामाजिक कार्यकर्ते तथा बीड जिल्हा माहिती अधिकार कार्यकर्ता महासंघ, महाराष्ट्र राज्याचे मुख्य प्रचारप्रमुख डॉ. गणेश ढवळे लिंबागणेशकर यांच्या नेतृत्वाखाली हे आंदोलन करण्यात आले. यावेळी आमदार गायकवाड यांच्या विरोधात घोषणाबाजी करून मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी या प्रकरणाची दखल घेऊन कठोर कारवाई करावी, अशी मागणी करण्यात आली. यावेळी आंदोलनात सरपंच बालासाहेब जाधव, अँड.गणेश वाणी, दामोदर थोर...

शासकीय निर्देश असूनही बागपिंपळगावमधील निवासी अतिक्रमणे नियमानुकुल करण्याची कार्यवाही प्रलंबित  ग्रामपंचायत कार्यालयाच्या विरोधात अतिक्रमणधारक बेमुदत धरणे आंदोलन करणार  गेवराई : (प्रतिनिधी) दि.२८ ऑक्टोंबर २०२६ -         गेवराई तालुक्यातील मौजे बागपिंपळगाव येथील गट क्रमांक ३५ मधील शासकीय गायरान जमिनीवर सन १९९० पूर्वीपासून निवास करणाऱ्या १३ अनुसूचित जातीच्या लाभधारकांनी आपली निवासी अतिक्रमणे शासन निर्णयानुसार नियमानुकुल करून घेण्यासाठी तहसील कार्यालय, जिल्हाधिकारी कार्यालय व पंचायत समितीकडे आणि ग्रामपंचायत कार्यालयाकडे कायदेशीररित्या सलग ६ वर्षे पाठपुरावा केला आहे. मात्र, सहा वर्षांनंतरही या प्रकरणाची कार्यवाही पूर्ण न झाल्याने लाभधारक यांना त्यांचे जागेचे मालकी हक्क मिळालेले नाहीत.       बागपिंपळगाव येथील गट क्रमांक ३५ मधील जमिनीवर महेंद्र मुरलीधर कांबळे, सुभाष पुंजाराम सौंदरमल, सुधाकर लक्ष्मण कांबळे अशा एकूण १३ अतिक्रमणधारकांची निवासी अतिक्रमणे आहेत. या सर्व लाभधारकांनी शासनाच्या नियमानुसार आवश्यक कागदपत्रांसह प्रस्ताव दाखल क...

गावात मिळेना मोबाईल रेंज; कृषी सहाय्यकासह शेतकऱ्यांची डोंगरमाथ्यावर धाव!  बालाघाटातील डोंगराळ भागातील शेतकऱ्यांची व्यथा; ई-पीक पाहणी, पीकविमा आणि महाडीबीटी अर्जांसाठी नेटवर्कचा अडथळा शासनाच्या ऑनलाइन योजनांचा लाभ घेण्यासाठी शेतकऱ्यांची कसरत; ई-पीक पाहणी ॲपमधील तांत्रिक त्रुटी दूर करून गावपातळीवर तांत्रिक मदत उपलब्ध करून द्या :- डॉ.गणेश ढवळे  लिंबागणेश (दि.२७) : बीड तालुक्यातील बालाघाटाच्या डोंगररांगांच्या कुशीत वसलेल्या गावांमध्ये मोबाईल नेटवर्कअभावी शेतकऱ्यांना विविध शासकीय योजनांचा लाभ घेण्यासाठी मोठ्या अडचणींचा सामना करावा लागत आहे. गावात मोबाईलला रेंज मिळत नसल्याने ऑनलाइन अर्ज, आधार आधारित ओटीपी, ई-पीक पाहणी आणि पीक पेरा नोंदणीची प्रक्रिया रखडत आहे. परिणामी, शेतकऱ्यांना मोबाईल नेटवर्क मिळवण्यासाठी थेट डोंगरमाथ्यावर जावे लागत असल्याचे चित्र समोर आले आहे. बीड तालुक्यातील मौजे फुकेवाडी येथे दि. २७ रोजी कृषी सहाय्यक रामेश्वर पेजगुडे हे महिला शेतकरी प्रमाणपत्र आणि रब्बी हंगाम २०२६-२७ साठी महाडीबीटी पोर्टलवर ऑनलाइन अर्ज प्रक्रियेच्या अनुषंगाने गेले असता, गावात मोबाई...

