'राम फटाले' यांच्या कुटुंबीयांना बीड शहर बचाव मंचाची सांत्वन भेट

'राम फटाले' यांच्या कुटुंबीयांना बीड शहर बचाव मंचाची सांत्वन भेट..

सावकारांना कठोर शासन व्हावे बीड शहर बचाव मंचाची कुटुंबीयांच्या वतीने मागणी..

बीड प्रतिनिधी - सावकारीच्या महाभयानक अत्याचारातून अनेक वर्ष होरपळून निघत असलेल्या सर्व फटाले कुटुंबीयांची बीड शहर बचाव मंचाने काल भेट घेऊन सांत्वन केले. यावेळी मयत झालेले राम फटाले यांचे मोठे चुलते बीड शहरांतुन अनेक वर्षांपासून प्रदीर्घ पत्रकारितेचे काम केलेले ज्येष्ठ पत्रकार द्वारकादास फटाले हेही आवर्जून उपस्थित होते. यावेळी गेल्या अनेक वर्षापासून पेठ,बीड टकारवाडा भागातील महाभयानक , क्रूरतेचा कळस असलेल्यां व महा अत्याचारी सावकार कुटुंबीयांच्या जाळ्यात कशा पद्धतीने अडकत गेलोत व त्यांनी अनेक वर्षांपासून कशा पद्धतीने शोषण केले, अनेक वेळेस राम फटाले यांना व्याजाच्या पैशापोटी दिवस दिवस घरात कोंडून ठेवून मारहाण करत राहिले हा सगळा घडलेला प्रकार त्यांचे वडील, चुलते व भाऊ यांनी सविस्तर सांगितला. 2021 -22 च्या लॉकडाऊन काळातही या क्रूर सावकाराला मुद्दल व्याजासह सह पैशाची परतफेड करूनही तारण ठेवलेले चेक, बॉण्ड्स इतर कागदपत्रे हा परत देत नव्हता व आज पर्यंत परत दिलेली नाहीत. सतत व्याजाच्या पैशासाठी राम फाटले यांच्या घरातील महिलांना शिवीगाळ करणे घाणेरड्या अर्वाच्च भाषेमध्ये क्रूरपणे नाही नाही त्या माणुसकीला काळीमा फासणाऱ्या धमक्या देणे , आपण इथे लिहू शकणार नाही असे शब्द वापरून सतत उत्पिडन चालू होते. गेल्या सात वर्षांपासून चाललेल्या ह्या अत्याचारीत जीवनाला कंटाळून राम फाटले यांनी आपली जीवन यात्रा आत्महत्या करून संपवली. यावेळी फटाले कुटुंबीयांना बीड शहर बचाव मंचाने आम्ही तुमच्या पाठीशी तुम्हाला न्याय मिळेल पर्यंत खंबीरपणे उभे आहोत,अशी भूमिका मांडली. बीड शहर बचाव मंचाचे कायदेशीर सल्लागार ॲड.अनिल बारगजे यांनी या कुटुंबीयांचे वकीलपत्र एक रुपया न घेता स्वखर्चाने स्वीकारले आहे. कुटुंबीयांना न्याय मिळेपर्यंत बीड शहर बचाव मंच त्यांच्यासोबत उभे आहे असे सर्व पदाधिकाऱ्यांनी सांगितले आहे. तरी पोलीस विभागाने याचा सखोल व योग्य पद्धतीने तपास करावा कुठल्याही मोठ्या नेत्यां पुढार्‍यांनी मताच्या राजकारणासाठी आजवर केल्याप्रमाणे आता याला पाठीशी घालू नये अशी मागणी फटाले कुटुंबीयांच्या वतीने यावेळी उपस्थित असलेले बीड शहर बचाव मंचाचे अध्यक्ष नितीन जायभाये,आम आदमी पार्टीचे जिल्हाध्यक्ष अशोक येडे, इंटक काँग्रेस पक्षाचे जिल्हाध्यक्ष रामधन जमाले, बचाव मंचचे मार्गदर्शक सुधीर देशमुख, संपादक बालाजी जगतकर आदी उपस्थित पदाधिकाऱ्यांनी केली आहे.