वडवणीत शेतकऱ्यांना विविध प्रश्नांवर किसान सभेच्या वतीने चक्का जाम आदोलन

दोन तास किसान सभेचा वडवणी शहरात चक्काजाम आंदोलन

तालुक्यातील नागरिक युवकांची मोठ्या प्रमाणात उपस्थिती

वडवणी (प्रतिनिधी):- मागील वर्षी ३ काळे कृषी कायदे वापस घेल्यानंतर संयुक्त किसान मोर्चाला शेतकरी आंदोलन मागे घेण्यासाठी केंद्र सरकारने आंदोलकांवर दाखल केलेले गन्हे मागे घेतले जातील व शेतकऱ्यांना हमीभाव देण्यासाठी केंद्रीय समिती स्थापन करून तोडगा काढण्याचे आश्वासन दिले होते परंतु ते पाळले गेले नाही म्हणून रविवारी ( ता ३१ )रोजी देशव्यापी विश्वास घात दिवस पाळुण वडवणी येथील छत्रपती शिवाजी महाराज चौकात चक्का जाम आंदोलन करण्यात आले.एमएसपी ची केवळ घोषणा नको . उत्पादन खर्चावर आधारित दीडपट जास्त हमीभावाचा कायदा करा . केवळ सत्ता मिळवण्यासाठीच स्वामीनाथन आयोगाचा पुळका कशाला ? आता त्याची शेतकरी हितासाठी अंमलबजावणी करा . शेतकऱ्यांना आत्महत्येच्या गर्त्यात लोटणारे आयात - निर्यात धोरण बदलून खऱ्या अर्थाने शेतकरी हिताचे करा . संयुक्तकिसान मोर्चाच्या किसान आंदोलनात सरकारने शेतकऱ्यांवर दडपशाहीने दाखल केलेले सर्व गुन्हे वापस घ्या . रासायनिक खतांच्या किंमती कमी करुन खतांचा काळाबाजार थांबवा . शेती उपयोगी सर्व साहित्य जीएसटी कक्षेतून वगळून ते मोठ्या अनुदानावर व मुबलक प्रमाणात शेतकऱ्यांना उपलब्ध करून द्या . सर्व 

प्रलंबित पीक विम्याचे शेतकऱ्यांना लवकरात लवकर वाटप करा . यासह विविध मागण्सांसाठी महाराष्ट्र राज्य किसान सभेच्या वतीने रविवारी ( ता . ३१ ) सकाळी ११ वाजता वडवणी येथील छत्रपती शिवाजी महाराज चौक येथे चक्का जाम आंदोलन करण्यात करण्यात आले होते.

या आदोलन केंद्र सरकार विरोधात कार्यकर्ते त्यानी जोरदार घोषबाजी करण्यात आली होती.