वा रे वा! भाजप सरकार! दुष्काळात विद्यार्थ्यांची फी माफी, मग पाटोद्यात विविध कॉलेज मधून फी वसुलीचा तगादा का? पाटोदा (गणेश शेवाळे) दुष्काळामुळे शेतकरी आर्थिक संकटात असताना विद्यार्थ्यांच्या शिक्षणाला दिलासा देण्यासाठी सरकारकडून फी माफीची घोषणा केली जाते; मात्र पाटोद्यात विद्यार्थ्यांना कॉलेजची फी भरण्यास सांगितले जात असल्याची तक्रार समोर येत आहे. फी भरली नाही तर परीक्षेला बसता येणार नाही, असे विद्यार्थ्यांना सांगितले जात असल्याचा आरोप आहे. एकीकडे भाजप सरकारकडून विद्यार्थ्यांना दिलासा देण्याची भूमिका मांडली जाते, तर दुसरीकडे फी भरण्याच्या दबावामुळे विद्यार्थ्यांसमोर परीक्षेचे संकट उभे राहत असेल, तर या सवलतीचा प्रत्यक्ष लाभ मिळतोय कुठे? सरकारची घोषणा विद्यार्थ्यांसाठी, मग प्रत्यक्षात फीचा भार विद्यार्थ्यांच्याच डोक्यावर का? दुष्काळात शेतकऱ्यांच्या घरची आर्थिक परिस्थिती बिकट असताना मुलांच्या शिक्षणासाठी पैसे आणायचे कुठून? शासनाने फी माफीचे लागू असलेले नियम स्पष्ट करावेत आणि पात्र विद्यार्थ्यांचे शैक्षणिक नुकसान होऊ देऊ नये, अशी मागणी होत आहे.

फसव्या शेतकरी कर्जमाफीच्या निषेधार्थ शेतकरी सुनील जावळे यांचे पाटोदा तहसीलसमोर समाधी आंदोलन! पहिल्या यादीत नाव, खात्यात पैसे नाहीत; जुन्या कर्जामुळे नवीन पीककर्जही मिळेना, शेतकऱ्यांचा संताप! पाटोदा (प्रतिनिधी ) : ज्याच्या घामातून शेतात पीक उभे राहते, ज्याच्या कष्टावर संपूर्ण देशाची भूक भागते, त्याच बळीराजाला आज आपल्या हक्काच्या कर्जमाफीसाठी आंदोलन करण्याची वेळ आली आहे. कर्जमाफीच्या पहिल्या यादीत नाव आले, पण बँक खात्यात पैसे जमा झाले नाहीत. जुन्या कर्जाचा प्रश्न कायम असल्याने नवीन पीककर्ज मिळवतानाही अडचणी येत आहेत. मग शेतकऱ्याने शेती करायची कशी? कुटुंबाचा संसार चालवायचा कसा? आणि पुढच्या हंगामाची तयारी करायची तरी कोणत्या पैशांत? या प्रश्नांकडे शासनाचे लक्ष वेधण्यासाठी शेतकरी सुनील जावळे यांनी पाटोदा तहसील कार्यालयासमोर समाधी आंदोलन करून निषेध व्यक्त केला. कर्जमाफीच्या घोषणांनंतरही प्रत्यक्ष लाभ मिळत नसल्याची तक्रार या आंदोलनातून पुढे आली आहे. यादीत नाव आले, पण शेतकऱ्याच्या पदरात काय? कर्जमाफीच्या पहिल्या यादीत नाव आल्यावर शेतकऱ्याच्या मनात आशेचा किरण निर्माण झाला असेल. आता ड...