सेवानिवृत्त बालविकास प्रकल्प अधिकारी सौ सुनंदा यशवंतराव तांदळे यांचे दुःखद निधन  बीड प्रतिनिधी :- बीड जिल्हा परिषदेच्या एकात्मिक बाल विकास सेवा योजना अंतर्गत बालविकास प्रकल्प अधिकारी या पदावरून सेवानिवृत्त झालेल्या सौ सुनंदा यशवंतराव तांदळे(बाबासाहेब जायभाये) यांचे अल्पशा आजाराने 26 ऑक्टोबर 2026 रोजी सकाळी 6.30 वाजता दुःखद निधन झाले. त्यांच्या पार्थिवावर शोकाकुल वातावरणामध्ये अंकुश नगर स्मशानभूमी येथे सायंकाळी चार वाजता अंत्यसंस्कार करण्यात आला. यावेळी सर्व क्षेत्रातील प्रतिष्ठित नागरिक मोठ्या संख्येने उपस्थित होते.  जालना जिल्हा परिषदेच्या एकात्मिक बाल विकास सेवा योजना या प्रकल्पांतर्गत 1998 साली जालना जिल्हा परिषद येथे अंगणवाडी पर्यवेक्षिका म्हणून त्यांनी शासकीय सेवेला सुरुवात केली. बीड जिल्ह्यामध्ये 2005 साली नवगण राजुरी येथे सर्वप्रथम पर्यवेक्षिका म्हणून त्यांनी पदभार स्वीकारला. स्वकर्तृत्वावर त्यांनी थेट बालविकास प्रकल्प अधिकारी या पदापर्यंत मजल मारली. या पदांतर्गत त्यांनी बीड आणि बीड ग्रामीण या दोन्ही विभागांमध्ये आपल्या सेवेच्या कार्यकाळात धडाकेबाज काम केल...

वनविभागाचा दुटप्पीपणा! उद्योगांसाठी वनजमीन, मात्र ग्रामस्थांच्या रस्त्याला परवानगी नाही!  मुख्यमंत्री ग्रामसडक योजनेतील २ किलोमीटरचे काम रखडले; कंत्राटदाराने काम सोडल्याने फुकेवाडी ग्रामस्थांची फरफट सुरूच दवाखाना, आठवडी बाजार आणि मुलांच्या शिक्षणासाठी ग्रामस्थांची कसरत :-- डॉ. गणेश ढवळे  लिंबागणेश (दि.२६) :एका बाजूला खासगी उद्योगांच्या प्रकल्पांसाठी वनजमीन उपलब्ध करून दिली जात असल्याचे आरोप होत असताना, दुसरीकडे बीड तालुक्यातील फुकेवाडी येथील ग्रामस्थांना हक्काच्या रस्त्यासाठी वनविभागाच्या परवानगीची प्रतीक्षा करावी लागत आहे. मुख्यमंत्री ग्रामसडक योजनेंतर्गत मंजूर झालेल्या रस्त्याच्या आठ किलोमीटरपैकी सहा किलोमीटरचे डांबरीकरण पूर्ण झाले; मात्र वनविभागाच्या हद्दीतील उर्वरित दोन किलोमीटरचे काम परवानगीअभावी रखडले आहे. कंत्राटदाराने काम अर्धवट सोडल्याने फुकेवाडी ग्रामस्थांना दवाखाना, आठवडी बाजार आणि मुलांच्या शाळेसाठी मोठ्या अडचणींचा सामना करावा लागत आहे. या प्रकाराबद्दल सामाजिक कार्यकर्ते डॉ. गणेश ढवळे लिंबागणेशकर यांनी तीव्र नाराजी व्यक्त करत शासन आणि वनविभागाच्या भूमि...

दुष्काळाच्या विळख्यात बीड जिल्हा; शेतमजूर, ऊसतोड कामगार आणि एकल महिलांच्या मदतीसाठी 'आझाद क्रांती कामगार युनियन' आक्रमक  गेवराई शहरासह जिल्ह्यातील ११ तालुक्यांत परिस्थिती बिकट; तातडीने उपाययोजना करण्याची निवेदनाद्वारे मागणी गेवराई (प्रतिनिधी ): २५ ऑक्टोबर २६         खरीप २०२६ च्या हंगामात बीड जिल्ह्यात पावसाने दिलेल्या ओढ मुळे अत्यंत गंभीर परिस्थिती निर्माण झाली आहे. राज्य शासनाने जिल्ह्यातील सर्व ११ तालुक्यांमध्ये ' लागू करून दुष्काळ जाहीर केला असला, तरी अद्याप तळागाळातील असंघटित कामगार, शेतमजूर, बांधकाम कामगार आणि ऊसतोड कामगारांपर्यंत कोणतीही ठोस मदत पोहोचलेली नाही. या पार्श्वभूमीवर, 'आझाद क्रांती कामगार युनियन, महाराष्ट्र राज्य' च्या वतीने प्रशासनाला निवेदन देऊन तातडीने मदत कार्य सुरू करण्याची मागणी करण्यात आली आहे. पावसाच्या मोठ्या तूटीमुळे कापूस, सोयाबीन, तूर आदी खरीप पिके पूर्णपणे उद्ध्वस्त झाली आहेत. परिणामी, शेतीवर अवलंबून असलेल्या भूमिहीन शेतमजूर आणि असंघटित क्षेत्रातील कामगारांचा हक्काचा रोजगार हिरावला गेला आहे. वस्त्यांमध्ये उपासमार आ...

