विराट जाहीर सभेला मोठ्या संख्येने उपस्थित राहा – नागेश शिंदे, सतीश शिनगारे केंद्रीय मंत्री रामदास आठवले यांची प्रमुख उपस्थिती  बीड (प्रतिनिधी ) रिपब्लिकन पार्टी ऑफ इंडिया (A) जिल्हा बीडच्या वतीने शुक्रवार, दि. १६ ऑक्टोबर २०२६ रोजी दुपारी ४ वाजता बीड शहरातील छत्रपती संभाजी महाराज क्रीडांगण, छत्रपती शिवाजी महाराज चौक येथे विराट जाहीर सभेचे आयोजन करण्यात आले आहे. या सभेला केंद्रीय मंत्री तथा रिपब्लिकन पार्टी ऑफ इंडियाचे राष्ट्रीय अध्यक्ष मा. ना. रामदासजी आठवले साहेब यांचे प्रमुख मार्गदर्शन लाभणार आहे. पपुजी कागदे, किसना तांगडे यांची उपस्थिती असणार आहे. या विराट जाहीर सभेच्या माध्यमातून शेतकरी, शेतमजूर, कामगार, विद्यार्थी, महिला तसेच वंचित आणि उपेक्षित घटकांच्या विविध प्रश्नांकडे शासनाचे लक्ष वेधण्यात येणार आहे. त्यामुळे बीड तालुक्यातील नाळवंडी सर्कल आणि पिंपळनेर सर्कल मधील नागरिक, पदाधिकारी, कार्यकर्ते आणि सर्व समाजबांधवांनी मोठ्या संख्येने उपस्थित राहावे, असे आवाहन नागेश शिंदे व सतीश शिनगारे यांनी केले आहे. सभेत दुष्काळजन्य परिस्थितीचा सामना करण्यासाठी शेतकऱ्यांना प्रति ह...

केंद्रीय मंत्री रामदास आठवले यांच्या सभेला हजारोंच्या संख्येने उपस्थित राहा: विलास जोगदंड यांचे बीडकरांना आवाहन १६ ऑक्टोबर रोजी बीडमध्ये विराट जाहीर सभा बीड, दि. ११ (प्रतिनिधी ) : केंद्रीय सामाजिक न्याय राज्यमंत्री रामदास आठवले यांच्या प्रमुख उपस्थितीत शुक्रवार, दि. १६ ऑक्टोबर २०२६ रोजी बीड शहरात विराट जाहीर सभेचे आयोजन करण्यात आले आहे. युवा रिपाइं प्रदेशाध्यक्ष तथा रिपाइंचे बीड जिल्हाध्यक्ष पप्पू कागदे यांच्या नेतृत्वाखाली छत्रपती संभाजी महाराज क्रीडांगण, छत्रपती शिवाजी महाराज चौक, बीड येथे दुपारी ठीक ४ वाजता ही सभा होणार आहे. या सभेला रिपाइंचे पदाधिकारी, कार्यकर्ते, महिला, गायरानधारक, विद्यार्थी, शेतकरी व शेतमजूर यांनी हजारोंच्या संख्येने उपस्थित राहून सभा यशस्वी करावी, असे आवाहन रिपाइंचे बीड जिल्हा सचिव विलास जोगदंड यांनी केले आहे. राज्यासह मराठवाडा आणि बीड जिल्ह्यात पावसाने दडी मारल्यामुळे शेतीचे मोठे नुकसान झाले असून, शेतकऱ्यांसमोर आर्थिक संकट उभे राहिले आहे. दुष्काळसदृश परिस्थितीमुळे जनावरांच्या चाऱ्याचा, पिण्याच्या पाण्याचा तसेच शेतमजूर व मोलमजुरी करून उदरनिर्वाह करण...

