लोकशाही पत्रकार संघाची मराठवाडा विभागीय बैठक उत्साहात संपन्न
लोकशाही पत्रकार संघाची मराठवाडा विभागीय बैठक उत्साहात संपन्न
पत्रकारांच्या न्याय-हक्कांसाठी संघटना अधिक बळकट करण्याचा निर्धार; संघटनात्मक विस्तारासह विविध प्रश्नांवर सखोल चर्चा
राष्ट्रीय उपाध्यक्ष संदिप जाधव, युवा आघाडी अध्यक्ष किशोर पवार, धाराशिव जिल्हा परिषदेचे उपाध्यक्ष बाबा पाटील, मराठवाडा अध्यक्षा पंचशीलाताई कांबळे व कार्याध्यक्ष धीरज बेलकुंडे यांची प्रमुख उपस्थिती
उमरगा, धाराशिव | प्रतिनिधी
लोकशाही पत्रकार संघाच्या मराठवाडा विभागातील प्रमुख पदाधिकाऱ्यांची महत्त्वपूर्ण विभागीय बैठक धाराशिव जिल्ह्यातील उमरगा येथील शासकीय विश्रामगृहात उत्साहपूर्ण वातावरणात संपन्न झाली. पत्रकारांच्या न्याय्य हक्कांसाठी संघटितपणे आवाज बुलंद करण्याबरोबरच मराठवाड्यात संघटनेचे जाळे अधिक मजबूत करण्याचा निर्धार या बैठकीत व्यक्त करण्यात आला.
बैठकीमध्ये संघटनात्मक विस्तार, पत्रकारांना भेडसावणाऱ्या विविध समस्या, पत्रकारांच्या न्याय-हक्कांचे संरक्षण, जिल्हा व तालुका पातळीवरील संघटन मजबूत करणे तसेच आगामी काळातील संघटनेच्या कार्याची दिशा याबाबत सविस्तर विचारविनिमय करण्यात आला. मराठवाड्यातील प्रत्येक जिल्ह्यात संघटनेची ताकद वाढविण्यासाठी पदाधिकाऱ्यांनी सक्रियपणे काम करावे, पत्रकारांच्या अडचणी समजून घेऊन त्या सोडविण्यासाठी संघटनेच्या माध्यमातून पाठपुरावा करावा, अशा विविध विषयांवर बैठकीत चर्चा झाली.
या महत्त्वपूर्ण बैठकीस लोकशाही पत्रकार संघाचे राष्ट्रीय उपाध्यक्ष संदिपजी जाधव, युवा आघाडीचे अध्यक्ष किशोरदादा पवार, धाराशिव जिल्हा परिषदेचे उपाध्यक्ष बाबा पाटीलजी, मराठवाडा अध्यक्षा पंचशीलाताई कांबळे, मराठवाडा कार्याध्यक्ष धीरज बेलकुंडे यांच्यासह मराठवाडा विभागातील विविध जिल्ह्यांतील प्रमुख पदाधिकारी मोठ्या संख्येने उपस्थित होते.
पत्रकारांच्या प्रश्नांसाठी संघटना सदैव तत्पर
ग्रामीण तसेच शहरी भागात काम करणाऱ्या पत्रकारांना अनेक प्रकारच्या अडचणींचा सामना करावा लागतो. अशा परिस्थितीत पत्रकारांच्या प्रश्नांना वाचा फोडणे, त्यांच्या न्याय्य मागण्यांसाठी शासन व प्रशासनाकडे सातत्याने पाठपुरावा करणे आणि पत्रकारांवर अन्याय झाल्यास त्यांच्या पाठीशी ठामपणे उभे राहणे ही संघटनेची भूमिका अधिक प्रभावीपणे पुढे नेण्याचा निर्धार बैठकीत व्यक्त करण्यात आला.
तालुका, जिल्हा आणि विभागीय पातळीवर संघटनेचा विस्तार करताना कार्यक्षम व सामाजिक बांधिलकी असलेल्या पत्रकारांना संघटनेशी जोडण्यावर भर देण्याबाबतही चर्चा करण्यात आली. संघटनेच्या माध्यमातून पत्रकारांमध्ये एकजूट निर्माण करून त्यांच्या समस्या सोडविण्यासाठी व्यापक व्यासपीठ उभे करण्याची गरज पदाधिकाऱ्यांनी अधोरेखित केली.
मराठवाड्यात संघटन अधिक मजबूत करणार
आगामी काळात मराठवाड्यातील सर्व जिल्ह्यांमध्ये बैठका, पत्रकार मेळावे आणि विविध संघटनात्मक उपक्रम राबवून लोकशाही पत्रकार संघ अधिक मजबूत करण्यासाठी नियोजनबद्ध पद्धतीने काम करण्याचा निर्णय घेण्यात आला. प्रत्येक जिल्हा व तालुक्यातील पदाधिकाऱ्यांनी संघटनेची ध्येयधोरणे तळागाळातील पत्रकारांपर्यंत पोहोचवावीत आणि संघटनेच्या विस्तारासाठी सक्रिय योगदान द्यावे, असे आवाहन करण्यात आले.
बैठकीत उपस्थित पदाधिकाऱ्यांनीही आपापल्या भागातील पत्रकारांच्या समस्या, संघटनात्मक परिस्थिती आणि भविष्यात राबविण्यात येणाऱ्या उपक्रमांबाबत मते मांडली. परस्पर समन्वयातून मराठवाड्यात संघटनेचे कार्य अधिक गतिमान करण्याचा संकल्प यावेळी करण्यात आला.
पत्रकारांच्या न्याय-हक्कांचे संरक्षण, पत्रकारांमध्ये एकजूट आणि संघटनेचा तळागाळापर्यंत विस्तार या त्रिसूत्रीवर आगामी काळात अधिक जोमाने काम करण्याचा निर्धार व्यक्त करत ही मराठवाडा विभागीय बैठक उत्साहपूर्ण वातावरणात संपन्न झाली.
Comments
Post a Comment