भीमाशंकर अभयारण्य परिसरातील प्रस्तावित टोरंट पॉवर प्रकल्पासाठी वृक्षतोडीला विरोध!  पर्यावरणाचा -हास करणा-या "झाडखाऊ"आणि भांडवलदारधार्जिण्या "भाडखाऊ" सरकारच्या निषेधार्थ बीड जिल्हाधिकारी कार्यालयासमोर निदर्शने; प्रकल्प अन्यत्र स्थलांतरित करण्याची मागणी — डॉ. गणेश ढवळे बीड : (दि.२६ ) रायगड जिल्ह्यातील कर्जत तालुक्यात भीमाशंकर वन्यजीव अभयारण्याच्या पायथ्याशी असलेल्या सायडोंगर परिसरात प्रस्तावित टोरंट पॉवर प्रकल्पासाठी सुमारे ६०० एकर क्षेत्रातील ३५ हजारांहून अधिक वृक्षांची तोड होण्याची शक्यता असल्याचा आरोप करत या प्रकल्पाला पर्यावरणप्रेमींनी विरोध दर्शविला आहे. महाराष्ट्राचा राज्यप्राणी असलेल्या शेकरू (विशाल खार) या दुर्मिळ वन्यजीवाच्या नैसर्गिक अधिवासाला धोका निर्माण होण्याची भीती व्यक्त करत हा प्रकल्प अन्यत्र स्थलांतरित करावा, या मागणीसाठी सोमवारी (दि.२६) बीड जिल्हाधिकारी कार्यालयासमोर निदर्शने करण्यात आली. सामाजिक कार्यकर्ते तथा बीड जिल्हा माहिती अधिकार कार्यकर्ता महासंघ, महाराष्ट्र राज्याचे मुख्य प्रचारप्रमुख डॉ. गणेश ढवळे लिंबागणेशकर यांच्या नेतृत्वाखा...

चमत्कार दाखवतो म्हणून प्रवाशाला लुटणारा सराईत गुन्हेगार स्थानिक गुन्हे शाखेच्या जाळ्यात परळी बसस्थानकात प्रवाशांना ‘चमत्कार दाखवतो’ असे सांगून लुबाडणाऱ्या नाशिक येथील सराईत गुन्हेगाराला बीडच्या स्थानिक गुन्हे शाखेने जेरबंद केले आहे. त्याच्याकडून १० ग्रॅम वजनाची सोन्याची अंगठी जप्त करण्यात आली आहे.   दि. २८ सप्टेंबर २०२६ रोजी दुपारी परळी बसस्थानकात गणपत लक्ष्मण आंधळे (रा. हेळंब, ता. परळी) हे थांबले असताना, एका अनोळखी इस्माने त्यांच्या हातातील दगदाचा खडा करून रुद्राक्ष करण्याचा बहाणा केला. यादरम्यान त्यांच्या हातातील १० ग्रॅम वजनाची सोन्याची अंगठी (किंमत अंदाजे १,०७,००० रुपये) चोरोन नेली. याप्रकरणी परळी शहर ठाण्यात गुन्हा दाखल करण्यात आला होता.   ​ गुन्ह्याचा तपास करत असताना स्थानिक गुन्हे शाखेच्या पथकाने सीसीटीव्ही फुटेज तपासले व गोपनीय बातमीदारांमार्फत माहिती मिळवली. हा गुन्हा रेकॉर्डवरील सराईत गुन्हेगार अफजल नवाब मदारी (वय २५ वर्षे, रा. लक्कडकोट, ता. येवला, जि. नाशिक, ह.मु. सावरगाव, ता. येवला) याने केल्याचे समोर आले.   ​पोलिसांनी येवला (नाशिक) ...