पिक कर्जासाठी लिंबागणेश येथे रास्ता रोको आंदोलन! वैयक्तिक व जामीनदाराच्या थकीत कर्जामुळे महाराष्ट्र ग्रामीण बँकेकडून पिक कर्ज नाकारल्याचा आरोप; सक्तीची कर्जवसुली थांबविण्याची मागणी — डॉ. गणेश ढवळे लिंबागणेश : (दि.१५ ) ऐन दुष्काळात शेतकऱ्यांना पिक कर्ज मिळण्यात अडथळे येत असल्याच्या निषेधार्थ गुरुवारी सकाळी बीड तालुक्यातील बालाघाटावरील लिंबागणेश येथील छत्रपती शिवाजी महाराज चौकात रास्ता रोको आंदोलन करण्यात आले. वैयक्तिक कर्जाची थकबाकी तसेच जामीनदाराच्या खात्यावरील थकीत देयकांमुळे महाराष्ट्र ग्रामीण बँकेच्या लिंबागणेश शाखेकडून पिक कर्जाचे अर्ज पुढील प्रक्रियेसाठी स्वीकारले जात नसल्याचा आरोप आंदोलनकर्त्यांनी केला. सामाजिक कार्यकर्ते तथा बीड जिल्हा माहिती अधिकार कार्यकर्ता महासंघ, महाराष्ट्र राज्याचे मुख्य प्रचारप्रमुख डॉ. गणेश ढवळे लिंबागणेशकर यांच्या नेतृत्वाखाली हे आंदोलन करण्यात आले. थकीत कर्जाच्या अटींमुळे पिक कर्जाचा मार्ग अडल्याचा आरोप महाराष्ट्र ग्रामीण बँकेच्या लिंबागणेश शाखेत पिक कर्जासाठी अर्ज करणाऱ्या शेतकऱ्यांना वैयक्तिक कर्जाची थकबाकी किंवा जामीनदाराच्या खात्यावरील ...

विराट जाहीर सभेला मोठ्या संख्येने उपस्थित राहा – नागेश शिंदे, सतीश शिनगारे केंद्रीय मंत्री रामदास आठवले यांची प्रमुख उपस्थिती  बीड (प्रतिनिधी ) रिपब्लिकन पार्टी ऑफ इंडिया (A) जिल्हा बीडच्या वतीने शुक्रवार, दि. १६ ऑक्टोबर २०२६ रोजी दुपारी ४ वाजता बीड शहरातील छत्रपती संभाजी महाराज क्रीडांगण, छत्रपती शिवाजी महाराज चौक येथे विराट जाहीर सभेचे आयोजन करण्यात आले आहे. या सभेला केंद्रीय मंत्री तथा रिपब्लिकन पार्टी ऑफ इंडियाचे राष्ट्रीय अध्यक्ष मा. ना. रामदासजी आठवले साहेब यांचे प्रमुख मार्गदर्शन लाभणार आहे. पपुजी कागदे, किसना तांगडे यांची उपस्थिती असणार आहे. या विराट जाहीर सभेच्या माध्यमातून शेतकरी, शेतमजूर, कामगार, विद्यार्थी, महिला तसेच वंचित आणि उपेक्षित घटकांच्या विविध प्रश्नांकडे शासनाचे लक्ष वेधण्यात येणार आहे. त्यामुळे बीड तालुक्यातील नाळवंडी सर्कल आणि पिंपळनेर सर्कल मधील नागरिक, पदाधिकारी, कार्यकर्ते आणि सर्व समाजबांधवांनी मोठ्या संख्येने उपस्थित राहावे, असे आवाहन नागेश शिंदे व सतीश शिनगारे यांनी केले आहे. सभेत दुष्काळजन्य परिस्थितीचा सामना करण्यासाठी शेतकऱ्यांना प्रति ह...

केंद्रीय मंत्री रामदास आठवले यांच्या सभेला हजारोंच्या संख्येने उपस्थित राहा: विलास जोगदंड यांचे बीडकरांना आवाहन १६ ऑक्टोबर रोजी बीडमध्ये विराट जाहीर सभा बीड, दि. ११ (प्रतिनिधी ) : केंद्रीय सामाजिक न्याय राज्यमंत्री रामदास आठवले यांच्या प्रमुख उपस्थितीत शुक्रवार, दि. १६ ऑक्टोबर २०२६ रोजी बीड शहरात विराट जाहीर सभेचे आयोजन करण्यात आले आहे. युवा रिपाइं प्रदेशाध्यक्ष तथा रिपाइंचे बीड जिल्हाध्यक्ष पप्पू कागदे यांच्या नेतृत्वाखाली छत्रपती संभाजी महाराज क्रीडांगण, छत्रपती शिवाजी महाराज चौक, बीड येथे दुपारी ठीक ४ वाजता ही सभा होणार आहे. या सभेला रिपाइंचे पदाधिकारी, कार्यकर्ते, महिला, गायरानधारक, विद्यार्थी, शेतकरी व शेतमजूर यांनी हजारोंच्या संख्येने उपस्थित राहून सभा यशस्वी करावी, असे आवाहन रिपाइंचे बीड जिल्हा सचिव विलास जोगदंड यांनी केले आहे. राज्यासह मराठवाडा आणि बीड जिल्ह्यात पावसाने दडी मारल्यामुळे शेतीचे मोठे नुकसान झाले असून, शेतकऱ्यांसमोर आर्थिक संकट उभे राहिले आहे. दुष्काळसदृश परिस्थितीमुळे जनावरांच्या चाऱ्याचा, पिण्याच्या पाण्याचा तसेच शेतमजूर व मोलमजुरी करून उदरनिर्वाह करण...

