पाटोदा येथील विठ्ठलनगरमध्ये 'भव्य महिला कीर्तन महोत्सव व देवी भागवत कथा' सोहळ्याचे आयोजन

पाटोदा येथील विठ्ठलनगरमध्ये 'भव्य महिला कीर्तन महोत्सव व देवी भागवत कथा' सोहळ्याचे आयोजन

​पाटोदा (प्रतिनिधी) :पाटोदा तालुक्यातील विठ्ठलनगर (भाकरे वस्ती) येथील श्री विठ्ठल रुक्मिणी संस्थानच्या वतीने अधिकमास तपपूर्ती सोहळ्यानिमित्त "भव्य दिव्य महिला कीर्तन महोत्सव व देवी भागवत कथा ज्ञानयज्ञ सोहळा" याचे अत्यंत उत्साहात आयोजन करण्यात आले आहे. हा सोहळा २४ मे २०२६ ते ३१ मे २०२६ या कालावधीत संपन्न होत आहे.

​ह.भ.प. सुखनिवासवासी गु.श्री. बँकठस्वामी महाराज यांच्या कृपाशीर्वादाने आणि सौ. सुनंदाताई सतिश म. उरणकर यांच्या संयोजनाखाली हा धार्मिक महोत्सव होत आहे. या सोहळ्याचे नेतृत्व ह.भ.प. संगीताताई सोळसकर करत आहेत.

​

​सप्ताहभरात दररोज पहाटे ४ ते ६ काकडा भजन, सकाळी ९ ते १० तुलसी अर्चन, १० ते १२ गाथा भजन, दुपारी १२ ते १ भोजन प्रसाद, दुपारी १ ते ४ या वेळेत सुप्रसिद्ध कथाप्रवक्त्या ह.भ.प. अंजलीताई दिघे (आळंदी) यांच्या सुश्राव्य वाणीतून 'देवी भागवत कथा' पार पडणार आहे. तसेच सायंकाळी ४.३० ते ६ हरिपाठ, ७ ते ९ भव्य कीर्तन, ९ ते १० भोजन प्रसाद आणि रात्री १० ते १२ संगीत भजन व हरिजागर असे अध्यात्मिक कार्यक्रम होणार आहेत.

​महाराष्ट्रातील नामवंत 

​या महोत्सवात दररोज रात्री ७ ते ९ या वेळेत राज्यातील ख्यातनाम महिला कीर्तनकारांची कीर्तन सेवा लाभणार आहे

​२४ मे (रविवार) : ह.भ.प. संगीताताई सोळसकर (जालनापूरकर)

​२५ मे (सोमवार) : ह.भ.प. प्रतिक्षाताई जाधव गिरमकर (धामणगाव शिर्डी)

​२६ मे (मंगळवार) : ह.भ.प. शिवांजलीताई जरांगे (मालेगाव)

​२७ मे (बुधवार) : ह.भ.प. योगिताताई हजारे (अहिल्यानगर)

​२८ मे (गुरुवार) : ह.भ.प. रेणुकाताई पाखरे (आष्टी)

​२९ मे (शुक्रवार) : ह.भ.प.सौ. माईसाहेब धर्मराज महाराज पा. (सामनगाव)

​३० मे (शनिवार) : ह.भ.प. रजनीताई जाधव (नाशिक)

​३१ मे (रविवार - सांगता) : सकाळी १० ते १२ या वेळेत प्रसिद्ध कथाकार ह.भ.प. कविताताई साबळे (शिर्डी) यांचे काल्याचे कीर्तन होईल.

​कै. जनाबाई विठ्ठलराव चव्हाण यांच्या स्मरणार्थ सौ. मिराताई सुदर्शन चव्हाण (वामनभाऊ ट्रेडर्स) यांच्या वतीने काल्याच्या महाप्रसादाचे (महापंगत) आयोजन करण्यात आले आहे.

​हा सोहळा यशस्वी करण्यासाठी पाटोदा व पाटोदा पंचक्रोशीतील महिला मंडळ आणि श्री विठ्ठल रुक्मिणी संस्थान विठ्ठलनगर पाटोदा येथील सर्व भाविक व विनीत परिश्रम घेत आहेत. या अपूर्व भक्तीरसाचा लाभ घेण्यासाठी परिसरातील सर्व भाविक भक्तांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.