कुत्र्यांच्या हल्ल्यात जखमी पाडसाला जीवदान!  सामाजिक कार्यकर्ते डॉ. गणेश ढवळे यांच्या पुढाकाराने वनविभागाकडून पाडसाला ताब्यात वनरक्षक महेश मेटे यांनी वनकर्मचारी पाठवून केली मदत; बालाघाट परिसरातील वन्यजीवांच्या पाण्याचा प्रश्न ऐरणीवर लिंबागणेश : (दि.२६) बीड तालुक्यातील बालाघाट परिसरातील मुळुकवाडी शिवारात कुत्र्यांच्या हल्ल्यात जखमी झालेल्या एका पाडसाला जीवदान देण्यात यश आले. शेतकरी अंगद लक्ष्मण ढास यांनी जखमी अवस्थेत आढळलेल्या पाडसाला पाणी पाजून घरी आणले. त्यानंतर सामाजिक कार्यकर्ते डॉ. गणेश ढवळे लिंबागणेशकर यांनी वनविभागाशी संपर्क साधून पाडसाला मदत मिळवून दिली. मुळुकवाडी शिवारातील अंगद लक्ष्मण ढास यांच्या मागिरा शिवारातील शेतात दि. २५ ऑक्टोबर रोजी सायंकाळी कुत्र्यांच्या हल्ल्यात जखमी झालेले पाडस आढळून आले. पाडसाच्या डोक्याला जखमा झाल्याचे दिसून आले. ढास यांनी त्याला पाणी पाजून घरी आणत त्याची काळजी घेतली. दि. २६ ऑक्टोबर रोजी सकाळी त्यांनी सामाजिक कार्यकर्ते डॉ. गणेश ढवळे यांना दूरध्वनीवरून या घटनेची माहिती दिली. त्यानंतर डॉ. ढवळे यांनी घटनास्थळी भेट देऊन जखमी पाडसाची पा...

बोरफडीच्या शाळा इमारतीसाठी डॉ. अरुण घुगे दाम्पत्याकडून १० हजार विटांचे योगदान सरपंच कैलास घुगे यांच्या संकल्पनेतून लोकसहभागातून शाळा उभारणी; डॉ. अरुण घुगे आणि डॉ. जयश्री घुगे यांचा शैक्षणिक कार्याला हातभार बीड प्रतिनिधी :-  ग्रामीण भागातील विद्यार्थ्यांना दर्जेदार शैक्षणिक सुविधा उपलब्ध व्हाव्यात आणि त्यांना शिक्षणासाठी पोषक वातावरण मिळावे, या उद्देशाने सरपंच कैलास घुगे यांच्या संकल्पनेतून मौजे बोरफडी येथील जिल्हा परिषद प्राथमिक शाळेच्या नवीन वर्गखोल्यांची उभारणी लोकसहभागातून करण्यात येत आहे. या उपक्रमासाठी गावचे भूमिपुत्र तथा वैद्यकीय अधिकारी डॉ. अरुण घुगे आणि डॉ. जयश्री अरुण घुगे यांनी एकत्रितपणे १० हजार विटांचे योगदान दिले आहे. त्यांच्या या सहकार्यामुळे शाळेच्या बांधकामाला मोलाचा हातभार लागला असून ग्रामस्थ आणि शिक्षणप्रेमींकडून त्यांच्या दातृत्वाचे कौतुक होत आहे. शाळा ही केवळ चार भिंतींची इमारत नसते, तर ती विद्यार्थ्यांच्या स्वप्नांना आकार देणारे आणि त्यांच्या उज्ज्वल भविष्याचा पाया घडविणारे ज्ञानमंदिर असते. ग्रामीण भागातील विद्यार्थ्यांना चांगल्या शैक्षणिक सुविधा मि...

बीडमध्ये व्हीएसपी प्रीमियर लीगचा खेळाडू लिलाव उत्साहात बिलाल मेंबर प्रस्तुत व्हीएसपी प्रीमियर लीग; हॉटेल नीलकमल येथे मान्यवरांची उपस्थिती बीड : बिलाल मेंबर प्रस्तुत व्हीएसपी प्रीमियर लीग क्रिकेट स्पर्धेच्या खेळाडूंचा लिलाव रविवारी हॉटेल नीलकमल येथे उत्साहात पार पडला. या स्पर्धेसाठी जवळपास १०० ते १२० खेळाडूंनी नोंदणी केली होती. लिलाव प्रक्रियेनंतर आठही संघमालकांनी आपल्या संघांची बांधणी पूर्ण केली. या स्पर्धेत नवले वॉरियर्स, व्ही आर रॉयल्स, माही सुपर किंग्स, वायबीके टायगर्स, एसकेपी, केएस कन्स्ट्रक्शन, वुडलँड सीसी आणि फ्रेंड्स क्रिकेट क्लब या आठ संघांचा समावेश आहे. खेळाडूंच्या लिलावामुळे स्पर्धेतील क्रिकेटचा उत्साह वाढला असून, आता प्रत्यक्ष सामन्यांमध्ये कोणता संघ बाजी मारणार, याकडे क्रिकेटप्रेमींचे लक्ष लागले आहे. या कार्यक्रमाला गेवराई विधानसभा मतदारसंघाचे आमदार विजयराजे पंडित, दैनिक सिटीझनचे संपादक, नगराध्यक्ष प्रतिनिधी शेख मुजीब भाई, नगरसेवक दिनेश मुंदडा, ज्येष्ठ नगरसेवक जैतुल्ला खान, वकील सर यांच्यासह विविध क्षेत्रांतील मान्यवर उपस्थित होते. यावेळी उपस्थित मान्यवरांनी स्...