वैदेही ॲग्रोसह संबंधित संस्थांची चौकशी करा.  पशुपालकांचे पैसे परत द्या; वैदेही ॲग्रो प्रकरणी नितीन सोनवणे आक्रमक. बीड, प्रतिनिधी : मुख्यमंत्री ग्रामीण पशुधन उद्योजकता योजनेचा लाभ मिळवून देण्याच्या नावाखाली पशुपालक व मेंढपाळांकडून पैसे घेतल्याच्या प्रकरणाची सखोल चौकशी करून संबंधितांची रक्कम परत मिळवून द्यावी, अशी मागणी ऑल इंडिया पॅंथर सेनेने केली आहे. वैदेही ॲग्रो फार्मिंग प्रकरणातील संबंधितांची भूमिका तपासून दोषींवर कठोर कायदेशीर कारवाई करावी, तसेच बीड जिल्ह्यातील संबंधित ॲग्रो संस्थांचीही चौकशी करावी, अशी मागणी संघटनेचे महाराष्ट्र प्रवक्ता तथा बीड जिल्हाध्यक्ष नितीन सोनवणे यांनी जिल्हाधिकाऱ्यांना दिलेल्या निवेदनातून केली आहे. बीड जिल्ह्यात दुष्काळसदृश परिस्थितीमुळे शेतकरी, पशुपालक आणि मेंढपाळ आर्थिक संकटाचा सामना करीत आहेत. जनावरांसाठी चारा-पाणी उपलब्ध करणे आणि पशुधनाचे संगोपन करणे कठीण झाले असताना, शासकीय योजनेचा लाभ मिळवून देण्याच्या नावाखाली आर्थिक फसवणूक झाल्याचे आरोप समोर आल्याने या प्रकरणाची गांभीर्याने चौकशी करण्याची मागणी करण्यात आली आहे. प्रसिद्ध वृत्तानुसार,...

 हंगामी स्थलांतरित ऊसतोड मजुरांच्या बालकांचे शैक्षणिक नुकसान टाळण्यासाठी बीड जिल्हा प्रशासनाने तातडीने उपाययोजना कराव्यात अवनि संस्था गेल्या ३४ वर्षांपासून कोल्हापूर, सांगली, सातारा तसेच मराठवाड्यातील बीड, धाराशिव, लातूर आणि छत्रपती संभाजीनगर या जिल्ह्यांमध्ये हंगामी स्थलांतरित ऊसतोड मजुरांच्या बालकांच्या शिक्षणासाठी आणि सर्वांगीण विकासासाठी कार्यरत आहे. गेल्या तीन वर्षांपासून अवनि संस्था, जागर प्रतिष्ठान, बीड आणि छत्रपती शाहू प्रतिष्ठान, बीड यांच्या संयुक्त विद्यमाने बीड जिल्ह्यातून कोल्हापूर, सांगली व सातारा जिल्ह्यांमध्ये स्थलांतरित होणाऱ्या बालकांच्या शैक्षणिक प्रश्नांवर काम केले जात आहे. या अनुषंगाने संबंधित प्रशासनासोबत समन्वय साधून स्थलांतरित बालकांना शिक्षणाच्या प्रवाहात टिकवून ठेवण्यासाठी प्रयत्न केले जात आहेत. मानवी हक्क आयोगाने दाखल केलेल्या सुमोटो प्रकरणामुळे मागील दोन वर्षांपासून बीड जिल्हा प्रशासनामार्फत प्रत्येक तालुक्यात दोन याप्रमाणे संत भगवान बाबा वसतिगृहे सुरू करण्यात आली आहेत. या वसतिगृहांच्या माध्यमातून अनेक स्थलांतरित ऊसतोड कामगारांच्या बालकांना शि...