वैदेही ॲग्रोसह संबंधित संस्थांची चौकशी करा.  पशुपालकांचे पैसे परत द्या; वैदेही ॲग्रो प्रकरणी नितीन सोनवणे आक्रमक. बीड, प्रतिनिधी : मुख्यमंत्री ग्रामीण पशुधन उद्योजकता योजनेचा लाभ मिळवून देण्याच्या नावाखाली पशुपालक व मेंढपाळांकडून पैसे घेतल्याच्या प्रकरणाची सखोल चौकशी करून संबंधितांची रक्कम परत मिळवून द्यावी, अशी मागणी ऑल इंडिया पॅंथर सेनेने केली आहे. वैदेही ॲग्रो फार्मिंग प्रकरणातील संबंधितांची भूमिका तपासून दोषींवर कठोर कायदेशीर कारवाई करावी, तसेच बीड जिल्ह्यातील संबंधित ॲग्रो संस्थांचीही चौकशी करावी, अशी मागणी संघटनेचे महाराष्ट्र प्रवक्ता तथा बीड जिल्हाध्यक्ष नितीन सोनवणे यांनी जिल्हाधिकाऱ्यांना दिलेल्या निवेदनातून केली आहे. बीड जिल्ह्यात दुष्काळसदृश परिस्थितीमुळे शेतकरी, पशुपालक आणि मेंढपाळ आर्थिक संकटाचा सामना करीत आहेत. जनावरांसाठी चारा-पाणी उपलब्ध करणे आणि पशुधनाचे संगोपन करणे कठीण झाले असताना, शासकीय योजनेचा लाभ मिळवून देण्याच्या नावाखाली आर्थिक फसवणूक झाल्याचे आरोप समोर आल्याने या प्रकरणाची गांभीर्याने चौकशी करण्याची मागणी करण्यात आली आहे. प्रसिद्ध वृत्तानुसार,...

 हंगामी स्थलांतरित ऊसतोड मजुरांच्या बालकांचे शैक्षणिक नुकसान टाळण्यासाठी बीड जिल्हा प्रशासनाने तातडीने उपाययोजना कराव्यात अवनि संस्था गेल्या ३४ वर्षांपासून कोल्हापूर, सांगली, सातारा तसेच मराठवाड्यातील बीड, धाराशिव, लातूर आणि छत्रपती संभाजीनगर या जिल्ह्यांमध्ये हंगामी स्थलांतरित ऊसतोड मजुरांच्या बालकांच्या शिक्षणासाठी आणि सर्वांगीण विकासासाठी कार्यरत आहे. गेल्या तीन वर्षांपासून अवनि संस्था, जागर प्रतिष्ठान, बीड आणि छत्रपती शाहू प्रतिष्ठान, बीड यांच्या संयुक्त विद्यमाने बीड जिल्ह्यातून कोल्हापूर, सांगली व सातारा जिल्ह्यांमध्ये स्थलांतरित होणाऱ्या बालकांच्या शैक्षणिक प्रश्नांवर काम केले जात आहे. या अनुषंगाने संबंधित प्रशासनासोबत समन्वय साधून स्थलांतरित बालकांना शिक्षणाच्या प्रवाहात टिकवून ठेवण्यासाठी प्रयत्न केले जात आहेत. मानवी हक्क आयोगाने दाखल केलेल्या सुमोटो प्रकरणामुळे मागील दोन वर्षांपासून बीड जिल्हा प्रशासनामार्फत प्रत्येक तालुक्यात दोन याप्रमाणे संत भगवान बाबा वसतिगृहे सुरू करण्यात आली आहेत. या वसतिगृहांच्या माध्यमातून अनेक स्थलांतरित ऊसतोड कामगारांच्या बालकांना शि...

बीड नगर परिषदेत आरटीआयला विलंब; तत्कालीन जनमाहिती अधिकाऱ्याला ५ हजारांचा दंड! राज्य माहिती आयोगाच्या आदेशानंतर दंडवसुलीचे निर्देश; माहिती अधिकार कार्यकर्ता महासंघाचे शेख मुबीन शेख मोईन यांचा पाठपुरावा बीड : (दि.१४ )माहितीचा अधिकार अधिनियम, २००५ अंतर्गत मागविलेली माहिती विहित मुदतीत उपलब्ध करून न दिल्याप्रकरणी राज्य माहिती आयोगाच्या छत्रपती संभाजीनगर खंडपीठाने बीड नगर परिषदेच्या तत्कालीन जनमाहिती अधिकाऱ्याला ५ हजार रुपयांचा दंड ठोठावला आहे. या दंडाची रक्कम संबंधित अधिकाऱ्याच्या वेतनातून वसूल करून शासनाच्या खात्यात जमा करण्याची कार्यवाही करण्याचे निर्देश बीड नगर परिषद प्रशासनाने दिल्याची माहिती समोर आली आहे. माहिती अधिकार कार्यकर्ता महासंघाचे शेख मुबीन शेख मोईन यांनी या प्रकरणाचा पाठपुरावा केला आहे. बीड नगर परिषदेच्या प्रथम अपिलीय अधिकारी तथा मुख्याधिकाऱ्यांनी संबंधित विभागाला दंडवसुलीबाबत आवश्यक कार्यवाही करण्याच्या सूचना दिल्या आहेत.   द्वितीय अपिलानंतर आयोगाचा दंडात्मक आदेश उपलब्ध कागदपत्रांनुसार, हे प्रकरण माहितीचा अधिकार अधिनियमाच्या कलम १९(३) अंतर्गत दाखल करण्यात आ...

