गोलंग्री येथील शेतकऱ्याची २ एक्कर गोळा केलेली सोयाबीन जाळली ,लाख रूपयांचे नुकसान

बीड:- ( दि.१ ) बीड तालुक्यातील मौजे गोलंग्री येथील शेतकरी बाजीराव परमेश्वर भोईटे यांची त्यांच्या रानुबाई रोड,पीर शिवारातील २ एक्करमधील काढून गोळा केलेली सोयाबीन रात्री अज्ञात ईसमांनी पेटवुन दिली.त्यामुळे त्यांचे अंदाजे लाख रुपयांचे नुकसान झाले असल्याचे सांगितले. मध्यरात्री शेता शेजारील कुक्कुटपालन करणा-या जाधव बंधुनी भोईटे यांच्या शेतातील जाळ पाहिल्यावर मध्यरात्री साडे बारा वाजता त्यांना फोन केला होता.परंतु त्यांच्याशी संपर्क होऊ शकला नाही.सकाळी ही घटना कळल्यावर बाजीराव व कविता दांपत्य शेतात पोहोचले. २ एक्कर सोयाबीनची जळुन राख झाली होती. तलाठी व पोलीस प्रशासन यांना गावचे सरपंच श्रीकांत कवडे यांनी फोनवरून कल्पना दिली आहे.साडे ९ वाजेपर्यंत महसूलचे अधिकारी पंचनामा करण्यासाठी येणाऱ असल्याचे कळते.