पाटोद्यात भरदिवसा घरफोडी या घटनेनंतर शहरातील नागरिक भयभीत

 शहरातील प्रत्येक चौकात सीसीटीव्ही कॅमेरे बसवावेत अशी मागणी माजी नगरसेवक रामदास गिते यांनी केली आहे

पाटोदा (प्रतिनिधी) पाटोदा शहरातील शिक्षक कॉलनीतील निवृत्त शिक्षणाधिकाऱ्याच्या घरी मंगळवारी भर दिवसा सकाळी दहा वाजण्याच्या सुमारास चोरी झाली. घराला लावलेले कुलूप कोंड्यासह तोडून चोरांनी घरात प्रवेश केला.याच वेळेला अंत्यविधीसाठी गेलेल्या शिक्षिका घरी परतल्या. त्यांनी एक चोरटा पकडला, मात्र दुसऱ्या चोरट्याने कोयत्याचा धाक दाखवल्याने चोरटा सुटला आणि तिन्ही चोर पसार झाले या घटनेनंतर पाटोदा शहरात भितीचे वातावरण झाले असुन पाटोदा शहरातील प्रत्येक चौकात सीसीटीव्ही कॅमेरे बसवावेत अशी मागणी माजी नगरसेवक रामदास गिते यांनी केली आहे