दत्तात्रय फाउंडेशनतर्फे जिव्हाळा बेघर निवारा केंद्राला जीवनावश्यक वस्तूंची मदत सामाजिक बांधिलकी जपत दत्तात्रय फाउंडेशनने घडविले माणुसकीचे दर्शन बीड (प्रतिनिधी ) :-समाजातील अनाथ मुले, वृद्धाश्रम तसेच गरजू आणि बेघर व्यक्तींना मदतीचा हात देण्याच्या उद्देशाने कार्यरत असलेल्या दौलतनगर, सन सिटी रोड, सिंहगड रोड, पुणे येथील दत्तात्रय फाउंडेशनने सामाजिक बांधिलकी जपत माणुसकीचे दर्शन घडविले. दिनांक २४ ऑक्टोबर २०२६ रोजी दत्तात्रय फाउंडेशनच्या वतीने गायत्री जवळगीकर, वीणा सातपुते, राधिका कुलकर्णी, शर्मिला जोशी, यशश्री हूद्दार, सुनिता सोनवणे, समीर सातपुते, सदाशिव मल्लाप्पा तुकानावर यांच्या पुढाकाराने बीड शहरातील जिव्हाळा बेघर निवारा केंद्राचे संस्थापक अभिजीत वैद्य आणि राजू वंजारे यांना सुमारे १२ हजार रुपये किमतीचा किराणा माल तसेच वाहनातील डिझेलसाठी २ हजार रुपये रोख मदत देण्यात आली. या मदतीमुळे बेघर निवारा केंद्रातील गरजू व्यक्तींसाठी मोलाचा हातभार लागला आहे. दत्तात्रय फाउंडेशन पुणे यांच्या माध्यमातून शहरातील महिला एकत्र येऊन अनाथाश्रम, वृद्धाश्रम आणि समाजातील गरजू घटकांसाठी किराणा माल व द...

लाखो झाडे लावण्याचे सोंग करणारे सरकार अदानींच्या प्रकल्पांसाठी किती जंगले उद्ध्वस्त करणार?डॉ जितीन वंजारे भीमाशंकर जंगल परिसरातील जंगलतोड तात्काळ थांबवा! पर्यावरणप्रेमी, पशुपक्षीप्रेमी आणि निसर्गप्रेमींनी एकत्र येण्याचे डॉ. जितीनदादा वंजारे खालापुरीकर यांचे आवाहन वृक्षतोडीविरोधात जनआंदोलन उभारण्याची गरज; विकासाच्या नावाखाली निसर्गाचा विनाश कदापि सहन करणार नाही! डॉ जितीन वंजारे बीड प्रतिनिधी : लाखो झाडे लावण्याच्या घोषणा करणारे सरकार उद्योगपतींच्या प्रकल्पांसाठी नैसर्गिक जंगलांचा बळी देत असेल, तर हा कोणता विकास, असा सवाल सामाजिक कार्यकर्ते तथा निसर्गप्रेमी डॉ. जितीनदादा वंजारे खालापुरीकर यांनी केला आहे. जंगलसंपत्ती, जैवविविधता आणि आदिवासींचे नैसर्गिक हक्क धोक्यात आणणाऱ्या प्रकल्पांविरोधात जनतेने संघटितपणे आवाज उठवावा, असे आवाहन त्यांनी केले.भीमाशंकर जंगल परिसरातील जंगलतोडीच्या तक्रारींची तातडीने चौकशी करावी, वस्तुस्थिती जनतेसमोर मांडावी, पर्यावरणीय परिणामांचा स्वतंत्र अभ्यास करावा आणि संबंधित प्रकल्पांच्या वन व पर्यावरणीय परवानग्यांची निष्पक्ष तपासणी करावी, अशी मागणी त्यांन...

