राज्यस्तरीय कृषी प्रदर्शनाचा जास्तीत जास्त शेतकऱ्यांनी लाभ घ्यावा- मा.आ. भिमराव धोंडे
आष्टी( प्रतिनिधी- गोरख मोरे ) :
दिनांक २९ ऑगस्ट ते १ सप्टेंबर २०२४ या कालावधीत मराठवाड्यातील सर्वात मोठे डॉ. स्वामीनाथन राज्यस्तरीय दुसरे कृषी प्रदर्शन आष्टी येथे होत असून , चार दिवस चालणारे कृषी प्रदर्शन म्हणजे बीड/धाराशिव /अहमदनगर जिल्ह्यातील शेतकऱ्यांसाठी खास पर्वणी असुन , याचा शेतकऱ्यांनी लाभ घेण्याचे आवाहन आयोजक माजी आमदार भीमराव धोंडे यांनी केले .
याबाबत अधिक माहिती देताना माजी आमदार भीमराव धोंडे यांनी सांगितले की , आष्टी येथील श्री. छत्रपती शाहू-फुले-आंबेडकर कृषी महाविद्यालय व वसंतराव नाईक मराठवाडा कृषी विद्यापीठ परभणी आयोजित चार दिवसीय भव्यदिव्य अशा कृषी प्रदर्शनाची संपूर्ण तयारी झालेली असुन , गुरुवारी कृषी मंत्री ना. धनंजय मुंडे व लोकनेत्या आ. पंकजाताई मुंडे, परभणी कृषी विद्यापीठाचे कुलगुरू डॉ. इंद्र मनी, आदर्श सरपंच पोपटराव पवार यांच्या प्रमुख उपस्थितीत उद्घाटन होणार आहे . या प्रसंगी आष्टी तालुक्यातील विविध पुरस्कार प्राप्त शेतकरी बाबासाहेब पिसोरे, बबनराव झांबरे, विजयाताई घुले यांच्यासह आदी अनेक मान्यवर उपस्थित राहणार असून , कृषी प्रदर्शनामध्ये आलेल्या शेतकऱ्यांच्या नावांमधून दर तासाला मोफत भव्य लकी ड्रॉ बक्षीस तर शेवटच्या दिवशी भाग्यवान शेतकरी जोडीसाठी लकी ड्रॉ मधून बंपर बक्षीस मिळणार असुन , लाडक्या बहिणींसाठी उद्धव के.पी. प्रस्तूत महाराष्ट्रभर गाजत असलेला महिला भगिनींचा एकमेव आवडता कार्यक्रम खेळ पैठणीचा शुक्रवार दि. ३० ऑगस्ट २०२४ रोजी सायंकाळी होत आहे . दररोज दुपारी कृषी संबंधित तज्ञांचे सविस्तर मार्गदर्शन मिळणार असून , दुध उत्पादक शेतकऱ्यांसाठी वेगवेगळे अत्याधुनिक मशिन, कुक्कुटपालन, गांडूळ खत बनविने , जिरेनियम शेती, खेकडा पालन, गोमातेच्या शेणापासून विविध वस्तू बनविणे , महिलांनी घरगुती व्यवसाय करणे, विविध प्रकारचे ट्रॅक्टर व अवजारे इत्यादी माहिती मिळणार आहे . ४१ लाख रुपये किमंतीचा खिलार कोसा जातीचा सोन्या बैल प्रदर्शनाचे विशेष आकर्षण ठरणार आहे . प्रदर्शन मोफत असल्याने जास्तीत जास्त शेतकऱ्यांनी लाभ घेण्याचे आवाहन आष्टी /पाटोदा /शिरूर विधानसभा मतदार संघाचे माजी आमदार भीमराव धोंडे, निमंत्रक युवा नेते अजयदादा धोंडे यांनी केले आहे .
Comments
Post a Comment