वीरभद्र मंदिराच्या जिर्णोद्धारासाठी पाच कोटी मंजूर

      मुखेड शहराचे ग्रामदैवत वीरदेवता वीरभद्रस्वामी या मंदिराच्या जीर्णोद्धारासाठी राज्य शासनाच्या पर्यटन विभागाकडून पाच कोटी रुपये मंजूर झाले आहेत. मुखेड शहरात विरदेवता वीरभद्रस्वामी यांचे प्राचीन मंदिर आहे. हे मंदिर या शहराचे ग्रामदैवत आहे. महाराष्ट्र, कर्नाटक व तेलंगणा या राज्यातून मोठ्या प्रमाणात भाविक येथे दर्शनासाठी येतात

        हे प्राचीन मंदिर मागील अनेक वर्षापासून नादुरुस्त आहे. या मंदिराचा जीर्णोद्धार झाला पाहिजे अशी मुखेड शहरातील भाविक भक्तांची जुनी मागणी आहे. आमदार डॉक्टर तुषार राठोड हे सुद्धा या मंदिराच्या जीर्णोद्धारासाठी प्रयत्नशील होते.

             राज्यामध्ये सत्तांतर झाल्यानंतर माननीय नामदार मंगलप्रभात लोढा हे पर्यटन विभागाचे मंत्री झाले. आमदार डॉक्टर तुषार राठोड यांनी माननीय मंत्री नामदार मंगल प्रभात लोढा यांच्याकडे या मंदिराच्या जीर्णोद्धारासाठी सहा कोटी रुपयांची मागणी केली होती.

           राज्य शासनाच्या पर्यटन विभागाकडून या मंदिराच्या जीर्णोद्धाराच्या कामासाठी पाच कोटी रुपये मंजूर केल्याबद्दल आमदार डॉ तुषार राठोड साहेब यांची भव्यदिव्य मिरवणूक आतिषबाजी ढोल ताशा सह काढण्यात आली... यावेळी शहरातील भाजपा पद्धधिकारी, बाळासाहेब शिवसेना गट, आदी भाविक भक्त शहरातील व्यापारी आणि विविध पक्षातील पद्धधिकारी उपस्थित होते