लिंबागणेशमध्ये ‘श्री तुळजाभवानी केसरी’ बैलगाडी शर्यतीचा थरार!  ग्रामीण संस्कृतीचा वारसा जपण्याचा प्रयत्न; ३५० बैलगाड्यांचा सहभाग, प्रथम क्रमांकासाठी ५१ हजारांचे बक्षीस श्री भालचंद्र प्रतिष्ठान व ग्रामस्थांच्या वतीने आयोजन; बीडसह सहा जिल्ह्यांतील बैलगाडी मालकांचा सहभाग — डॉ. गणेश ढवळे लिंबागणेश : (दि. २४ )बीड तालुक्यातील श्रीक्षेत्र लिंबागणेश येथे शनिवारी ‘श्री तुळजाभवानी केसरी लिंबागणेश २०२६’ या भव्य बैलगाडी शर्यतीचा उत्साहात प्रारंभ झाला. श्री भालचंद्र गणरायाच्या पावन भूमीत आयोजित या स्पर्धेत तब्बल ३५० बैलगाडी मालकांनी सहभाग नोंदवला. बीडसह छत्रपती संभाजीनगर, जालना, नांदेड, बुलढाणा आणि अहिल्यानगर जिल्ह्यांतील बैलगाडी मालकांनी उपस्थिती लावल्याने स्पर्धेला व्यापक स्वरूप प्राप्त झाले. श्री भालचंद्र प्रतिष्ठान, लिंबागणेश व समस्त ग्रामस्थ-मित्र परिवाराच्या वतीने या स्पर्धेचे आयोजन करण्यात आले. शनिवारी सकाळी ९ वाजता माजी पंचायत समिती सदस्य राजेभाऊ गिरे, सरपंच बालासाहेब जाधव, ॲड. गणेश वाणी, सुरेश ढवळे, दादा गायकवाड , नाना वाणी,अक्षय आबदार, मंगेश जाधव, अभिजित गायकवाड, संजय पावल...

जरांगे पाटील आणि उपमुख्यमंत्री एकनाथ शिंदे यांच्याविरोधात षड्यंत्र रचणाऱ्यांची चौकशी करा!  लिंबागणेश येथे मराठा सेवकांची निदर्शने; ऑडिओ क्लिपमधील दाव्यांची सखोल चौकशी करून दोषींवर कारवाई करा :- डॉ. गणेश ढवळे  लिंबागणेश : (दि.२३ )मराठा आरक्षण आंदोलनाला बदनाम करून मराठा समाजात फूट पाडण्याचा प्रयत्न होत असल्याच्या निषेधार्थ मराठा सेवक डॉ.गणेश ढवळे यांच्या नेतृत्वाखाली बीड तालुक्यातील लिंबागणेश येथील छत्रपती शिवाजी महाराज चौकात आज दि.२३ शुक्रवार रोजी सकाळी मराठा सेवकांच्या वतीने निदर्शने करण्यात आली. मराठा आरक्षण आंदोलनाचे नेते मनोज जरांगे पाटील, उपमुख्यमंत्री एकनाथ शिंदे आणि खासदार श्रीकांत शिंदे यांच्या नावांचा वापर करून आंदोलनाबाबत संभ्रम निर्माण करण्याचा प्रयत्न होत असल्याचा आरोप आंदोलकांनी केला. या प्रकरणाची सखोल चौकशी करून दोषींवर कठोर कारवाई करावी, अशी मागणी मराठा सेवक डॉ. गणेश ढवळे लिंबागणेशकर यांनी केली. मनोज जरांगे पाटील यांनी प्रसारमाध्यमांसमोर ऑडिओ क्लिपचा संदर्भ देत मराठा आरक्षण आंदोलनाला बदनाम करण्यासाठी काही व्यक्तींना हाताशी धरून आर्थिक पाठबळ, मोर्चे आ...

जिरेवाडीच्या तुळजाभवानी मंदिरात ऐन नवरात्रीत अंधार   ​ बीड तालुक्यातील जिरेवाडी येथील प्रसिद्ध श्री तुळजाभवानी व आंबा देवी मंदिराचा वीजपुरवठा गेल्या अनेक दिवसांपासून खंडित करण्यात आला आहे. ऐन नवरात्रोत्सवाच्या काळातच मंदिरात अंधार पसरल्याने दर्शनासाठी येणाऱ्या हजारो भाविकांना नाहक त्रासाला सामोरे जावे लागले असून परिसरात तीव्र संताप व्यक्त केला जात आहे. ​ ​मिळालेल्या माहितीनुसार, सदर मंदिराच्या जागेचा वाद सध्या न्यायालयात प्रलंबित आहे. कोर्टात प्रकरण सुरू असतानाच महावितरण व प्रशासनाने ऐन नवरात्रीच्या काळात मंदिराची वीज कापल्याचा आरोप मंदिर व्यवस्थापनाने केला आहे. याबाबत ७ आणि ८ तारखेला महावितरणकडे तक्रार अर्ज देऊनही वीजपुरवठा पूर्ववत करण्यात आलेला नाही. ​ ​संपूर्ण नवरात्रोत्सव अंधारातच पार पडल्याने भाविकांना अंधारातच देवीच्या दर्शनाची कसरत करावी लागली. रात्रीच्या वेळी मंदिर परिसरात अंधार असल्यामुळे साप, विंचू व इतर सरपटणारे प्राणी निघण्याचा मोठा धोका निर्माण झाला आहे ऐन सणासुदीच्या दिवसांत भाविकांची होणारी गैरसोय पाहता प्रशासनाने या प्रकरणात तात्काळ मध्यस्थी करून मंदिराच...

