राष्ट्रीय समाज पक्षाच्या जिल्हाध्यक्षा किरण डोळस यांना 'राज्यस्तरीय पद्मपाणी पुरस्कार' जाहीर
बीड प्रतिनिधी :-आपल्या आक्रमक शैलीने जनसामान्यांचे प्रश्न मांडणाऱ्या आणि सामाजिक कार्यात अग्रेसर असणाऱ्या राष्ट्रीय समाज पक्षाच्या महिला जिल्हाध्यक्षा किरण डोळस यांना या वर्षाचा मानाचा 'राज्यस्तरीय पद्मपाणी पुरस्कार' जाहीर झाला आहे.
पद्मपाणी प्रतिष्ठानच्या वतीने विविध क्षेत्रांत उल्लेखनीय कामगिरी करणाऱ्या व्यक्तींना हा पुरस्कार देऊन गौरविण्यात येते. किरण डोळस यांनी बीड जिल्ह्यात महिलांचे संघटन मजबूत करण्यासोबतच, उपेक्षित घटकांच्या न्याय हक्कासाठी सातत्याने लढा दिला आहे. त्यांच्या या सामाजिक कार्याची दखल घेत प्रतिष्ठानने त्यांना हा सन्मान जाहीर केला आहे.
किरण डोळस यांना हा पुरस्कार जाहीर झाल्याबद्दल राष्ट्रीय समाज पक्षाच्या कार्यकर्त्यांसह राजकीय आणि सामाजिक क्षेत्रातून त्यांचे कौतुक होत आहे. "हा पुरस्कार माझ्या जबाबदारीची जाणीव करून देणारा असून, यापुढेही वंचितांच्या सेवेसाठी मी तत्पर राहीन," अशी प्रतिक्रिया त्यांनी यावेळी व्यक्त केली.
Comments
Post a Comment