चौसाळा येथिल गुरूदत्त माध्यमिक व उच्चमाध्यमिक विद्यालयात श्रीकृष्ण जन्माष्टमी निमित्त गोपाळकाला व दहीहंडी कार्यक्रम मोठया उत्साहात साजरा
बीड जिल्हा (प्रतिनिधी-- गोरख मोरे ) :
गुरुदत्त माध्यमिक व उच्च माध्यमिक विद्यालय चौसाळा येथे संस्थेचे अध्यक्ष लोकनेते डॉ. बाबुरावजी जोगदंड यांच्या अध्यक्षतेखाली श्रीकृष्ण जन्माष्टमी निमित्त गोपाळकाला व दहीहंडीच्या कार्यक्रमाचे मोठ्या जल्लोषात आयोजन करण्यात आले.. श्रीकृष्णाने बाळ गोपाळ व सवंगड्यांना घेऊन गोवर्धन पर्वत उचलला या एकीचं व संघटनेचे बळ आपल्या हिंदू संस्कृतीमध्ये पाहायला मिळतं . अशा सण-उत्सवामधून माझ्या शाळेतली मुलं संस्कारक्षम नागरिक व संस्कृतीचे पाईक घडतील अशी अपेक्षा डॉक्टर साहेबांनी आपल्या मनोगतातून व्यक्त केली . या कार्यक्रमासाठी संस्थेचे उपाध्यक्ष सयाजी (बाप्पा )शिंदे ,शालेय समिती सदस्य श्री संभाजी (आबा) जोगदंड ,श्री उमेश राव आंधळे ,चौसाळा पत्रकार संघाचे अध्यक्ष विवेक( बाबा) कुचेकर तसेच उमेश राव जोगदंड, घरत नाना , महेश रावजी कदम व प्रतिष्ठित नागरिक व मोठ्या संख्येने पालक वर्ग उपस्थित होते. शाळेतील शिक्षक श्री राठोड सर, घोडके सर, मोठे सर यांच्या मार्गदर्शनाखाली शाळेतील मुलींनी गोपिकांच्या वेशामध्ये विविध गीतांवर टिपरी नृत्य केले . विद्यालयातील लेझीम पथकाने श्री केदार सर व साबणे मॅडम यांच्या मार्गदर्शनातून पथकाचे कौशल्य दाखवलं . प्राथमिक गटातील इयत्ता पाचवी ते सातवीच्या गोविंदा पथकाने श्री गुरव सर व लिमकर सर यांच्या प्रेरणेतून दहीहंडी फोडण्याचा कसोशीने प्रयत्न केला . माध्यमिक गटातील आठवी ते दहावी वर्गातील गोविंदा पथकाने श्री वैद्य सर व बाळासाहेब जाधव यांच्या मार्गदर्शनाखाली दहीहंडी फोडण्यात यश मिळवले . शाळेचे मुख्याध्यापक श्री श्रीमंत चौधरी सर यांच्या संकल्पनेतून आयोजित केलेल्या या कार्यक्रमास यशस्वी करण्यासाठी शाळेतील सहकारी श्रीमती टाच तोडे , संजय सोनवणे, धनंजय वाघमारे, विश्वनाथ पवार यांनी मोलाचे परिश्रम घेतले .
Comments
Post a Comment