ढेकणमोहा परिसरात भीषण पाणीटंचाई टँकर सुरू करण्याची मागणी गटविकास अधिकारी व तहसीलदारांना निवेदन; नागरिकांसह जनावरांच्या पिण्याच्या पाण्याचा प्रश्न गंभीर ढेकणमोहा (प्रतिनिधी ) बीड जिल्ह्यात यंदा पावसाने पाठ फिरवल्याने अनेक गावांमध्ये पाणीटंचाईची तीव्रता वाढली आहे. बीड तालुक्यातील ढेकणमोहा गावासह परिसरातील विविध वस्त्यांमध्ये पिण्याच्या पाण्याचा गंभीर प्रश्न निर्माण झाला असून, नागरिकांना पाण्यासाठी मोठी भटकंती करावी लागत आहे. त्यामुळे ढेकणमोहा परिसरात तातडीने टँकरद्वारे पाणीपुरवठा सुरू करावा, अशी मागणी मातोश्री रमाबाई आंबेडकर सेवाभावी संस्थेच्या वतीने करण्यात आली आहे. ढेकणमोहा गावातील तसेच गावालगतच्या दलित वस्ती, वामन नगर वस्ती, थापडे वस्ती, ब्राह्मणाथ वस्ती, देवकते वस्ती आणि रमाई नगर परिसरात पिण्याच्या पाण्याची उपलब्धता अपुरी पडत आहे. काही वस्त्यांमध्ये नियमित पाणीपुरवठ्याची व्यवस्था नसल्याने महिला, ज्येष्ठ नागरिक तसेच इतर ग्रामस्थांना पिण्याचे पाणी मिळविण्यासाठी दूरवर जावे लागत आहे. पाण्याची टंचाई केवळ नागरिकांपुरती मर्यादित नसून जनावरांच्या पिण्याच्या पाण्याचाही प्रश्न गंभ...

प्रवास चोरी करणारी महिला पोलिसांच्या तावडीत; अडीच लाखांचा मुद्देमाल हस्तगत ​स्थानिक गुन्हे शाखा, बीड यांची धडक कारवाई ​बीड (प्रतिनिधी ): प्रवासादरम्यान प्रवाशांचे दागिने व रोकड लांबवणाऱ्या एका महिला आरोपीला जेरबंद करण्यात स्थानिक गुन्हे शाखा (LCB), बीड यांच्या पथकाला यश आले आहे. पोलिसांनी या महिलेकडून १७ ग्रॅम वजनाचे सोन्याचे दागिने आणि रोख रक्कम असा एकूण अडीच लाख रुपयांचा मुद्देमाल हस्तगत केला आहे. ​ ​मिळालेल्या माहितीनुसार, शिवाजीनगर पोलीस ठाणे येथे नोंद असलेल्या गुन्हा रजिस्टर क्रमांक ३३६/२०२६ (कलम ३०३(२) भारतीय न्याय संहिता - BNS) चा समांतर तपास स्थानिक गुन्हे शाखेकडून सुरू होता. तपास सुरू असताना, या गुन्ह्यातील चोरी केलेले सोन्याचे दागिने विक्री करण्यासाठी एक महिला बीड शहरातील गोरे वस्ती परिसरात येणार असल्याची गोपनीय माहिती पोलीस पथकाला मिळाली. ​माहिती मिळताच पोलिसांच्या पथकाने गोरे वस्ती परिसरात तात्काळ जाऊन संशयित महिलेस ताब्यात घेतले. तिची सखोल चौकशी केली असता, तिने सदर चोरीच्या गुन्ह्यात सहभाग असल्याची कबुली दिली. तिच्या ताब्यातून पोलिसांनी १७ ग्रॅम सोन्याचे दागिने...

आ. सतीश चव्हाण यांना प्रचंड मताधिक्याने विजयी करा – जिल्हाध्यक्ष शरदराव मगर बीड जिल्हा मुप्टा शिक्षक संघटनेची प्रचारात आघाडी; पदवीधर मतदारांना मतदानाचे आवाहन बीड (प्रतिनिधी ) : औरंगाबाद विभाग पदवीधर मतदारसंघाची निवडणूक २३ ऑक्टोबर २०२६ रोजी होणार आहे. या निवडणुकीत आमदार सतीश चव्हाण यांना प्रचंड मताधिक्याने विजयी करावे, असे आवाहन मुप्टा शिक्षक संघटनेचे बीड जिल्हाध्यक्ष शरदराव मगर यांनी केले आहे. आमदार सतीश चव्हाण यांनी गेल्या अठरा वर्षांपासून औरंगाबाद विभाग पदवीधर मतदारसंघाचे प्रतिनिधित्व केले असून, पदवीधरांचे विविध प्रश्न तसेच मराठवाड्यातील शिक्षक आणि प्राध्यापकांच्या प्रश्नांसाठी त्यांनी काम केले असल्याचे शरदराव मगर यांनी सांगितले. मराठवाड्यातील आठ जिल्ह्यांमध्ये आणि ७६ तालुक्यांमध्ये मुप्टा शिक्षक संघटनेचा जनसंपर्क असून, पदवीधर मतदार नोंदणीमध्ये संघटनेने महत्त्वपूर्ण भूमिका बजावली आहे. बीड जिल्ह्यात संघटनेच्या माध्यमातून एक हजारांहून अधिक पदवीधर मतदारांची नोंदणी झाल्याचेही त्यांनी नमूद केले. संघटनेचे संस्थापक सचिव प्रा. सुनील मगरे यांच्या नेतृत्वाखाली मुप्टा शिक्षक संघटना ...