एसटीच्या बीड विभागातील कर्मचाऱ्यांच्या सेवाज्येष्ठता यादीत घोळ परिपत्रकांचा अर्थ समजत नसेल तर पगार कशाचा घेता? श्रीरंग बरगे यांचा स्थानिक अधिकाऱ्यांना सवाल बीड प्रतिनिधी : एसटी महामंडळाच्या बीड विभागात कर्मचाऱ्यांच्या सेवाज्येष्ठता सूचित महामंडळाने वेळोवेळी प्रसिद्ध केलेल्या परिपत्रकांचा चुकीचा अर्थ लाऊन ज्येष्ठतायादी तयार केली आली असून परिपत्रकांचा नीट अर्थ समजत नसेल तर प्रशासनातील स्थानिक अधिकारी पगार कशाचा घेत आहेत ?असा सवाल महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी स्थानिक पातळीवरील प्रशासनाला केला आहे. बरगे हे आज बीड जिल्ह्यात आले असून त्यांनी आज एसटीच्या विभागीय कार्यालयाला भेट दिली. व कर्मचाऱ्यांच्या समस्या ऐकून घेतल्या. यावेळी संघटनेचे उपाध्यक्ष वसंत बोराडे, प्रादेशिक सचिव बालाजी ढेपे, बीड विभागाचे विभागीय अध्यक्ष अशोक महानोर, कार्याध्यक्ष शेशेराव नागरगोजे, विभागीय सचिव ईश्वर माळवाले, कोषाध्यक्ष भगवान गर्जे, श्रीकृष्ण येवले, राजकुमार आंधळे, बालकृष्ण पेंटुळे, उल्हास भड, संभाजी घाडगे, आदी पदाधिकारी उपस्थित होते. एसटीत अधिकारी व कर्मचाऱ्यांना से...

वंचित बहुजन आघाडीतर्फे बीडमध्ये जिल्हा कार्यकारिणी मुलाखत कार्यक्रमाचे आयोजन ​बीड (विशेष प्रतिनिधी ):वंचित बहुजन आघाडी बीड जिल्ह्याच्या वतीने पक्ष संघटन बळकटीकरणाच्या दृष्टीने पूर्व-पश्चिम जिल्हा कार्यकारिणी मुलाखत कार्यक्रमाचे आयोजन करण्यात आले आहे. हा कार्यक्रम आज, मंगळवार दिनांक १३ ऑक्टोबर २०२६ रोजी सकाळी १०:०० ते दुपारी ३:०० या वेळेत हॉटेल यशराज इन, जालनारोड, बीड येथे पार पडत आहे.   ​या कार्यक्रमाचे प्रमुख मार्गदर्शक म्हणून राज्य कार्यकारिणी सदस्य तथा बीड जिल्हा निरीक्षक अॅड. अरुण आबा जाधव उपस्थित राहून मार्गदर्शन करणार आहेत.   ​तसेच या कार्यक्रमास मा. प्रशांत इंगोले (राज्य कार्यकारिणी सदस्य), मा. ज्ञानेश्वर कवठेकर (राज्य कार्यकारिणी सदस्य) आणि मा. दीपक डोके (राज्य कार्यकारिणी सदस्य) यांची प्रमुख उपस्थिती लाभणार आहे.   ​बीड जिल्ह्यातील पक्षाचे संघटन अधिक मजबूत करण्यासाठी आणि आगामी वाटचालीच्या नियोजनासाठी या मुलाखत कार्यक्रमाचे आयोजन करण्यात आले असून, जिल्ह्यातील सर्व पदाधिकारी व कार्यकर्त्यांनी या कार्यक्रमास उपस्थित राहावे, असे आवाहन वंचित ...