नेत्यावर जनतेने टाकलेला विश्वास टिकवणे... हीच कार्यकर्त्याची जबाबदारी
नेत्यावर जनतेने टाकलेला विश्वास टिकवणे... हीच कार्यकर्त्याची जबाबदारी
हेच ध्येय उराशी बाळगून, कोणतेही पद नसतानाही आपले नेते आमदार सुरेश धस यांच्यावरील जनतेचा विश्वास सार्थ ठरवण्यासाठी अंगद सांगळे २४×७ जनतेच्या सेवेत कार्यरत.
पाटोदा (प्रतिनिधी) समाजकारणात पदापेक्षा जनतेशी असलेली नाळ आणि सेवाभावी वृत्तीला अधिक महत्त्व असते. हेच ध्येय उराशी बाळगून अंगद सांगळे कोणतेही अधिकृत पद नसतानाही सातत्याने जनतेच्या सेवेत कार्यरत आहेत.आपले नेते आमदार सुरेश धस यांच्या नेतृत्वावर जनतेने व्यक्त केलेल्या विश्वासाला सार्थ ठरवण्याच्या भावनेतून अंगद सांगळे नागरिकांच्या विविध प्रश्नांसाठी सातत्याने पाठपुरावा करत आहेत. सर्वसामान्य नागरिकांच्या अडचणी जाणून घेणे, संबंधित शासकीय कार्यालयांशी समन्वय साधणे, आवश्यक ठिकाणी पाठपुरावा करणे आणि शक्य ते सहकार्य करणे, याला ते प्राधान्य देत आहेत.
गोरगरीब, शेतकरी, युवक, महिला तसेच सर्वसामान्य नागरिकांच्या विविध प्रश्नांबाबत संवेदनशील भूमिका घेत लोकांमध्ये राहून काम करण्याचा त्यांचा प्रयत्न कायम असल्याचे नागरिकांकडून सांगितले जात आहे.
"पदापेक्षा जनसेवा मोठी आणि जनतेचा विश्वास हाच सर्वात मोठा सन्मान," या भावनेतून अंगद सांगळे लोकहिताला सर्वोच्च प्राधान्य देत २४×७ जनतेच्या सेवेत कार्यरत असून, त्यांच्या सेवाभावी कार्यपद्धतीबद्दल नागरिकांमध्ये समाधानाची भावना व्यक्त होत आहे.
Comments
Post a Comment