महावितरणच्या आडमुठ्या भूमिकेमुळे चऱ्हाटा प्राथमिक आरोग्य केंद्राचा सौरऊर्जा प्रकल्प रखडला! जिल्हा आरोग्य अधिकारी डॉ. उल्हास गंडाळ यांच्या लेखी आश्वासनानंतर रास्ता रोको आंदोलन स्थगित; आठवडाभरात प्रश्न सोडविण्याचे आश्वासन बीड : (दि. २०) बीड तालुक्यातील चऱ्हाटा येथील प्राथमिक आरोग्य केंद्राला वीजजोडणी नसतानाही तब्बल एक लाख रुपयांचे वीजबिल आकारण्यात आल्याचा गंभीर प्रकार समोर आला आहे. संबंधित वैद्यकीय अधिकाऱ्यांनी महावितरणच्या अधिकाऱ्यांशी पत्रव्यवहार करूनही वीजबिलात दुरुस्ती करण्यात आलेली नाही. थकीत वीजबिल भरल्यानंतरच सौरऊर्जा प्रकल्प सुरू करण्याच्या भूमिकेमुळे हा प्रकल्प रखडल्याचा आरोप करण्यात आला आहे. या प्रकरणी आरोग्य केंद्रातील सौरऊर्जा प्रकल्प तातडीने कार्यान्वित करावा आणि अवाजवी वीजबिल आकारण्यास जबाबदार असलेल्या महावितरणच्या अधिकाऱ्यांवर कारवाई करावी, या मागणीसाठी २१ ऑक्टोबर रोजी आयोजित करण्यात आलेले रास्ता रोको आंदोलन जिल्हा आरोग्य अधिकारी डॉ. उल्हास गंडाळ यांच्या लेखी आश्वासनानंतर स्थगित करण्यात आले आहे. चऱ्हाटा येथील सामाजिक कार्यकर्ते तथा माहिती अधिकार कार्यकर्ते शेख ...

मुख्यमंत्री साहेब, ५ हजारांची भीक नको; शेतकऱ्यांना हक्काचे ५० हजार द्या!  शेतकरी हक्क मोर्चाचे जिल्हाधिकारी कार्यालयासमोर ‘भीक मागो’ आंदोलन; राजेंद्र आमटे यांचा सरकारला सवाल बीड (प्रतिनिधी ) : दुष्काळामुळे शेतकऱ्यांच्या हातातोंडाशी आलेला घास हिरावला गेला असून, सोयाबीन आणि कापूस ही प्रमुख पिके हातची गेली आहेत. पेरणीपासून ते काढणीपर्यंत केलेला खर्च मातीत गेल्याने शेतकरी आर्थिक संकटात सापडले आहेत. अशा परिस्थितीत दसरा-दिवाळीसारखे सण तोंडावर आले असताना सरकारकडून भरीव आर्थिक मदतीची अपेक्षा असलेल्या शेतकऱ्यांना केवळ पाच हजार रुपयांची मदत जाहीर करण्यात आल्याने शेतकरी हक्क मोर्चाने संताप व्यक्त केला आहे. ‘मुख्यमंत्री साहेब, पाच हजारांची भीक नको; शेतकऱ्यांना हक्काचे ५० हजार रुपये द्या,’अशी मागणी शेतकरी हक्क मोर्चाचे राजेंद्र आमटे यांनी केली. शेतकऱ्यांच्या आर्थिक परिस्थितीचे गांभीर्य लक्षात घेऊन दिवाळीपूर्वी भरीव नुकसानभरपाई देण्याऐवजी पाच हजार रुपयांची मदत जाहीर करून सरकारने शेतकऱ्यांची थट्टा केल्याचा आरोप करत शेतकरी हक्क मोर्चाच्या वतीने बीड येथील जिल्हाधिकारी कार्यालय परिसरात ‘...